7 qazan. Tulǵalar týǵan kún
ESІMDER
Shyǵys Qazaqstan oblysynyń Kúrshim aýdanynda týǵan. Almaty memlekettik óner ınstıtýtyn bitirgen.
1971 jyldan qazirgi Ǵ.Músirepov atyndaǵy balalar men jasóspirimder teatrynyń akteri. 1995-2001 jyldary osy teatrdyń dırektory ári kórkemdik jetekshisi bolǵan. Akter teatr sahnasynda jáne kınoda 200-den astam beıneni somdaǵan. Sonymen qatar halyq ánderi men qazirgi qazaq kompozıtorlary ánderin sheber oryndaýshy retinde keńinen tanymal. Joljaqsynov ulttyq kıno óneriniń damýyna óz úlesin qosyp, «Gaýhartas», «Daladaǵy qýǵyn», «Altyn kúz», «Ompa», «Aq barystyń urpaqtary», «Kóshpendiler», «Birjan sal» jáne t.b. fılmderge túsken.
63 jyl buryn (1959) Qazaqstan Respýblıkasy Parlamenti Senaty janyndaǵy Senatorlar Keńesiniń múshesi Rashıt Saıranuly AHMETOV dúnıege keldi.
Almaty temirjol kóligi ınjenerleri ınstıtýtyn bitirgen. Injener-mehanık.
Batys Qazaqstan oblysy Oral qalasynyń «Nurjanar» ashyq aktsıonerlik qoǵamynyń prezıdenti bolyp qyzmet istegen. Qazaqstan Respýblıkasy Parlamenti Senatynyń depýtaty (2005 jyldan), Qarjy jáne bıýdjet komıtetiniń tóraǵasy boldy. Qazaqstan Respýblıkasy respýblıkalyq bıýdjetiniń atqarylýyn baqylaý jónindegi Esep komıtetiniń múshesi (2017-2022 jyldary).
2019 jyldyń qyrkúıek aıynan bastap qazirgi qyzmetinde.
«Qurmet», «Parasat» ordenderimen, medaldarmen marapattalǵan.
55 jyl buryn (1967) Ulttyq qaýipsizdik komıteti Joǵarǵy qolbasshylyǵynyń ókili, general-leıtenant Ánýar Tóleýhanuly SADYQULOV dúnıege keldi.
Almaty qalasynda týǵan. 1991 jyly Almaty zooveterınar ınstıtýtyn bitirgen. 2000 jyly Abaı atyndaǵy Almaty memlekettik ýnıversıtetiniń zań fakýltetin úzdik támamdaǵan.
1985-1987 jyldary KSRO QK qatarynda merzimdik áskerı qyzmetten ótti. 1992 jyly QR Prezıdenti Kúzet qyzmetiniń áskerı qyzmetine alyndy. Qyzmetin QR Prezıdenti jeke kúzetiniń ár túrli ofıtserlik jáne basshylyq laýazymdarynda ótkergen. 2006 jyly QR Prezıdenti Kúzet qyzmeti bastyǵynyń orynbasary –jeke kúzet departamentiniń bastyǵy bolyp taǵaıyndaldy. 2012 jyly QR Prezıdenti Kúzet qyzmeti bastyǵynyń orynbasary – Prezıdent qaýipsizdigi qyzmetiniń bastyǵy laýazymyna taǵaıyndalǵan. 2013 jyly QR Prezıdenti Kúzet qyzmetiniń bastyǵy boldy. 2014 jyly Memleket basshysynyń ókimine sáıkes QR Memlekettik kúzet qyzmetiniń bastyǵy bolyp taǵaıyndaldy; Qazaqstan Respýblıkasy Ulttyq qaýipsizdik komıteti tóraǵasynyń orynbasary – QR UQK «A» arnaıy qyzmetiniń dırektory (2014-2019). Qazaqstan Respýblıkasy Memlekettik kúzet qyzmetiniń bastyǵy (2019-2020). Qazaqstan Respýblıkasy Ulttyq qaýipsizdik komıteti tóraǵasynyń orynbasary – «A» arnaıy maqsattaǵy qyzmetiniń dırektory (2020-2022).
2-dárejeli «Aıbyn» jáne «Andropov» ordenderimen marapattalǵan.
46 jyl buryn (1976) - VII saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi Konstantın Vıktorovıch AVERShIN dúnıege keldi.
Taldyqorǵan qalasynda týǵan. Braıtondaǵy (Ulybrıtanııa) Bellerbıs kolledjin bıznes jáne ekonomıka mamandyǵy boıynsha (1995) bitirgen; Anglııa Rýskın ýnıversıteti, Eýropalyq bıznes jáne ekonomıka, Kembrıdj (Ulybrıtanııa), Bıznes jáne ekonomıka (1998); Reseı halyq sharýashylyǵy jáne memlekettik basqarý akademııasy (2018 j.).
Eńbek joly: «KEGOC» AQ kommertsııalyq bóliminiń mamany (1998-1999); «Kedentransservıs» JAQ kommertsııalyq departamentiniń bas menedjeri (1999-2001); Eýropalyq avıatsııanyń aımaqtyq ókili (2009-2011); «Red Dragon Almaty» JShS quryltaıshysy (2013 jyldan bastap).
2022 jyldyń naýryz aıynan bastap qazirgi qyzmetinde.
«Ekonomıka maqtanyshy», «Qurmet» ordenderimen, «Qazaqstan Respýblıkasynyń táýelsizdigine 25 jyl», «Qazaqstan Konstıtýtsııasyna 25 jyl», «Qazaqstan máslıhattaryna 25 jyl», «Qazaqstan Respýblıkasynyń Táýelsizdigine 30 jyl» medaldarymen marapattalǵan.
