8 qańtar. Tulǵalar týǵan kún
Búgin, 8 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
56 jyl buryn (1969) Qazaqstan Respýblıkasy Premer-mınıstriniń orynbasary Qanat Aldabergenuly BOZYMBAEV dúnıege keldi.
Almaty qalasynda týǵan. 1993 jyly Qazaq memlekettik basqarý akademııasyn bitirgen.
1994-1997 jyldary Almaty qalasy ákiminiń kómekshisi, 1997-1998 jyldary jekemenshik kompanııanyń ekonomıka máseleleri jónindegi dırektory, QR Ekonomıka jáne saýda mınıstrligi aýmaqtyq saıasat bóliminiń bastyǵy, Qarjy departamentiniń bastyǵy, «QazTransOıl» JAQ ekonomıka jónindegi vıtse-prezıdenti, 1998-1999 jyldary QR Energetıka, ındýstrııa jáne saýda mınıstrligi Munaı jáne gaz departamentiniń dırektory, 1999-2000 jyldary «QazTransOıl» JAQ, «Azyq-túlik kelisimshart korporatsııasy» JAQ Dırektorlar keńesiniń múshesi, 2000-2001 jyldary QR Energetıka, ındýstrııa jáne saýda vıtse-mınıstri, 2001-2008 jyldary «KEGOK» AAQ birinshi vıtse-prezıdenti, prezıdenti, «Samuryq» memlekettik aktıvterdi basqarýdyń qazaqstandyq holdıngi» aktsıonerlik qoǵamynyń tóraǵasy qyzmetterin atqarǵan. 2008 jyldan – «KEGOC» aktsıonerlik qoǵamynyń prezıdenti, 2009-2013 jyldary Jambyl oblysynyń ákimi, 2013-2016 jyldary Pavlodar oblysynyń ákimi, 2016-2019 jyldary QR Energetıka mınıstri boldy. 2019-2021 jyldary QR Prezıdentiniń kómekshisi, 2021-2022 jyldary Almaty oblysynyń ákimi qyzmetin atqardy. 2023-2024 jyldary QR Prezıdentiniń keńesshisi laýazymyn atqardy.
Qazirgi qyzmetin 2024 jyldyń naýryzynan beri atqaryp keledi.
«Qurmet» (2005), «Parasat», «Barys» ordenderimen, «Astanaǵa 10 jyl» (2008), «Qazaqstan Respýblıkasynyń Táýelsizdigine 20 jyl» (2011), «Astanaǵa 20 jyl» (2018) medaldarymen marapattalǵan.
45 jyl buryn (1980) Qazaqstan Taý-ken palatasynyń prezıdenti Rýslan Nurashuly BAIMYShEV dúnıege keldi.
Almaty qalasynda dúnıege kelgen. «Femıda» zań akademııasyn «zańger» mamandyǵy boıynsha, Qazaq ulttyq tehnıkalyq ýnıversıtetin «geologııa jáne paıdaly qazbalar ken oryndaryn barlaý bakalavry» mamandyǵy boıynsha támamdaǵan.
2008-2013 jyldary Geologııa jáne jer qoınaýyn paıdalaný komıtetiniń «Qazgeoınform» respýblıkalyq geologııalyq aqparat ortalyǵynda túrli qyzmetterdi atqardy. 2013-2016 jyldary atalǵan Ortalyqqa jetekshilik etti.
2016-2019 jyldary – QR Investıtsııalar jáne damý mınıstrligi Jer qoınaýyn paıdalaný departamenti dırektorynyń m.a., dırektory boldy.
2019-2022 jyldary QR ındýstrııa jáne ınfraqurylymdyq damý vıtse-mınıstri qyzmetinde boldy.
Qazirgi laýazymyn 2023 jyldyń qarasha aıynan beri atqaryp keledi.
43 jyl buryn (1982) «AMANAT» partııasy Qyzylorda oblystyq fılıalynyń tóraǵasy Almasbek Ábilqasymuly ESMAHANOV dúnıege keldi.
Qyzylorda oblysy, Qyzylorda qalasynda dúnıege kelgen. Bilimi joǵary. 2005 jyly Qyzylorda gýmanıtarlyq ýnıversıtetiniń qarjy jáne nesıe, 2009 jyly Qaztutynýodaǵynyń Qaraǵandy ekonomıkalyq ýnıversıtetiniń zańtaný mamandyqtary boıynsha bitirgen.
