7 naýryz. Týǵan kún ıeleri

NUR-SULTAN. QazAqparat – Búgin, ıaǵnı 7 naýryz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

75 jyl buryn (1947) tehnıka ǵylymdarynyń doktory, professor, akademık, «Dos-Muqasan» ansambliniń negizin qalaýshylardyń biri Dosym SÚLEEV dúnıege keldi.

QR UǴA akademıgi, tehnıka ǵylymdarynyń doktory, professor, 250-den astam ǵylymı eńbektiń avtory, óndiris avtomatızatsııasy, eńbek qorǵaý, akýstıkalyq ekologııa salasyndaǵy joǵary mektepti uıymdastyrýdaǵy belgili maman. Professor D.Q. Súleevtiń jetekshiligimen 1 doktorlyq dıssertatsııa, 8 kandıdattyq dıssertatsııa qorǵaldy. Qazaqstannyń eńbik sińirgen qaıratkeri.

74 jyl buryn (1948-2001) aqyn, Qazaqstan Jazýshylar odaǵy syılyǵynyń laýreaty, M. Áýezovtiń 100 jyldyǵyna, sondaı-aq Qarabýra áýlıege arnalǵan aqyndar músháıralarynyń bas júldegeri Jarasqan ÁBDІRAShEV dúnıege keldi.

Qyzylorda oblysynda týǵan. Qazaq memlekettik ýnıversıtetiniń jýrnalıstıka fakýltetin bitirgen.

1969-1994 jyldary «Lenınshil jas» (qazirgi «Jas alash»), «Qazaq ádebıeti» gazetterinde, «Jalyn» almanahynda, «Juldyz» jýrnalynda jumys istegen. Qazaqstan Jazýshylar odaǵy janyndaǵy Kórkem aýdarma jáne ádebı baılanystar jónindegi bas redaktsııasynyń bólim meńgerýshisi, «Tamasha» oıyn-saýyq teatrynyń bas redaktory qyzmetterin atqarǵan. Aqynnyń alǵashqy jınaǵy «Tuńǵysh kitaby» degen atpen 1969 jyly jaryq kórgen. Sodan bergi ýaqytta «Perzent paryzy», «Dala seniń ulyńmyn», «Aq qaırań», «Soǵystan soń týǵandar», «Dosyń bolǵym keledi», t.b. kitaptary jaryq kórgen. Kórkem aýdarma salasynda R.Tagordyń, P. Elıýardyń, ıA. Kýpalanyń, K. Chaıkovskııdiń, A. Bartonyń shyǵarmalaryn qazaq tiline aýdarǵan. Óziniń shyǵarmalary da nemis, vengr, orys ýkraın, ózbek, tájik, ázirbaıjan, túrkimen, qyrǵyz, saha tilderine aýdarylǵan.

60 jyl buryn (1962) Qazaqstan respýblıkasy Parlament Májilisiniń VII shaqyrylym depýtaty, Ekonomıkalyq reforma jáne óńirlik damý komıtetiniń múshesi Ábilfas Múslimuly HAMEDOV dúnıege keldi.

Ońtústik Qazaqstan oblysynda týǵan. 1989 jyly Almaty sáýlet-qurylys ınstıtýtyn «Ónerkásiptik jáne azamattyq qurylys» mamandyǵy boıynsha, 2016 jyly Máskeýdegi Halyqaralyq sáýlet akademııasyn bitirgen.

Eńbek joly: 1980-1982 jyldary – AMAÓB № 2 Avtokombınatynyń júrgizýshisi; 1982-1982 jyldary – №55/70 dúkeninde ýaqytsha júk tıeýshi;1982-983 jyldary – JMK-714 «Alma-Ata Selstroı 7» tresinde tas qalaýshy; 1983-1990 jyldary – JMK-714 «Alma-Ata Selstroı 7» tresinde sheber;1990-1994 jyldary – JMK-5 «Alma-Ata Selstroı 7» tresiniń bas ınjeneri; 1994-2003 jyldary – «Nargız» ShK dırektory; 2003-2021 jyldary – «Tsentrplast» dırektory, 2016 jyly «AHEKO» JShS bolyp ózgertildi. 2000 jyldan bastap Qazaqstan Halqy Assambleıasynyń múshesi. 2003 jyldan – Qazaqstan ázerbaıjandarynyń respýblıkalyq qaýymdastyǵynyń basshysy. Qazaqstan halqy Assambleıasy Keńesiniń múshesi. 2017-2018 jyldary – Qazaqstan halqy Assambleıasy tóraǵasynyń orynbasary.

