65 jastaǵy aqtóbelik «kúıeý jigitke» 36 mln teńgesin berip, aldanyp qaldy

AQTÓBE. QazAqparat – Aqtóbelik zeınetker áleýmettik jeli arqyly ózin AQSh azamaty retinde tanystyrǵan belgisiz bireýge 36 mln teńge aqshasyn aýdaryp jiberdi, dep habarlaıdy QazAqparat tilshisi.

Aqtóbe oblystyq Polıtsııa departamenti taǵy bir alaıaqtyq derekti tirkedi. Birer kún buryn ǵana Aqtóbe qalasynyń polıtsııa basqarmasyna 65 jastaǵy zeınerker aryz túsirdi. Ol áleýmetti jeli arqyly tanysqan alaıaqtyń qurbany bolǵanyn aıtty.

«Er adam ózin AQSh azamaty retinde tanystyryp, jábirlenishýge syılyq pen aqsha jibermin dep mekenjaıy men tolyq aty-jónin suraǵan. Keıin sálemdemeni jiberý úshin kedendik BAJ salyǵyn tóleý keregin aıtyp, esep aıyrysý shotyna aqsha aýdarýdy suraǵan. Sonymen qatar belgisiz «kúıeý jigit» zeınetke shyqqannan keıin Qazaqstanǵa kóshýge nıetti ekenine sendirgen. Jábirleýshi áıel páterin satyp, shottaǵy 36 mln teńgeden astam qarajatty alaıaqqa aýdaryp jibergen. Osy derek boıynsha aldyn ala tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, oblystyq Polıtsııa departamenti jelidegi aqparatqa synı qaraýǵa jáne múmkindiginshe derekterdi tekserýge shaqyrady.

«Kúdiktiler ózderin jasyrý úshin dárigerler, notarıýs nemese áskerı qyzmetshilerdiń sýretteri men esimderi jıi qoldanylady. Kúdiktige on bes jyldan jıyrma jylǵa deıin nemese ómir boıy bas bostandyǵynan aıyrý jáne múlkin tárkileý túrindegi jaza qoldanylýy múmkin», - dedi Erbolat Sarqulov.

Eske salsaq, Aqtóbeniń Alǵa qalasynyń turǵyny ózin tergeýshimin dep tanystyrǵan adamǵa aldanyp qaldy. Ol 13 mln teńge aqshasynan aıyryldy.

Foto: polisia.kz