8 200 patrýldik polıtsııa jetispeıdi – Erjan Sádenov

ASTANA. KAZINFORM — Elimizde 8 200 patrýldik polıtsııa qyzmetkeri jetispeıdi. Bul týraly Іshki ister mınıstri Erjan Sádenov aıtty.

- Respýblıkalyq joldardyń tek 12 paıyzy ǵana qaýipsizdiktiń barlyq parametrine saı keledi. 4 jáne odan da kóp jolaqty 6 myń shaqyrymnan astam jol salý qajet. Eldi mekenderge qatysty másele de ótkir tur. Jol-kólik oqıǵalardyń 85 paıyzy solarda bolady. 59 jerasty, 119 jer ústi jaıaý júrgishiler ótkelin, shamamen 600 baǵdarsham, 1 myń shaqyrymnan astam jaıaý júrginshi qorshaýyn, 15 myń shaqyrymdy jaryqtandyrý, 70 myń shaqyrym jaıaý júrginshi jolyn, 2 800 shaqyrym velojol salý qajet, - dedi Erjan Sádenov ІІM-de ótip jatqan Úkimet saǵatynda.

Onyń aıtýynsha, bul máseleler ótken aptada Úkimet otyrysynda qaralyp, naqty tapsyrmalar berilgen. Oryndaý merzimi naqtylanǵan. 

- Taǵy bir faktor – patrýlder shtatynyń jetispeýshiligi. Bul negizgi qyzmet sanalady. Jol qaýipsizdigin qamtamasyz etip, qoǵamdyq tártipti qorǵaıdy. Munyń ústine halyq pen avtopark sany artyp keledi. Taǵy da 8 200 shtattyq birlik qajet, - dedi mınıstr.