8 qyrkúıek. Tulǵalar týǵan kún

ASTANA. QazAqparat – Búgin, 8 qyrkúıek tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

61 jyl buryn (1962) G-Global halyqaralyq hatshylyǵynyń jetekshisi Serik Nógerbekuly NÓGERBEKOV dúnıege keldi.

Qaraǵandy oblysynyń Qarqaraly qalasynda týǵan. 1984 jyly Qaraǵandy kooperatıvtik ınstıtýtyn bitirgen. Ekonomıka ǵylymdarynyń doktory.

Eńbek jolyn 1984 jyly Qarqaraly mal dárigerlik tehnıkýmynda komsomol komıtetiniń hatshysy bolyp bastaǵan. 1985 jylǵy maýsym - 1986 jylǵy qarasha aralyǵynda – Keńes armııasynda merzimdi qyzmet ótkergen. 1986 jylǵy qarasha - 1987 jylǵy jeltoqsan aralyǵynda – Qazaqstan LKJO Qarqaraly aýdandyq komıtetiniń ekinshi hatshysy.1987 jylǵy jeltoqsan - 1988 jylǵy jeltoqsan aralyǵynda – «Qaraǵandy Transagenttik» ATK Qarqaraly agenttiginiń bastyǵy. 1988 jylǵy jeltoqsan - 1991 jylǵy mamyr aralyǵynda – Agroónerkásip kesheni kásipodaq qyzmetkerleriniń Qarqaraly aýdandyq komıtetiniń nusqaýshysy. 1991 jylǵy mamyr - 1992 jylǵy qańtar aralyǵynda – «Altyn Emel» AQ-da jabdyqtaý jónindegi menedjer bolyp jumys atqarǵan. 1992 jylǵy qańtar - 1994 jylǵy aqpan aralyǵynda – Respýblıkalyq syrtqy ekonomıkalyq «Qazónerkásipeksport» kásiporyny «Kómir-eksport» fırmasynyń dırektory. 1994 jylǵy aqpan - 1998 jylǵy maýsym aralyǵynda – Memlekettik syrtqy ekonomıkalyq «Qazybek» korporatsııasynyń vıtse-prezıdenti. 1998 jylǵy maýsym - 2000 jylǵy qańtar aralyǵynda – Qazaqstan Respýblıkasyndaǵy Memleketaralyq «Mır» teleradıokompanııasynyń fılıaly dırektorynyń orynbasary. 2000 jylǵy qańtar - tamyz aralyǵynda – «Aımaqaralyq klırıng palatasy» AAQ Dırektorlar keńesiniń tóraǵasy. 2000 jylǵy tamyz - 2002 jylǵy shilde aralyǵynda – Qaraǵandy oblystyq Qarjy basqarmasynyń bastyǵy. 2002 jylǵy shilde - 2005 jylǵy qyrkúıek aralyǵynda – Qazaqstan Respýblıkasy Kólik jáne kommýnıkatsııalar mınıstrligi Qarjylyq retteý departamentiniń dırektory. 2005 jylǵy qyrkúıek - 2007 jylǵy aqpan aralyǵynda – «Esnur jáne K» JShS Dırektorlar keńesiniń tóraǵasy. 2007 jylǵy aqpan - 2009 jylǵy maýsym aralyǵynda – Qazaqstan Respýblıkasy Ekonomıka jáne bıýdjettik josparlaý mınıstrligi «Ekonomıkalyq zertteýler ınstıtýty» AQ Prezıdenti. 2009 jylǵy maýsym - 2012 jylǵy qarasha aralyǵynda – Qazaqstan Respýblıkasy Prezıdenti Ákimshiligi Áleýmettik-ekonomıkalyq monıtorıng bóliminiń meńgerýshisi. 2012 jylǵy qarasha - 2015 jylǵy qyrkúıek aralyǵynda – Qazaqstan Respýblıkasy Parlamenti Senatynyń besinshi shaqyrylymynyń depýtaty. 2015-2020 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi boldy.

2021 jyldan bastap qazirgi qyzmetinde.

