ASTANA. QazAqparat – QazAqparat 7 aqpanǵa arnalǵan «Tulǵalar týǵan kún» kúntizbesin usynady.
ESІMDER
7 4 jyl buryn (1949) aktrısa, Qazaqstannyń eńbek sińirgen ártisi, Qazaqstan memlekettik premııasynyń laýreaty –
Gúljamal Muqajanqyzy QAZAQBAEVA dúnıege keldi. Almaty oblysynyń týmasy. 1966 - 1968 jyldary M.Áýezov atyndaǵy akademııalyq drama teatry janyndaǵy stýdııanyń akterlik bólimin támamdady. 1994 - 1996 jyldary T.Júrgenov atyndaǵy Qazaq ulttyq óner akademııasyn (burynǵy Almaty memlekettik teatr kórkem sýret ınstıtýty) «drama jáne teatr aktrısasy» mamandyǵy boıynsha bitirgen. Eńbek joly: 1969 - 1978 jyldary Ońtústik Qazaqstan oblystyq qazaq drama teatrynda aktrısa. 1978 jyldan Ǵabıt Músirepov atyndaǵy Qazaq Memlekettik Akademııalyq balalar men jasóspirimder teatrynyń aktrısasy. Marapattary: 1984 jyly Qazaq KSR Memlekettik syılyǵynyń ıegeri atandy. 1992 jyly Elbasynyń jarlyǵymen «Qazaqstan Respýblıkasynyń Eńbek sińirgen ártisi» qurmetti ataǵymen marapattaldy. 2005 jyly «Eren eńbegi úshin medali», 2011 jyly «Qurmet ordeni», 2016 jyly «QR táýelsizdigine - 25 jyl» memlekettik merekelik medalimen marapattalǵan.
42 jyl buryn (1981) Qazaqstan Respýblıkasy Energetıka vıtse-mınıstri
Jandos Demesinuly NURMAǴANBETOV dúnıege keldi.
Jambyl oblysynda týǵan. E.A.Bóketov atyndaǵy Qaraǵandy memlekettik ýnıversıtetin quqyqtaný mamandyǵy boıynsha bitirgen (2002); Qorqyt ata atyndaǵy Qyzylorda memlekettik ýnıversıteti, elektr energetıkasy (2009-2011); KIMEP Ýnıversıteti, basqarýshy personalǵa arnalǵan bıznesti basqarý (MBA (2013).
Eńbek joly: «Karýglesbyt» JShS dırektorynyń orynbasary, dırektory (2003-2005); «Qaraǵandy aımaqtyq energetıkalyq kompanııasy» JShS dırektory (2005-2006); «Qyzylorda elektr taratý kompanııasy» AQ bas dırektory (2008-2010); «Qyzylorda» áleýmettik-kásipkerlik korporatsııasy» AQ basqarma tóraǵasy (2011-2013); «Jańartylatyn energııa kózderin qoldaýdyń esep aıyrysý-qarjy ortalyǵy» JShS bas dırektory (2013-2020); «KEGOC» AQ strategııa jáne damý jónindegi basqarýshy dırektory (2020-2021); «KEGOC» AQ Strategııa, turaqty damý jáne tsıfrlyq transformatsııa jónindegi basqarýshy dırektory (02.12.2021-12.12.2021).
2021 jyldyń jeltoqsan aıynan bastap qazirgi qyzmetinde.
