«7-20-25» baǵdarlamasy qashan iske qosylady

ASTANA. QazAqparat - QR Ulttyq banki tóraǵasynyń orynbasary Oleg Smolıakov «7-20-25» turǵyn úı qurylysy baǵdarlamasynyń iske qosylý merzimin atady, dep habarlaıdy QazAqparat tilshisi.

Onyń aıtýynsha, atalǵan baǵdarlamany 2018 jyldyń shilde aıynda qosý josparlanyp otyr.

«Aǵymdaǵy jyldyń shilde aıynda baǵdarlamany júzege asyrýǵa kirisemiz. Sáýir aıynda Ulttyq bank basqarmasy «Baspana» ıpotekalyq uıymyn qurdy, qazir tirkeý rásiminen ótip jatyr. Mamyr aıynda baǵdarlamanyń negizgi sharttary zańnamalyq túzetýlermen sáıkestendiriledi jáne shilde aıynda baspana berý jumystary bastalady», - dedi Oleg Smolıakov Senatta ótken «Nurly jer» turǵyn úı qurylysy baǵdarlamasyn júzege asyrý barysyna arnalǵan dóńgelek ústelde.

Ulttyq bank ókili baǵdarlamanyń tabysty júzege asatynyn atap ótti.

Onyń aıtýynsha, kóptegen elderde ıpoteka 7 protsentpen beriledi jáne qaryz alýshylar óz tabystaryna sáıkes, nesıeni qıyndyqsyz óteı alady.