«Parasat» ordenimen(2015 jyly), «Eren eńbegi úshin»medalimen (2008 jyly), mereıtoılyq jáne vedomstvolyq medaldarmen marapattalǵan.

5 7 jyl buryn (1966) «Vremıa» qoǵamdyq-saıası gazetiniń bas redaktory Lev ıÝrevıch TARAKOV dúnıege keldi.

ÝKSR Chıgırın qalasynda týǵan. Kıev joǵary áskerı-teńiz saıası ýchılışesin bitirgen (1988), áskerı-teńiz flotynyń ofıtseri-saıası qyzmetkeri, tarıh pen qoǵamtaný pánderiniń muǵalimi.

1988 jyldan - Soltústik flotta ofıtser-saıası jumysker bolyp qyzmet etken. 1992 jyldan - Qazaqstan Respýblıkasynyń Baspa jáne buqaralyq aqparat mınıstrliginiń jetekshi, bas mamany, basqarma bastyǵynyń orynbasary, saraptamalyq-taldaý jumystary men jedel aqparat bas basqarmasynyń bastyǵy. 1994 jyldan - QR Prezıdenti janyndaǵy Taldaý men strategııalyq zertteýler ortalyǵynda sektor meńgerýshisi, jetekshisiniń orynbasary, birinshi orynbasary. 1997 jyldyń mamyrynan - QR Prezıdenti janyndaǵy Qazaqstandyq strategııalyq zertteýler ınstıtýtynyń dırektory. 1997 jyldyń jeltoqsanynan - QR Aqparat jáne qoǵamdyq kelisim vıtse-mınıstri. 1998 jyldyń mamyrynan – QR Prezıdenti baspasóz qyzmetiniń jetekshisi. 2002 jyldan RF QR Ókilettiginiń keńesshi-ýákili. 2004 jyldan «Lıter Media» kompanııasy bas dırektorynyń orynbasary. 2004-2008 jyldary «Liter-Media» JShS atqarýshy dırektory, 2008-2012 jyldary - «Lıter» respýblıkalyq qoǵamdyq-saıası gazeti» JShS bas dırektory bolǵan.

Qazirgi qyzmetinde – 2012 jyldyń mamyr aıynan beri.

«Qurmet» ordenimen, «Astana», «Qazaqstan Respýblıkasynyń táýelsizdigine 10 jyl» medaldarymen marapattalǵan.

5 6 jyl buryn (1967) QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi Azat Turlybekuly PERÝAShEV dúnıege keldi.

Jambyl oblysy Qordaı aýdanynyń týmasy, ǵylym kandıdaty. 1984 - 1991 jyldary - M. Gorkıı atyndaǵy Oral memlekettik ýnıversıteti (Sverdlovsk qalasy); 1995 - 1996 jyldary QR Prezıdenti janyndaǵy Ulttyq joǵary memlekettik basqarý mektebi (Almaty qalasy); 1998 - 2000 jyldary - Jetisý ekonomıkalyq ınstıtýty (Taldyqorǵan qalasy); 2011 j. - RF Úkimeti janyndaǵy Halyq sharýashylyǵy akademııasynyń doktoranty.

Eńbek jolyn Qıyr Soltústik portynda júk tasýshy bolyp bastaǵan. 1991 j. - Qazaqstan Kompartııasy Panfılov aýdandyq komıtetiniń nusqaýshysy. 1992 - 1995 jyldary - Taldyqorǵan oblysy ákimshiliginiń konsýltanty, sektor meńgerýshisi. 1996 - 1998 jyldary - QR Prezıdenti Ákimshiliginiń konsýltanty, sektor meńgerýshisi. 1998 - 2005 jyldary - «Qazaqstan alıýmınııi» AQ bas dırektorynyń orynbasary, vıtse-prezıdenti. 2006 j. - Qazaqstan Azamattyq partııasy Ortalyq komıtetiniń birinshi hatshysy. 2006 - 2011 jyldary «Atameken» QUEP basqarmasynyń tóraǵasy. 2011 jylǵy shildeden - «Aq jol» QDP tóraǵasy. 2012 jylǵy qańtardan - Qazaqstan Respýblıkasy Parlamenti Májilisiniń depýtaty, «Aq jol» Qazaqstan Demokratııalyq partııasynyń fraktsııa jetekshisi.

