8 aqpan. Tulǵalar týǵan kún
Búgin, 8 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady. https://kaz.inform.kz/news/7-akpan-tulgalar-tugan-kun-b92546/
Búgin, 8 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
50 jyl buryn (1975) Qazaqstan Respýblıkasynyń memleket qaıratkeri, Eýrazııalyq damý banki basqarma tóraǵasynyń orynbasary Rýslan Erbolatuly DÁLENOV dúnıege keldi.
Tselınograd qalasynda týǵan. 1999 jyly Ystanbuldaǵy Mármár ýnıversıtetin bitirgen, ekonomıst.
1999-2002 jyldary QR Memlekettik kirister mınıstrliginde qyzmetker, munaı, gaz jáne energetıka bóliminiń bastyǵy, Kiristerdi taldaý jáne boljamdaý departamentiniń bastyǵy, 2002-2003 jyldary QR Qarjy mınıstrliginiń Kirister, konventsııalar men kelisimsharttar departamentiniń aǵymdaǵy kirister basqarmasy bastyǵynyń mindetin atqarýshy. 2003 jyly QR Qarjy mınıstrligi Salyq komıtetiniń kiristerdi taldaý jáne aǵymdaǵy boljamdaý basqarmasynyń bastyǵy, 2003-2005 jyldary QR Qarjy mınıstrliginiń Kiristerdi taldaý departamentiniń dırektory, 2005-2008 jyldary jeke kompanııanyń dırektory, «Investıtsııalar rentabeldiligin zertteý agenttigi» JShS ekonomıkalyq tobynyń jetekshisi, 2008-2017 jyldary QR Qarjy vıtse-mınıstri boldy. 2017-2019 jyldary QR Ulttyq ekonomıka birinshi vıtse-mınıstri qyzmetin atqarǵan. 2019-2021 jyldary QR Ulttyq ekonomıka mınıstri qyzmetin atqardy.
2021 jyldyń aqpan aıynan bastap Eýrazııalyq damý banki basqarma tóraǵasynyń orynbasary qyzmetinde.
50 jyl buryn (1975) Qazaqstan Respýblıkasy Prezıdenti Іs basqarýshysynyń orynbasary Baqyt Úristemuly ÁBІLDINOV dúnıege keldi.
Almaty oblysy Qapshaǵaı aýdanynda dúnıege kelgen. 1997 jyly Q.Sátbaev atyndaǵy Qazaq polıtehnıkalyq ınstıtýtyn ınjener-mehanık mamandyǵy, 2001 jyly «Turan» ýnıversıtetin zańger, 2006 jyly Eýrazııa naryq ınstıtýtyn ekonomıst mamandyǵy boıynsha támamdaǵan.
Eńbek joly: 1997-2000 jyldary Qapshaǵaı qalasy «Ýmelets» JShS-da ınjener-mehanık, ekonomıst, bas maman, 2000-2002 jyldary Almaty qalasy boıynsha Salyq komıtetinde ınspektordyń mindetin atqarýshy, Qapshaǵaı qalasy boıynsha Salyq komıtetiniń salyq ınspektory, 2002-2007 jyldary Qapshaǵaı qalasy Salyq komıtetiniń jetekshi salyq ınspektory, Almaty qalasy boıynsha Salyq komıtetinde bas salyq ınspektory, 2007-2008 jyldary Qapshaǵaı qalasy Salyq komıtetiniń bas salyq ınspektory-sektor meńgerýshisi, bólim bastyǵy, 2008-2010 jyldary Almaty qalasy Salyq departamenti bóliminiń jetekshi mamany-jetekshi salyq ınspektory, bólimniń bas mamany-bas salyq ınspektory bolyp qyzmet atqarǵan. 2010-2013 jyldary Almaty qalasy Alataý aýdany boıynsha Salyq basqarmasynyń bólim bastyǵy, Áýezov aýdany boıynsha Salyq basqarmasynyń bólim bastyǵy, Bostandyq aýdany boıynsha Salyq basqarmasynyń bólim bastyǵy, 2013-2014 jyldary Almaty qalasy boıynsha Salyq departamentiniń bólim basshysy, 2014-2015 jyldary Almaty qalasy boıynsha Salyq departamentinde bólim basshysynyń mindetin atqarýshy, bólim basshysy, 2015-2021 jyldary Almaty qalasy Alataý aýdany boıynsha Memlekettik kirister basqarmasy basshysynyń orynbasary, Medeý aýdany boıynsha Memlekettik kirister basqarmasy basshysynyń orynbasary, Almaly aýdany boıynsha Memlekettik kirister basqarmasy basshysynyń orynbasary laýazymyn atqarǵan. 2021-2024 jyldary Astana qalasy boıynsha Memlekettik kirister departamenti basshysynyń orynbasary bolyp jumys istedi.
Qazirgi laýazymyn 2024 jyldyń 7 aqpanynan beri atqaryp keledi.
47 jyl buryn (1978) Qazaqstan Respýblıkasynyń Saýd Arabııasyndaǵy Tótenshe jáne Ókiletti Elshisi, Qazaqstan Respýblıkasynyń Islam Yntymaqtastyǵy Uıymy janyndaǵy Turaqty Ókili Madııar Smádiluly MEŃІLBEKOV dúnıege keldi.
