«7-20-25» baǵdarlamasy bıyldan qalmasyn - Nursultan Nazarbaev

ASTANA. QazAqparat - Memleket basshysy xalyqty turǵyn úımen qamtýǵa arnalǵan «7-20-25» baǵdarlamasyn bıyldan qaldyrmaýdy tapsyrdy. Alaıda ony iske asyrý úshin depýtattar birqatar zań jobalaryn tezdetip qabyldaýy qajet, dep xabarlaıdy QazAqparat tilshisi.

«Men Ulttyq bank pen Úkimetke nesıe berý sharalaryn ulǵaıtýdy tapsyrǵan bolatynmyn. Sonyń arqasynda el ekonomıkasy ósedi. Osy oraıda «7-20-25» baǵdarlamasyn erekshe atap ótken jón. Atalǵan bastama xalyqty baspanamen qamtýdy kózdeıdi. Ony bıyl bastap ketý kerek», - dedi N.Nazarbaev Aqordada ótken kezdesýde.

Prezıdenttiń aıtýynsha, qazirgi kezde Pralamenttiń qaraýynda valıýtalyq retteýge qatysty zań jobasy jatyr. Dál osy qujatty tezdetip qabyldaý qajet. Sóıtip, «7-20-25» baǵdarlamasyn bastap ketý kerek.

«Men Parlamenttiń eki palatasyn atalǵan máseleni sessııanyń aıaqtalýyna deıin qarastyryp shyǵýdy suraımyn. Májilistegi ekinshi oqylymdy mamyrdyń aıaǵynda emes, mamyrdyń basynda ótkizý kerek. Sebebi xalyqqa arnalǵan bes áleýmettik bastamamdy tezdetip iske qosýymyz qajet», - dep atap kórsetti N.Nazarbaev.

Aıta keteıik, búgin Aqordada QR Prezıdenti Nursultan Nazarbaev Ulttyq banktiń esebin tyńdap, osy salada atqarylǵan jumysqa oń baǵa berdi.

Sondaı-aq, Memleket basshysy birqatar bankterge eskertý jasady.