70-ten astam soltústikqazaqstandyq polıtseıler marapattar men ofıtserlik ataq aldy
Oblystyq ІІD bastyǵy Beril Bilálov ishki ister organynyń jeke quramy men ardagerlerdi quttyqtady. Merekelik jıynǵa 70-ten astam ІІO ardagerleri men polıtsııa qyzmetkerleri qatysty.
Olardyń biri - ІІD Kóshi-qon qyzmeti basqarmasy bastyǵynyń orynbasary Bıbigúl Abdýlmanova. Ol «polıtsııa polkovnıgi» arnaıy ataǵyn aldy. Bul názik jandy polıtseı tártip kúzetinde 20 jyldan astam ýaqyt qyzmet etip keledi. Óz qyzmetin Konstıtýtsııa qabyldanǵannan keıin bastaǵan.
«Basqarý quramynyń eń joǵary ataǵyn osyndaı aıtýly mereke qarsańynda alyp jatyrmyn. Barlyqtaryńyzdy búgingi merekemen quttyqtap, Konstıtýtsııanyń turaqtylyqtyń kepili retinde árbirińizdiń tynysh jáne beıbit sezinýlerińizdi tileımin», - dedi Bıbigúl Abdýlmanova.
13 soltústikqazaqstandyq polıtseı ózderiniń alǵashqy jáne kezekti ofıtserlik ataqtaryn alsa, 8 qyzmetker qyzmet barysynda joǵary kórsetkishke qoljetkizgenderi úshin QR ІІM, 40-tan astamy - ІІD bastyǵynyń marapatymen marapattaldy.