7 qazan. Tulǵalar týǵan kún

Búgin, ıaǵnı 7 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

73 jyl buryn (1951) akter, ánshi, Qazaqstanyń halyq ártisi, Qyrǵyzstannyń eńbek sińirgen ártisi, Qazaqstan Jastar odaǵy syılyǵynyń ıegeri Dosqan Qalıuly JOLJAQSYNOV dúnıege keldi.

Foto: kazpravda.kz

Shyǵys Qazaqstan oblysynyń Kúrshim aýdanynda týǵan. Almaty memlekettik óner ınstıtýtyn bitirgen.

1971 jyldan qazirgi Ǵ.Músirepov atyndaǵy balalar men jasóspirimder teatrynyń akteri, 1995-2001 jyldary osy teatrdyń dırektory ári kórkemdik jetekshisi bolǵan.

Akter teatr sahnasynda jáne kınoda 200-den astam beıneni somdaǵan. Sonymen qatar, halyq ánderi men qazirgi qazaq kompozıtorlary ánderin sheber oryndaýshy retinde keńinen tanymal. Joljaqsynov ulttyq kıno óneriniń damýyna óz úlesin qosyp, «Gaýhartas», «Daladaǵy qýǵyn», «Altyn kúz», «Ompa», «Aq barystyń urpaqtary», «Kóshpendiler», «Birjan sal» jáne t.b. fılmderge túsken.

65 jyl buryn (1959) saıasat qaıratkeri, Qazaqstan Respýblıkasy Joǵary aýdıtorlyq palatasynyń múshesi Rashıt Saıranuly AHMETOV dúnıege keldi.

Foto: Qazaqstan Respýblıkasynyń Joǵary aýdıtorlyq palatasy

Almaty temirjol kóligi ınjenerleri ınstıtýtyn bitirgen, ınjener-mehanık (1982), Batys Qazaqstan ınjenerlik-tehnologııalyq ýnıversıtetiniń menedjment jáne quqyq ınstıtýtyn, quqyqtaný (2002) bitirgen.

Eńbek joly: Batys Qazaqstan oblysy Oral qalasynyń «Nurjanar» AAQ prezıdenti bolyp qyzmet istegen. 2005 jyldan bastap QR Parlamenti Senatynyń depýtaty, Qarjy jáne bıýdjet komıtetiniń tóraǵasy, Belarýs Respýblıkasy Parlamentimen, Kanada Senatymen, Frantsýz Respýblıkasy Senatymen yntymaqtastyq tobynyń múshesi boldy. 2017-2022 jyldary – QR respýblıkalyq bıýdjetiniń atqarylýyn baqylaý jónindegi Esep komıtetiniń múshesi.

QR Parlamenti Senatynyń 2022 jylǵy 1 jeltoqsandaǵy qaýlysymen QR Joǵary aýdıtorlyq palatasynyń múshesi bolyp taǵaıyndaldy.

«Qurmet», «Parasat» ordenderimen, medaldarmen marapattalǵan.

48 jyl buryn (1976) – VII saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi Konstantın Vıktorovıch AVERShIN dúnıege keldi.

Foto: parlam.kz

Taldyqorǵan qalasynda týǵan. Braıtondaǵy (Ulybrıtanııa) Bellerbıs kolledjin bıznes jáne ekonomıka mamandyǵy boıynsha (1995) bitirgen; Anglııa Rýskın ýnıversıteti, Eýropalyq bıznes jáne ekonomıka, Kembrıdj (Ulybrıtanııa), Bıznes jáne ekonomıka (1998); Reseı halyq sharýashylyǵy jáne memlekettik basqarý akademııasynda (2018 j.) bilim aldy.

Eńbek joly: 1998-1999 jyldary «KEGOC» AQ kommertsııalyq bóliminiń mamany. 1999-2001 jyldary «Kedentransservıs» JAQ kommertsııalyq departamentiniń bas menedjeri. 2009-2011 jyldary Eýropalyq avıatsııanyń aımaqtyq ókili. 2013 jyldan bastap «Red Dragon Almaty» JShS quryltaıshysy.

2022 jyldyń naýryz aıynan bastap qazirgi qyzmetinde.

«Ekonomıka maqtanyshy», «Qurmet» ordenderimen, «Qazaqstan Respýblıkasynyń táýelsizdigine 25 jyl», «Qazaqstan Konstıtýtsııasyna 25 jyl», «Qazaqstan máslıhattaryna 25 jyl», «Qazaqstan Respýblıkasynyń Táýelsizdigine 30 jyl», «Arnaıy jasaqtaǵy qyzmeti úshin» medaldarymen, ІІІ dárejeli «UQQ – KNB – Qazaqstan» tósbelgimen marapattalǵan.

45 jyl buryn (1979) Qazaqstan Respýblıkasy Ádilet mınıstri Azamat Nesipbaıuly ESQARAEV dúnıege keldi.

Foto: Qazaqstan Respýblıkasy Ádilet mınıstrligi

Almaty qalasynda týǵan. Qazaq memlekettik zań akademııasyn bitirgen.

Eńbek jolyn 2000 jyly QR Ádilet mınıstrligi Zańnama departamentiniń jetekshi mamany bolyp bastaǵan. 2000-2005 jyldary QR Ádilet mınıstrliginde bas maman, Zańǵa táýeldi normatıvtik aktilerdiń jobalaryn saraptaý jáne daıyndaý basqarmasy bastyǵynyń orynbasary - bólim bastyǵy, Zańnama departamentiniń óndiristik salanyń zańǵa táýeldi normatıvtik aktilerin saraptaý bóliminiń bastyǵy, Zańnama departamenti basqarmasynyń bastyǵy, Zańǵa táýeldi aktiler departamenti basqarmasynyń bastyǵy bolǵan. 2005-2006 jyldary Almaty qalasy ákiminiń bas ınspektory. 2006-2007 jyldary – «Qazyna» ornyqty damý qory» AQ Zań qyzmeti departamentiniń bas menedjeri.

2007-2012 jyldary QR Ádilet mınıstrliginde ártúrli laýazymdarda jumys istedi: quqyqtyq máseleler jónindegi konsýltant, Іshki ákimshilik departamentiniń jetekshi mamany, mınıstrdiń kómekshisi, Taldaý jáne strategııalyq josparlaý departamentiniń dırektory, Zańnama departamentiniń dırektory. 2012-2014 jyldary QR EQSJQKA ınspektsııasynyń uıymdastyrý-baqylaý departamentiniń bastyǵy bolǵan. 2014-2019 jyldary QR Premer-Mınıstri Keńsesiniń Zań bólimi meńgerýshisiniń orynbasary qyzmetin atqarǵan. 2019-2023 jyldary QR Premer-Mınıstri Keńsesi Zań bóliminiń meńgerýshisi.

QR Prezıdentiniń 2023 jylǵy 4 qańtardaǵy Jarlyǵymen QR Ádilet mınıstri bolyp taǵaıyndaldy.

2023 jylǵy 4 sáýirde QR Prezıdentiniń Jarlyǵymen QR Ádilet mınıstri bolyp qaıta taǵaıyndaldy.