7 jeltoqsan. Týǵan kún ıeleri

ASTANA. QazAqparat – QazAqparat 7 jeltoqsanǵa arnalǵan «Tulǵalar týǵan kún» kúntizbesin usynady.

ESІMDER

8 1 jyl buryn (1941) QR Ulttyq Ǵylym akademııasynyń prezıdenti Murat Jurynuly JURYNOVdúnıege keldi.

Ońtústik Qazaqstan oblysynyń Arys qalasynda týǵan. Qazaq hımııa-tehnologııalyq ınstıtýtynda aǵa oqytýshy, kafedra meńgerýshisi, fakýltet dekany bolyp qyzmet atqardy (1970-1982). 1982 jyldan - Qaraǵandy memlekettik ýnıversıtetiniń prorektory. 1985 jyldan Qazaqstan Ǵylym akademııasynyń Organıkalyq sıntez jáne kómir hımııasy ınstıtýtynyń dırektory.1991 jyldan Q.A.ıAssaýı atyndaǵy Túrkistan memlekettik ýnıversıtetiniń rektory. 1997-2001 jyldary Q.A.ıAscaýı atyndaǵy Halyqaralyq qazaq-túrik ýnıversıtetiniń prezıdenti. 2001 jyly Bilim jáne ǵylym mınıstrliginiń «Organıkalyq katalız jáne elektrohımııa» ınstıtýtynyń dırektory qyzmetine aýysty.

Hımııa ǵylymdarynyń doktory, professor, Qazaqstan Respýblıkasynyń Ulttyq ǵylym akademııasynyń múshesi (1989), «Parasat» (2005 j.), «Barys» (2011 j.) ordenderimen jáne memlekettik medaldarmen marapattalǵan.

Ońtústik Qazaqstan oblysynyń, AQSh-tyń Kentýkkı shtatynyń, sondaı-aq Arys, Túrkistan, Kentaý jáne t.b. qalalardyń qurmetti azamaty.

73 jyl buryn (1949) memleket qaıratkeri, QR Parlament Senaty janyndaǵy Senatorlar keńesiniń múshesi Lázzat Ketebaıuly QIYNOV dúnıege keldi.

Mańǵystaý oblysy Taýshyq aýylynda týǵan. 1971 jyly V.I. Lenın atyndaǵy Qazaq polıtehnıkalyq ınstıtýtyn bitirgen, taý-ken ınjeneri. Tehnıka ǵylymynyń doktory (1994).

1977-1979 jyldary partııanyń Mańǵyshylaq oblystyq komıtetinde ónerkásip-kóliktik bóliminde ınstrýktor bolyp jumys istedi.1979 jyly «Mangyshlakneftepromhım» aýmaqtyq-óndiristik basqarmasynda bas ınjener bolyp jumys istedi. 1982 jyly Qarajanbas qabattardyń munaı qaıtarymyn arttyrý jáne uńǵymalardy kúrdeli jóndeý boıynsha basqarmanyń basshysy jáne «Karajanbastermneft» munaı qazba basqarmasynyń basshysy qyzmetin atqardy. 1987 jyly «Komsomolskneft» munaı qazba basqarmasynyń basshysy qyzmetin atqardy. 1992 jyly «Mangyshlakneft» óndiristik birlestiginiń bas dırektory bolyp jumys istedi. 1993-1995 jyldary Mańǵystaý oblysy ákimshiliginiń basshysy boldy. 1995 jyly Qazaqstan Respýblıkasy Munaı jáne gaz ónerkásibi mınıstriniń orynbasary boldy. 1997 jyly Kaspıı qubyry konsortsıýmynda Bas dırektordyń orynbasary bolyp jumys istedi. 1999-2002 jyldarynda – Mańǵystaý oblysynyń ákimi. 2002 jyly «Qazmunaıgaz» ulttyq kompanııasy» JAQ prezıdenti. 2003 -2011 jyldary – Qazaqstan Respýblıkasy energetıka jáne mıneraldy resýrstar vıtse mınıstri. 2011-2013 jyldary – «Qazmunaıgaz» UK» AQ Basqarma tóraǵasy. 2013-2017 jyldary – Qazaqstan Respýblıkasy Parlamenti Senatynyń depýtaty.

«Parasat», «Otan» ordenderimen jáne medaldarmen marapattalǵan.

51 jyl buryn (1971) VII saılanǵan Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi Magerram Mamedovıch MAGERRAMOV dúnıege keldi.

Almaty oblysynda týǵan.2009 jyly akademık Ó.A. Joldasbekov atyndaǵy ekonomıka jáne quqyq ınstıtýtyn «zańger» mamandyǵy boıynsha bitirgen.

Eńbek joly: 1992 – 1993 jyldary – «Tahmına» ShJK ekspedıtor. 1993 – 1994 jyldary – «Trabzon» ShJK dırektory. 1995 – 2000 jyldary – jeke kásipker. 2000 – 2001 jyldary – «Zarına» sharýa qojalyǵynyń dırektory. 2001– 2004 jyldary – QKP OK múshesi, Almaty oblystyq komıtetiniń birinshi hatshysy. 2004 – 2012 jyldary – QHKP OK Saıası bıýrosynyń múshesi, QHKP Almaty oblystyq komıtetiniń birinshi hatshysy. 2012 – 2015 jyldary – QHKP OK Uıymdastyrý-partııa jáne kadr jumysy bóliminiń meńgerýshisi, QHKP OK Saıası bıýrosynyń múshesi. 2015 jyldan bastap búgingi kúnge deıin – QHKP Almaty qalalyq komıtetiniń birinshi hatshysy, QHKP OK Saıası bıýrosynyń múshesi.