Jambyl oblysy Merki aýdanynda týǵan. 2002 jyly Lıvııanyń Trıpolı qalasyndaǵy Islamǵa shaqyrý ýnıversıtetin bitirgen, arab tili jáne ıslamtaný bakalavry. 2004 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń magıstratýrasyn aıaqtaǵan, fılologııa magıstri.
2002-2005 jyldary Nur-Múbarak Mysyr ıslam mádenıeti ýnıversıtetiniń aǵa oqytýshysy, 2005-2006 jyldary QR Prezıdenti janyndaǵy Memlekettik basqarý akademııasynyń aǵa oqytýshysy, 2006 jylǵy sáýirden qyrkúıekke deıin QR Syrtqy ister mınıstrligi Azııa jáne Afrıka departamentiniń úshinshi hatshysy, 2006-2011 jyldary QR Birikken Arab Ámirlikterindegi Elshiliginiń attashesi, úshinshi, ekinshi hatshysy, 2011-2012 jyldary QR Syrtqy ister mınıstrligi Azııa jáne Afrıka departamentiniń birinshi hatshysy, 2012-2015 jyldary QR Birikken Arab Ámirlikterindegi Elshiliginiń keńesshisi, 2015-2017 jyldary QR Birikken Arab Ámirlikterindegi Elshiliginiń keńesshi-ýákili, 2017-2019 jyldary QR Dýbaıdaǵy Bas konsýly, 2019-2024 jyldary Qazaqstan Respýblıkasynyń Birikken Arab Ámirlikterindegi Tótenshe jáne ókiletti Elshisi qyzmetinde boldy.
Qazirgi laýazymyn 2024 jyldyń sáýir aıynan beri atqaryp keledi.
45 jyl buryn (1980) QR Prezıdentiniń kómekshisi – QR Prezıdenti Ákimshiliginiń Ótinishter qaraýdy baqylaý bóliminiń meńgerýshisi Qanatbek Baqytuly JAISAŃBAEV dúnıege keldi.
Qyzylorda qalasynda týǵan. 2000 jyly Qazaq memlekettik zań akademııasyn «zańger», 2012 jyly T.Rysqulov atyndaǵy qazaq ekonomıkalyq ýnıversıtetin «ekonomıst» mamandyǵymen támamdaǵan.
2000-2001 jyldary Qazaq memlekettik zań akademııasynyń Qyzylorda fılıalynda muǵalim, 2001-2005 jyldary Qyzylorda oblystyq ákimshilik sotynyń bas mamany, Qyzylorda oblysy ákimi apparatynyń mamany, bas ınspektory, memlekettik-quqyqtyq jumys bóliminiń meńgerýshisi, 2005-2007 jyldary QR Tótenshe jaǵdaılar mınıstrligi Quqyqtyq qamtamasyz etý basqarmasynyń bastyǵy, 2007-2008 jyldary «Kazakh Integrated Services» JShS jáne «CNRG Capital» JShS zańgeri, 2008-2010 jyldary Qyzylorda oblysy ákimi apparaty basshysynyń orynbasary, 2010-2016 jyldary Qyzylorda oblysy ákimi apparatynyń basshysy, keıin Prezıdent Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, Іshki saıasat bólimi meńgerýshisiniń orynbasary qyzmetin atqardy. 2021-2022 jyldary QR Prezıdent Ákimshiliginde Memlekettik baqylaý jáne aýmaqtyq-uıymdastyrý jumysy bóliminiń meńgerýshisi bolyp qyzmet etti.
2023 jyldyń qyrkúıek aıynan bastap qazirgi qyzmetinde.
43 jyl buryn (1982) VIII saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń hatshysy Ekaterına Vasılevna SMYShLıAEVA dúnıege keldi.
Qostanaıda týǵan. A.Baıtursynov atyndaǵy Qostanaı memlekettik ýnıversıtetin bitirgen, hımııa pániniń muǵalimi.
Eńbek joly: 2003-2005 jyldary A.Baıtursynov atyndaǵy Qostanaı memlekettik ýnıversıtetiniń hımııa kafedrasynyń oqytýshysy, 2005-2006 jyldary A.Baıtursynov atyndaǵy Qostanaı memlekettik ýnıversıtetiniń Agrarlyq-bıologııalyq ınstıtýty dırektorynyń tárbıe isi jáne qoǵamdyq kelisim jónindegi orynbasary, 2006-2008 jyldary «Rovesnık» Qostanaı oblystyq pedagogıkalyq ujymy» QB baǵdarlama jetekshisi, 2008-2013 jyldary «Nur Otan» HDP Qostanaı oblystyq fılıaly ıdeologııalyq jáne qoǵamdyq-saıası jumys bóliminiń jastar saıasaty jónindegi keńesshisi, 2013-2015 jyldary «Qostanaı oblysynyń qoǵamdyq pedagogıkalyq qozǵalysy» QB tóraǵasy, Qostanaı perınataldyq ortalyǵy bas dárigeriniń marketıng jónindegi orynbasary, 2015-2021 jyldary «Qostanaı oblysynyń kásipodaqtar ortalyǵy» aýmaqtyq kásipodaqtar birlestiginiń tóraıymy, 2021-2023 jyldary AMANAT partııasynan partııalyq tizim boıynsha VII saılanǵan QR Parlamenti Májilisiniń depýtaty boldy.
2023 jyldan beri qazirgi qyzmetinde.