2023 jyldyń naýryz aıynan bastap qazirgi qyzmetinde.

ІІІ dárejeli «Barys» ordenimen (2008 j.) marapattalǵan, «Qazaqstan alıýmınııi» AQ eńbek sińirgen qyzmetkeri (2005 jyly).

5 3 jyl buryn (1970) Qazaqstan Respýblıkasy Syrtqy ister mınıstrligi Halyqaralyq aqparat komıteti tóraǵasynyń orynbasary Dáýren Keńesuly DIıAROV dúnıege keldi.

Almaty qalasynda týǵan. V.I.Lenın atyndaǵy Qazaq polıtehnıkalyq ınstıtýtyn (qazirgi Q.Sátbaev atyndaǵy Qazaq ulttyq tehnıkalyq ýnıversıteti), Qazaqstan menedjment, ekonomıka jáne boljaý ınstıtýtyn bitirgen.

1993-1994 jyldary - «ARÝS» Kásibı fýtbol klýbynyń aýdarmashysy, 1994-1995 jyldary - «Stroıımport» kompanııasynyń menedjeri. 1995-1997 jyldary - «VIA» JShS dırektory. 1997-1998 jyldary - «Rahat-Metalz» JShS qundy qaǵazdar departamentiniń dırektory, «Tsentraz Faınans Sekıýrıtız LTD» dırektordyń qarjy jónindegi orynbasary. 1998-2000 jyldary - «Vesta» JShS dırektordyń qarjy jónindegi orynbasary. 2000-2002 jyldary «D.D.D.» JShS dırektory. 2002-2003 jyldary Qazaqstan Respýblıkasy Prezıdenti Ákimshiligi Іshki saıasat bóliminiń bas mamany. 2003-2004 jyldary Qazaqstan Respýblıkasy Aqparat jáne qoǵamdyq kelisim mınıstrligi jastar saıasaty departamenti dırektorynyń orynbasary, Qazaqstan Respýblıkasy Mádenıet mınıstrligi jastar saıasaty departamentiniń dırektory. 2004-2007 jyldary - «Qazaq aqparat agenttigi» UK» AQ-nyń ekonomıka jáne damý jónindegi vıtse-prezıdenti. 2007-2013 jyldary - «Qazaq aqparat agenttigi» UQ» AQ prezıdenti, bas dırektory qyzmetterin atqarǵan. 2014-2016 jyldary - «QazAqparat» HAA bas dırektory, bas dırektordyń birinshi orynbasary.

4 8 jyl buryn (1975) Qazaqstan Respýblıkasy Parlamenti Májilisiniń depýtaty Dmıtrıı Vladımırovıch KOLODA dúnıege keldi.

Soltústik Qazaqstan oblysy Shal aqyn aýdany Gorodetskoe aýylynda týǵan. Soltústik Qazaqstan ýnıversıtetin, Qorǵan memlekettik ýnıversıtetin támamdady. Zańger.

1997-1999 jyldary Soltústik Qazaqstan oblysy Sergıev aýdany prokýrorynyń aǵa kómekshisi, 1997-2000 jyldary Qorǵan memlekettik ýnıversıtetinde oqyǵan. 1999-2000 jyldary Soltústik Qazaqstan oblysy prokýratýrasy janyndaǵy QSjAO qylmys týraly statıstıkany qalyptastyrý bóliminiń aǵa prokýrory. 2000-2004 jyldary Soltústik Qazaqstan oblysy Shal aqyn aýdany prokýrorynyń kómekshisi, 2004 jyly Soltústik Qazaqstan oblysy Aıyrtaý aýdany prokýrorynyń kómekshisi, 2004-2005 jyldary Soltústik Qazaqstan oblysy Tımırıazev aýdanynyń ádilet bóliminiń bastyǵy, 2005-2007 jyldary Soltústik Qazaqstan oblysy Tımırıazev aýdany ádilet basqarmasynyń bastyǵy, 2007-2020 jyldary Soltústik Qazaqstan oblysy Ádilet departamenti basshysynyń orynbasary, 2020-2021 jyldary «Birlik» zań qyzmetteri ortalyǵy «JShS dırektory.