Qazirgi qyzmetinde 2021 jylǵy qańtardan bastap.

«Qurmet» ordenimen, II dárejeli «Dostyq» ordenimen, Qazaqstan halqy Assambleıasynyń «Birlik» altyn medalimen, «10 jyl Astana», «Qazaqstan Respýblıkasynyń Táýelsizdigine 20 jyl», «Qazaqstan halqy Assambleıasyna 20 jyl», «Qazaqstan Respýblıkasynyń Táýelsizdigine 25 jyl» merekelik medaldarymen marapattalǵan.

58 jyl buryn (1964) Olımpıada chempıony, tórt dúrkin kúmis jáne eki márte qola júldegeri, Qazaqstan Respýblıkasynyń eńbek sińirgen sport sheberi, Kókshetaý qalasynyń qurmetti azamaty Vladımır Mıhaılovıch SMIRNOV dúnıege keldi.

Aqmola oblysynda týǵan. Qazaq dene tárbıesi ınstıtýtyn bitirgen. Ol Qazaqstan jáne KSRO birinshiliginiń birneshe dúrkin jeńimpazy, 30 shaqyrym qashyqtyqtan shańǵydan álem kýbogynyń ıegeri atandy. Olımpıada oıyndarynda 1 altyn, 4 kúmis, 2 qola júlde aldy. 1993-1995 jyldardaǵy álem chempıonattarynda 3 altyn, 2 kúmis, 1 qola ıelendi. 2003 jyldan – Qazaqstan bıatlonshylary odaǵynyń prezıdenti. «Eńbek Qyzyl Tý», «Qurmet», «Dańq» ordenderimen, medaldarmen marapattalǵan. Norvegııanyń eń joǵary marapaty – Holmenkollen medalimen nagradtalǵan. Professor. 2011 jyly Qazaqstanda ótken qysqy Azııa oıyndaryn uıymdastyrýshylardyń biri.

56 jyl buryn (1966) Qazaqstan Respýblıkasynyń Sıngapýr Respýblıkasyndaǵy Tótenshe jáne Ókiletti Elshisi (2019 jyldan), Qazaqstan Respýblıkasynyń Jańa Zelandııadaǵy men Aýstralııa Odaǵyndaǵy Tótenshe jáne Ókiletti Elshisi (2020 jyldan) qyzmetin qosa atqarýshy Arken Keńesbekuly ARYSTANOV dúnıege keldi.

Almaty qalasynda dúnıege kelgen. 1998 jyly M.V. Lomonosov atyndaǵy Máskeý memlekettik ýnıversıtetiniń Ekonomıka fakýltetin bitirgen. 1994-1996 jyldary – QR Ulttyq bankiniń valıýtalyq retteý departamenti dırektorynyń orynbasary, Halyqaralyq qatynastar departamentiniń dırektory; 1996-1998 jyldary – «ATF Bank» AQ Basqarma tóraǵasynyń keńesshisi, Kommertsııalyq departamentiniń bastyǵy, Basqarma tóraǵasynyń orynbasary; 1998-2000 jyldary – «Qazaqstan halyqtyq jınaq banki» AAQ oblys fılıaly dırektorynyń birinshi orynbasary, Nesıe departamentiniń dırektory, basqarýshy dırektory, Nesıe táýekelderi departamentiniń dırektory, Basqarma tóraǵasynyń keńesshisi; 2000-2006 jyldary – «Qazpochta» AAQ Basqarma tóraǵasynyń orynbasary, tóraǵasy; 2005 bastap –Baılanys salasyndaǵy Aımaqtyq dostastyqtyń poshta operatorlary keńesiniń tóaraǵasy; 2006 jyly 4 qyrkúıekte Memleket basshysynyń Ókimimen Qazaqstan Respýblıkasy Almaty qalasynyń óńirlik qarjy ortalyǵynyń qyzmetin retteý agenttiginiń tóraǵasy bolyp taǵaıyndaldy; 2008 jyly 25 sáýirden bastap – Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń múshesi. 2011 jyly 14 sáýirde Almaty qalasynyń óńirlik qarjy ortalyǵynyń qyzmetin retteý agenttiginiń tóraǵasy qyzmetinen bosatyldy. 2011-2013 jyldary – «Qazpochta» AAQ Basqarma tóraǵasynyń tóraǵasy; 2013-2019 jyldary – Qazaqstan Respýblıkasynyń Frantsııadaǵy Elshiliginiń Investıtsııalar jónindegi keńesshisi.