2013 jyly QR Prezıdentiniń janyndaǵy memlekettik basqarý akademııasynyń Memlekettik saıasattyń ulttyq mektebi jáne AQSh-tyń Karolına shtatynyń DıÝK ýnıversıtetiniń «Saıasattaný» mamandyǵy boıynsha áleýmettik bilim magıstri akademııalyq dárejesi berilgen. Eńbek jolyn 2006 qalalyq ekonomıka jáne bıýdjettik josparlaý bóliminiń mamany bolyp bastaǵan. 2007-2008 jyldary oblystyq jumyspen qamtý jáne áleýmettik baǵdarlamalar departamentiniń jetekshi, bas mamandary, 2008-2012 jyldary qala ákimi apparatynyń uıymdastyrý-ınspektorlyq bóliminiń bas mamany, bas ınspektory, Tasbóget kenti ákiminiń orynbasary, bólim basshysy, 2012-2014 jyldary Qaraýyl tóbe aýyldyq okrýginiń ákimi, 2014-2015 jyldary oblys ákimi apparatynyń uıymdastyrý-ınspektorlyq jumys jáne aımaqtyq damý bóliminiń bas ınspektory, bólim basshysy, 2015-2018 jyldary Shıeli aýdany ákiminiń orynbasary, 2018-2019 jyldary Qyzylorda qalasy ákimdiginiń apparat basshysy, 2019-2020 jyldary qalalyq mádenıet jáne tilderdi damytý bóliminiń basshysy, qalalyq kásipkerlik, ónerkásip jáne týrızm bóliminiń basshysy, qalalyq ishki saıasat bóliminiń basshysy laýazymdarynda qyzmet atqarǵan. 2020 jyly Shıeli aýdany ákiminiń orynbasary qyzmetin atqardy. 2022-2023 jyldary oblystyq qoǵamdyq damý basqarmasy basshysynyń orynbasary, 2023-2024 jyldary – basshysy qyzmetin atqarǵan.
Qazirgi laýazymyn 2024 jyldyń shilde aıynan beri atqaryp keledi.
42 jyl buryn (1983) «QazAvtoJol» Ulttyq kompanııasy» AQ Basqarma tóraǵasy Darhan Serikuly IMANAShEV dúnıege keldi.
Qaraǵandy obylysynda dúnıege kelgen.Jol qozǵalysy ınjeneri mamandyǵy boıynsha Bóketov atyndaǵy Qaraǵandy memlekettik ýnıversıtetin jáne quqyqtaný mamandyǵyn «Bolashaq» Qaraǵandy aktýaldi bilim ınstıtýtynda támámdaǵan. Tehnıka ǵylymdarynyń magıstri.
Eńbek jolyn 2004 jyly Qaraǵandy qalasynda jol sheberinen bastaǵan. «Qazavtojol» RMK, sondaı-aq QR Kólik jáne kommýnıkatsııa mınıstrliginde ártúrli qyzmetterdi atqarǵan. 2012 jyly Qaraǵandy oblysy ákiminiń keńesshisi, 2012-2013 jyldary Qaraǵandy qalasy ákiminiń orynbasary bolyp qyzmet etken jáne jeke bızneste jumys istegen.
Qazirgi laýazymyn 2023 jyldyń jeltoqsan aıynan beri atqaryp jatyr.
38 jyl buryn (1987) QR Ónerkásip jáne qurylys vıtse-mınıstri Jannat Balǵabaıqyzy DÚBІROVA dúnıege keldi.
Qostanaı qalasynda týǵan. 2008 jyly L. Gýmılev atyndaǵy Eýrazııa ulttyq ýnıversıtetin tehnıka jáne tehnologııa mamandyǵy boıynsha támamdaǵan, 2015 jyly Manchester ýnıversıtetinde (Ulybrıtanııa) aqparattyq tehnologııalar jáne IT menedjment magıstri atanǵan.
Eńbek joly: 2006-2008 jyldary metaderekter ákimshisi, «Bimash» JShS jobalar jetekshisi, 2008-2010 jyldary «Tsesnabank» AQ ATD bas menedjeri, 2010-2012 jyldary ENRC Logistics kólik toby IT dırektorynyń orynbasary, 2012-2013 jyldary IT Performance manager ENRC Group, 2013-2016 jyldary «PricewaterhouseCoopers» (PwC) JShS-de Advisory manager, 2016-2017 jyldary «Astana Innovations» AQ Basqarma tóraǵasynyń orynbasary, 2017-2022 jyldary Astana (Nur-Sultan) qalasy ákimdiginiń ShJQ «Qalalyq monıtorıng jáne jedel áreket etý ortalyǵy» MKK basshysy bolyp qyzmet etti. 2022-2023 jyldary QR Strategııalyq josparlaý jáne reformalar agenttigi Ulttyq statıstıka bıýrosy basshysynyń orynbasary laýazymyn atqarǵan.
Qazirgi qyzmetin 2023 jyldyń jeltoqsan aıynan atqaryp keledi.
26 jyl buryn (1999) qazaqstandyq paradzıýdoshy, 2024 jyly Parıjde ótken jazǵy Paralımpıada oıyndarynyń chempıony Aqmaral Maratqyzy NAÝATBEK dúnıege keldi. Astana qalasynda týǵan.
2017, 2018 jáne 2019 jyldary jastar arasyndaǵy álem chempıonattaryna qatysty, 2021 jyly kórý qabileti nasharlaǵan soń, ol paralımpıadalyq dzıýdoǵa aýysty. Bakýde ótken paradzıýdodan 48 kelige deıingi salmaq dárejesinde (J2 klass) fınalda 2016 jylǵy Paralımpıada chempıony, frantsýz áıeli Sandrın Martıneni (2022) jeńip, álem chempıonatynda jeńiske jetti; 2022 jyly Hanchjoýda ótken Azııa Para oıyndarynda jeńiske jetti (2023); 2024 jyly Parıjde ótken Jazǵy Paralımpıada oıyndarynda 48 kelige deıingi salmaqta (J2 klass) týrnırdiń fınalynda frantsýz Sandrın Martıneni jeńip, Paralımpıada oıyndarynyń altyn medalin jeńip aldy (2024).