72 jastaǵy astanalyq jelaıaq halyqaralyq marafonnyń kúmis júldegeri atandy

ASTANA. QazAqparat - Ispanııanyń ońtústigindegi Malaga qalasynda ótken halyqaralyq Zurich Marathon Malaga marafonynda otandasymyz Saltanat Túıtebaev kúmis júldeger atandy, dep habarlaıdy QazAqparat.

QR Jeńil atletıka federatsııasynyń resmı saıyty taratqan málimetke súıensek, marafon jarysyna Eýropa, Azııa, Afrıka qurlyǵynan 3 myńǵa jýyq ár túrli jastaǵy jelaıaqtar qatysqan.

Atalǵan dodaǵa 72 jastaǵy astanalyq ardager Saltanat Túıtebaev ta qatysyp, 70-74 jastaǵylar arasynda máre syzyǵyn ekinshi bolyp kesip kúmis medalǵa ıe boldy. Ol márege 3:51.45 saǵatta júgirip jetti. Túıtebaevtyń aldyn belgııalyq Rolandý Býssemarý orap ketti (3:43.59). Úshinshi oryn ıspanııalyq Hýan Navıoǵa buıyrdy (3:54.18).

Aıta keteıik, Saltanat Túıtebaev bıyl Qazaqstan Respýblıkasynyń eńbek sińirgen sport sheberi atanǵan bolatyn.