7 tamyz. Tulǵalar týǵan kún
Búgin, 7 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
59 jyl buryn (1966) – memleket jáne qoǵam qaıratkeri, Qazaqstannyń eńbek sińirgen ártisi, Dúnıejúzilik etnosport federatsııasynyń birinshi vıtse-prezıdenti Bekbolat Qanaıuly TІLEÝHAN dúnıege keldi.
Qaraǵandy oblysynyń Jańaarqa aýdanynda týǵan. Qurmanǵazy atyndaǵy Almaty konservatorııasyn jáne aspırantýrasyn bitirgen.
Eńbek joly: 1992-2001 jyldary Almaty konservatorııasynyń oqytýshysy, dotsenti, kafedra meńgerýshisi, 1996-1997 jyldary Respýblıkalyq gvardııa janyndaǵy Prezıdent orkestri folklorlyq ansambliniń jetekshisi, 1997-2001 jyldary Prezıdent orkestriniń kórkemdik jetekshisi, 2001-2002 jyldary QR Mádenıet, aqparat jáne qoǵamdyq kelisim mınıstrligi Mádenıet komıtetiniń tóraǵasy, 2002-2003 jyldary QR Mádenıet jáne qoǵamdyq kelisim vıtse-mınıstri, 2003-2004 jyldary QR Mádenıet vıtse-mınıstri, 2004-2007 jyldary «Nur Otan» partııasy tizimi boıynsha QR Parlamenti Májilisiniń depýtaty, 2007-2011 jyldary QR Parlamenti Májilisiniń tórtinshi shaqyrylymdaǵy depýtaty boldy. Ulttyq sport túrleri qaýymdastyǵynyń prezıdenti, 2016-2021 jyldary – QR Parlamenti Májilisiniń altynshy shaqyrylymdaǵy depýtaty, 2021 jyly QR Parlamenti Májilisiniń jetinshi shaqyrylymdaǵy depýtaty boldy.
2021 jyldyń jeltoqsanynan bastap qazirgi qyzmetinde.
«Parasat» ordenimen marapattalǵan. QR «Daryn» memlekettik syılyǵynyń jáne QR Memlekettik syılyǵynyń laýreaty.
55 jyl buryn (1970) «Almukarramah» qazaqstandyq kompanııasynyń Bas dırektory Erlan Álimjanuly BAIDÁÝLET dúnıege keldi.
Ál-Farabı atyndaǵy Qazaq ulttyq ýnıversıtetin tarıh jáne saıası ekonomıka mamandyǵy boıynsha bitirgen (1992); Sent-Gallen ýnıversıteti, bank isi jáne qarjy salasyndaǵy MBA (1994).
Eńbek joly: 1993-1994 jyldary Talǵar aýdandyq ákimshiligi basshysynyń kómekshisi, 1994-2000 jyldary kompanııalarǵa konsýltatsııa júrgizý/basqarý, 2001-2005 jyldary Islam damý bankiniń Qazaqstandaǵy ókili, 2005-2006 jyldary «Injınırıng jáne tehnologııalar transferti ortalyǵy» AQ prezıdenti, 2006-2010 jyldary Eýrazııalyq damý bankiniń Astana qalasyndaǵy ókildiginiń basshysy, 2010-2019 jyldary QR Investıtsııalar jáne damý mınıstrligi janyndaǵy IYU elderi boıynsha keńesshisi boldy. 2011-2014 jyldary Islam Damý Bankimen yntymaqtastyq jónindegi ókil m.a., IDB-niń 7 qatysýshy elge jaýapty atqarýshy dırektory, 2018-2019 jyldary QR Qaýipsizdik Keńesi janyndaǵy Saraptamalyq keńestiń azyq-túlik qaýipsizdigi jónindegi aǵa sarapshysy, 2019 jyly Azyq-túlik qaýipsizdigi jónindegi Islam uıymy Bas dırektorynyń mindetin atqarýshy, 2019-2024 jyldary Azyq-túlik qaýipsizdigi jónindegi Islam uıymynyń bas dırektory laýazymyn atqarǵan.
Jahandyq ıslamdyq qarjylandyrý ındýstrııasyn damytýǵa qosqan úlesi úshin «Jahandyq ıslamdyq qarjylandyrý» syılyǵynyń ıegeri.
56 jyl buryn (1972) Qazaqstan Respýblıkasy Parlamenti Senatynyń Shyǵys Qazaqstan oblysynan saılanǵan depýtaty Olga Aleksandrovna BÝLAVKINA dúnıege keldi.
Shyǵys Qazaqstan oblysynda týǵan. 1994 jyly Shyǵys Qazaqstan memlekettik ýnıversıtetin orys tili jáne ádebıeti mamandyǵy boıynsha, 2000 jyly qarjy jáne nesıe mamandyǵy boıynsha támamdaǵan.
