7 qyrkúıek. Tulǵalar týǵan kún
Búgin, 7 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
51 jyl buryn (1974) Qazaqstan Respýblıkasy Joǵarǵy Sotynyń sýdıasy Erbol Jumabaıuly ÓMІRÁLIEV dúnıege keldi.
Almaty oblysynda týǵan. Ál-Farabı atyndaǵy Qazaq memlekettik ulttyq ýnıversıtetin quqyqtaný mamandyǵy boıynsha bitirgen (1996); Qazaqstan Respýblıkasy Prezıdentiniń janyndaǵy Memlekettik qyzmet akademııasy, memlekettik basqarý (2002).
Eńbek joly: 1996-2002 jyldary QR Konstıtýtsııalyq Keńesi apparatynyń aktiler men halyqaralyq sharttarǵa ǵylymı saraptama bóliminiń konsýltanty, 2002-2005 jyldary Óndiristik emes sala jáne óńirlik damý máseleleri jónindegi Úkimet aktilerimen jáne Premer-Mınıstrdiń aktilerimen jumys sektorynyń meńgerýshisi, Premer-Mınıstr Keńsesiniń Úkimet aktilerimen jumys sektorynyń meńgerýshisi, Keńseniń Zań bólimi meńgerýshisiniń orynbasary, 2005-2007 jyldary «Atameken» OSPRK» AQ atqarýshy dırektorynyń keńesshisi, basqarma tóraǵasynyń orynbasary, 2007-2008 jyldary «QazAgro» Ulttyq holdıngi» AQ basqarýshy dırektory, 2008-2010 jyldary «QazAgroQarjy» AQ basqarýshy dırektory, 2010-2011 jyldary «Ulttyq medıtsınalyq holdıng» AQ basqarma tóraǵasynyń orynbasary, 2011-2015 jyldary «Transtelekom» AQ korporatıvtik basqarý jáne quqyqtyq máseleler jónindegi vıtse-prezıdentiniń m.a., qarjy jáne ákimshilik máseleler jónindegi vıtse-prezıdentiniń m.a., 2015-2016 jyldary QR Prezıdenti Ákimshiliginiń Kadr saıasaty sektory meńgerýshisi m.a., 2016-2018 jyldary QR Bas prokýrory apparatynyń basshysy, 2018-2021 jyldary QR Joǵarǵy Sotynyń janyndaǵy Sottardyń qyzmetin qamtamasyz etý departamenti basshysynyń orynbasary – QR Joǵarǵy Soty apparatynyń basshysy qyzmetin atqarǵan.
Qazirgi laýazymyn 2021 jyldyń maýsym aıynan beri atqaryp keledi.
«Qurmet» ordenimen (2020); «Qazaqstan Respýblıkasynyń prokýratýrasyna 25 jyl», «Minsiz qyzmeti úshin», «Halyqaralyq yntymaqtastyqty damytýǵa qosqan úlesi úshin» medaldarymen marapattalǵan.
49 jyl buryn (1976)Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Jetisý oblysy boıynsha departamentiniń basshysy Erlan Keńesbekuly MOLDAHMETOV dúnıege keldi.
Almaty oblysy Jambyl aýdany Aqterek aýylynda týǵan. D.A. Qonaev atyndaǵy gýmanıtarlyq ýnıversıtetin b«Zańger» mamandyǵy boıynsha, Joldasbekov atyndaǵy Mehanıka jáne mashına jasaý ınstıtýtyn, D.A.Qonaev atyndaǵy Eýrazııalyq zań akademııasyn bitirgen.
Eńbek joly: 2004-2020 jyldary Almaty qalasy jáne Almaty oblysy prokýratýrasynyń ár túrli laýazymdarynda jumys istegen. Almaty oblysy Jambyl aýdany prokýrorynyń orynbasary, Almaty qalasy Alataý aýdany prokýrorynyń orynbasary, Almaty qalasy Medeý aýdany prokýrorynyń orynbasary, Almaty oblysy Іle aýdanynyń prokýrory laýazymdaryn atqarǵan. 2020-2025 jyldary Almaty qalasynyń Arnaıy tabıǵat qorǵaý prokýrory boldy.
Qazirgi qyzmetin 2025 jyldyń tamyz aıynan beri atqaryp keledi.
47 jyl buryn (1978) «Ǵylym qory» AQ basqarma tóraǵasynyń orynbasary Sultanbek Jańabekuly AIMAQOV dúnıege keldi.
Qaraǵandy oblysynda týǵan. Almaty qalasyndaǵy Qazaq memlekettik basqarý akademııasyn (Narhoz), akademık E.A.Bóketov atyndaǵy Qaraǵandy memlekettik ýnıversıtetin bitirgen, mamandyǵy «ekonomıst».