2021 jylǵy qańtarda Qazaqstan Respýblıkasy Parlamenti Májilisiniń depýtaty bolyp saılandy.

Qazirgi qyzmetinde 2023 jylǵy naýryzdan beri.

Memlekettik nagradalary: «Qazaqstan Konstıtýtsııasyna 25 jyl» (2020), «Qazaqstan halqy Assambleıasyna 25 jyl» (2020), «Astana 20 jyl» (2018), «Qazaqstan Respýblıkasynyń Táýelsizdigine 25 jyl» (2016).

44 jyl buryn (1979) qazaqstandyq pop ánshi, «Jas qanat» jastar baıqaýynyń jeńimpazy (1999), Qazaqstannyń eńbek sińirgen qaıratkeri (2011) Mádına Baqytjanqyzy SÁDÝAQASOVA dúnıege keldi.

Almaty qalasynda týǵan. Qyzylorda mýzykalyq kolledjiniń hor dırıjerlik bólimin úzdik bitirgen. Mádınanyń alǵashqy debıýti 1992 jyly ótken «Ánshi balapan» balalar baıqaýy boldy. Osydan keıin ol kóptegen baıqaýlarǵa qatysty. Rashıd Botbaevtyń «Mýzykalyq saıahat» telebaıqaýy ánshiniń úlken óner jolyna jol ashty.

1999 jyly Mádına «Jas qanat» jastar mýzykalyq baıqaýynda bas júldeni jeńip aldy, onda óziniń kýmıri Roza Rymbaevamen dýet aıtý múmkindigine ıe boldy.

Sol jyly Mádına Sádýaqasova «Azııa daýysy» baıqaýynda sátti óner kórsetip, óz óńirinde «Jyl adamy» atandy.

2004 jyly Mádına Sádýaqasovanyń Ermek Elgezekovtyń «Mahabbat jalyny» ánine túsirgen alǵashqy beıneklıpi jaryqqa shyǵyp, hıtke aınalyp, keń tanymaldylyqqa ıe boldy.

2015 jyly Mádına Sádýaqasova «Qazaqstan daýysy» mýzykalyq jobasynda tálimger qyzmetin atqardy.

2011 jyly Qazaqstan Respýblıkasy Prezıdentiniń Jarlyǵymen Qazaqstannyń mýzyka ónerindegi jemisti eńbegi jáne sahnaǵa sińirgen eńbegi úshin «Qazaqstannyń eńbek sińirgen qaıratkeri» qurmetti ataǵy berildi, 2017 jyly «Qurmet» ordeniniń ıegeri atandy.

26 jyl buryn (1997) Qazaqstan Respýblıkasy Májilisiniń depýtaty, Zańnama jáne sot-quqyqtyq reforma komıtetiniń múshesi Dınara Rýstamqyzy NAÝMOVA dúnıege keldi.

Tehnologııa jáne bıznes kolledjin bitirgen, Almaty qalasyndaǵy «Professionalize Kazakhstan» bıznes mektebiniń túlegi (2018 j.), Tehnologııa jáne bıznes ýnıversıteti (2021 j.)

Eńbek joly: Qazaqstandaǵy ınklıýzıvti qoǵamdy damytý qaýymdastyǵynyń prezıdenti (2022); Qabanbaı batyr kentindegi Qazaqstandaǵy birinshi ınklıýzıvti fıtnes ortalyǵynyń negizin qalaýshy (2022 j.)

Basqa laýazymdary: Qazaqstan Respýblıkasy Prezıdenti janyndaǵy Jastar saıasaty keńesiniń múshesi (2022); Qazaqstan Respýblıkasy Aqparat jáne áleýmettik damý mınıstrligi Qoǵamdyq keńesiniń múshesi (2022).

Qazirgi qyzmetinde 2023 jylǵy naýryzdan beri.