60-tan astam adamǵa jalǵan vıza ýáde etken adam ustaldy

ASTANA. KAZINFORM – 60-tan astam jábirlenýshige asa iri kólemde zııan keltirgen adam ustaldy. Bul týraly Astana qalasy prokýratýrasy málim etti.

— Kúdikti aldaý jáne senimdi teris paıdalaný arqyly jábirlenýshilerge Eýropa, AQSh jáne Ulybrıtanııaǵa uzaq jáne qysqa merzimdi vıza jasap berýge ýáde bergen.  Qylmystyq jaýaptylyqtan qutylý úshin ol 60-tan astam jábirlenýshimen jalǵan nesıelik kelisimder jasap, qylmysyn azamattyq-quqyqtyq qatynas retinde jasyrýǵa árekettengen, — delingen prokýratýra taratqan aqparatta.

Keltirilgen shyǵyn 330 mln teńgeden astam.

Kúdikti ustaldy, onyń áreketi QK-niń 190-baby 4-bóliginiń 2-tarmaǵy boıynsha saralanyp, sottyń sanktsııasymen kúzetpen ustaý túrindegi bultartpaý sharasy qoldanyldy.

Qazirgi ýaqytta barlyq jábirlenýshiler anyqtalyp jatyr, sotqa deıingi tergeý amaldary júrgizilip jatyr.

Qala prokýratýrasy alaıaqtyq jasaǵany úshin múlki tárkilenip, 10 jylǵa deıin bas bostandyǵynan aıyrý túrindegi qylmystyq jaýaptylyq kózdelgenin nazarǵa salady.

Buǵan deıin habarlanǵandaı, Astanalyq sot oryndaýshylar 26 mln teńge jymqyrǵan.