Eńbek joly: 1993-2000 jyldary mamandaǵy boıynsha túrli salalarda qyzmet atqarǵan. 2000-2001 jyldary «ShQO qorshaǵan ortany qorǵaý qory» MM bas mamany, 2002-2008 jyldary «Shemonaıha aýdany ákiminiń apparaty» MM jalpy, qarjy-sharýashylyq bóliminiń bas mamany, 20018-2012 jyldary «Shemonaıha aýdany ákiminiń apparaty» MM qarjy-sharýashylyq bóliminiń bastyǵy, 2012-2014 jyldary ShQO Shemonaıha aýdany ákiminiń orynbasary, 2014-2016 jyldary «Nur Otan» partııasy ShQO fılıaly tóraǵasynyń orynbasary, 2016-2019 jyldary – ShQO Óskemen qalasy ákiminiń orynbasary, 2019-2020 jyldary ShQO Borodýlıha aýdanynyń ákimi laýazymyn atqardy.
2020 jyldyń tamyzynan bastap qazirgi qyzmetinde.
«Qurmet» ordenimen, medaldarmen marapattalǵan.
49 jyl buryn (1976) QR Qarýly Kúshteri Qurlyq áskerleri bas qolbasshysy Mereke Mátimuly KÚShІKBAEV dúnıege keldi.
Oral (qazirgi Batys Qazaqstan) oblysynda týǵan. 1997 jyly Alma-Aty joǵary jalpy áskerı komandalyq ýchılışesin, 2007 jyly Qazaqstan Respýblıkasynyń Tuńǵysh Prezıdenti atyndaǵy ulttyq qorǵanys ýnıversıtetin, 2017 jyly Reseı Federatsııasy Qarýly kúshteri Bas shtabynyń áskerı akademııasyn támamdaǵan.
Eńbek joly: 2003-2005 jyldary 43053 áskerı bólimsheniń tank vzvodynyń, tank rotasynyń komandıri, shtab bastyǵy – tank batalony komandıriniń orynbasary, batalon komandıri; komandıri, 2005-2007 jyldary 32039 áskerı bólimshesiniń komandıri, 25744 áskerı bólimshesiniń shtab bastyǵy – komandırdiń birinshi orynbasary, 2007-2012 jyldary 10810 áskerı bólimshesiniń komandıri, 2012-2013 jyldary 25744 áskerı bólimshesiniń komandıri, 2013-2017 jyldary óńirlik qolbasshylyq áskerleri qolbasshysynyń orynbasary (jaýyngerlik daıarlyq boıynsha) – «Ońtústik» óńirlik qolbasshylyǵy áskerleri qolbasshysynyń basqarmasy jaýyngerlik daıarlyq basqarmasynyń bastyǵy, 2017 jyly Desanttyq-shabýyldaý áskerleri qolbasshysynyń orynbasary (jaýyngerlik daıarlyq boıynsha) – QR QK ÁQ desanttyq-shabýyldaý áskerleri qolbasshysynyń basqarmasy jaýyngerlik daıarlyq basqarmasynyń bastyǵy, 2017-2020 jyldary shtab bastyǵy – QR QK ÁQ desanttyq-shabýyldaý áskerleri qolbasshysynyń birinshi orynbasary, 2020-2021 jyldary «Astana» óńirlik qolbasshylyǵy áskerleriniń qolbasshysy. 2021-2022 jyldary QR Qarýly Kúshteri Qurlyq áskerleri Aero-desanttyq-shabýyldaýshy áskerleriniń qolbasshysy, 2023-2024 jyldary QR Qarýly Kúshteri Qurlyq áskerleri bas qolbasshysynyń birinshi orynbasary qyzmetinde boldy.
2024 jyldyń qarasha aıynan bastap qazirgi qyzmetinde.
42 jyl buryn (1983) Qazaqstan Respýblıkasynyń Malaızııadaǵy Tótenshe jáne Ókiletti Elshisi (2021 jyldan), Qazaqstan Respýblıkasynyń Brýneı-Darýsssalamdaǵy Tótenshe jáne Ókiletti Elshisi (2022 jyldan) Bolat Bolatuly SÚGІRBAEV dúnıege keldi.
Tselınograd (qazirgi Astana) qalasynda týǵan. 2005 jyly L.N. Gýmılev atyndaǵy Eýrazııa ulttyq ýnıversıtetiniń Halyqaralyq qatynastar ınstıtýtyn eltaný mamandyǵy boıynsha támamdaǵan.
Eńbek joly: 2005-2008 jyldary QR SІM Azııa jáne Afrıka departamentiniń úshinshi hatshysy, attashesi, 2008-20012 jyldary Sıngapýrdaǵy Qazaqstan elshiliginiń úshinshi, ekinshi, birinshi hatshysy, 2012-2015 jyldary QR SІM Halyqaralyq komıtetindegi qyzmette boldy. 2015-2021 jyldary QR SІM Amerıka departamentiniń jetekshisi laýazymyn atqarǵan.
2021 jyldyń aqpanynan bastap qazirgi qyzmetinde.
2015 jyly «Kásipodaqtarǵa sińirgen eńbegi úshin», 2016 jyly «Qazaqstan Respýblıkasynyń táýelsizdigine 25 jyl», 2017 jyly «QR dıplomatııalyq qyzmetine 25 jyl», 2020 jyly «Qazaqstan Konstıtýtsııasyna 25 jyl» medaldarymen marapattalǵan.