Eńbek joly: 1999-2009 jyldary memlekettik jáne kommertsııalyq qurylymdarda jumys atqardy. 2009-2011 jyldary «Parasat» Ulttyq ǵylymı-tehnologııalyq holdıngi» AQ ekonomıka jáne qarjy departamentiniń aǵa, jetekshi, bas menedjeri, 2011-2015 jyldary «Parasat» Ulttyq ǵylymı-tehnologııalyq holdıngi» AQ Ekonomıka jáne qarjy departamentiniń dırektory, 2015-2016 jyldary «Parasat» Ulttyq ǵylymı-tehnıkalyq ortalyǵy» AQ basqarma tóraǵasynyń orynbasary, 2016-2017 jyldary «Ǵylym qory» AQ Jobalar dırektsııasynyń dırektory, 2017-2019 jyldary «Ǵylym qory» AQ basqarma tóraǵasynyń orynbasary, 2020-2021 jyldary «Injınırıng jáne tehnologııalar transferti ortalyǵy» AQ vıtse-prezıdenti, 2021-2024 jyldary «QazInnovations» Innovatsııalyq damý ulttyq agenttigi» AQ Basqarma tóraǵasynyń orynbasary bolyp qyzmet atqardy.
«Eren eńbegi úshin» medalimen marapattalǵan.
43 jyl buryn (1982) Jambyl oblysy polıtsııa departamenti bastyǵynyń orynbasary Baýyrjan Dáýlethanuly JANAEV dúnıege keldi.
Qazaq gýmanıtarlyq-zań ýnıversıtetin bitirgen.
Eńbek joly: 2004 jyly Shymkent qalasynda tergeýshi, 2007-2011 jyldary oblystyq ishki ister departamentinde jumys istegen. 2012-2014 jyldary Maqtaaral aýdandyq ishki ister bóliminiń krımınaldyq polıtsııa bóliminiń bastyǵy, Maqtaaral aýdandyq ishki ister bólimi bastyǵynyń orynbasary, 2019-2022 jyldary quqyq qorǵaý organdarynda jaýapty qyzmetterdi atqarǵan, Túrkistan oblysy Tólebı aýdandyq ishki ister bóliminiń bastyǵy boldy. 2022-2024 jyldary Túrkistan qalalyq ishki ister basqarmasynyń bastyǵy bolyp jumys istedi.
Qazirgi qyzmetinde – 2024 jyldyń qyrkúıeginen bastap.
183 jyl buryn (1841-1918) halyq kompozıtory, ánshi-aqyn, kúıshi-dombyrashy Muhıt (Muhambetkereı) MERALYULY dúnıege kelgen.
Batys Qazaqstan oblysynyń Qaratóbe aýdanynda týǵan. Ábilqaıyr áýletinen shyqqan, Qarataı sultannyń nemeresi. Onyń týǵan aǵalary Pańgereı, Sháńgereı, Saqypkereı, Jansha, Júsip ónerpaz adamdar bolǵan.
Muhıt Orynbor, Qostanaı, Jamanqala (Orsk), Qazaly, Troıtsk, Aqtóbe, Aral, Atyraý óńirlerin aralap, «Ánshi Muhıt», «Sal Muhıt» atandy. Onyń «Dúnıe-aı», «Záýresh», «Pań kóılek», «Qypshaq», «Dóń asqan», «Kerbez» ánderi ánshilik óneriniń san qyrly tabıǵatyn ashady.
Oıly da qýatty, názik te syrly, móldir lırızmge tunǵan ánderin asqan sheberlikpen oryndaı júrip, óziniń ánshilik dástúrin qalyptastyrdy.
Aleksandr Zataevıch «Qazaq halqynyń 1000 áni» jáne «Qazaqtyń 500 án men kúıi» kitabynda Muhıtty «qazaqtyń Baıany» atap, Qazaqstannyń batysynda Muhıttyń shyǵarmashylyǵyn belgili án mektebi dep qaraý kerek» dep jazdy. Ol tek ánshi, aqyn ǵana emes, kúıshilik ónerimen de tanyldy. Boǵda, Esbaı, Tazbala, Sáýlebaı, Abyl kúılerin óte áserli oryndap, ózi de kúı shyǵardy.
Muhıttyń ánshilik, aqyndyq, kúıshilik murasyn bizdiń zamanǵa balalary – Shoń men Náý, nemereleri – Shaıhy, Luqpan, Ǵubaıdolla jetkizdi.
Qazaqstan kompozıtorlary Muhıttyń týyndylaryn ózderiniń shyǵarmalarynda keńinen paıdalandy. Evgenıı Brýsılovskıı Muhıttyń «Alýash» ánin «Jalbyr», «Úlken Orazyn», «Qyz Jibek», «Dúnıe-aı» ánin «Er Tarǵyn» operalaryna paıdalandy.