6 jeltoqsan. Tulǵalar týǵan kún
Búgin, 6 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
62 jyl buryn (1963) «KazRosGaz» JShS basqarma tóraǵasy Nurlan Qadyruly ÁBDRASULOV dúnıege keldi.
Qaraǵandy qalasynda týǵan. 1987 jyly N. E. Baýman atyndaǵy Máskeý joǵary tehnıkalyq ýchılışesin óndiristi avtomattandyrý jáne mehanıkalandyrý mamandyǵy boıynsha bitirgen. 2002 jyly Qaztutynýodaǵy Qaraǵandy ekonomıkalyq ýnıversıtetin «Qarjy jáne nesıe» mamandyǵy boıynsha bitirgen. Ekonomıka ǵylymdarynyń kandıdaty (I.M. Gýbkın atyndaǵy Reseı memlekettik munaı jáne gaz ýnıversıteti).
2000 jyldan bastap «QazMunaıGaz» UK AQ júıesinde onyń enshiles uıymdarynyń qurylymdyq bólimsheleriniń basshysy bolyp qyzmet atqardy. Kásiporynnyń birinshi dırektory, onyń ishinde magıstraldyq gaz qubyrlaryndaǵy gaztýrbınalyq qondyrǵylardy jóndeý jáne qalpyna keltirý jumystaryn júrgizgen tájirıbeli maman. «KazRosGaz» JShS qurylǵannan beri (2002 j. maýsym) marketıng jáne kóliktik logıstıka bólimin basqardy. 2006-2015 jyldar aralyǵynda «KazRosGaz» JShS bas dırektorynyń marketıng jónindegi orynbasary qyzmetin atqarǵan. 2015-2021 jyldary «QazMunaıGaz» UK» AQ jáne «QazaqGaz» UK» AQ basshylyq qyzmetterin atqardy. 2021-2022 jyldary «Túrkistan» JShS («Samuryq-Qazyna» AQ portfeldik kompanııasy) bas dırektory bolyp jumys istedi.
«Qurmet» ordenimen marapattalǵan.
58 jyl buryn (1967) Qazaqstannyń opera ánshisi, eńbek sińirgen qaıratkeri Gúlzat Beısenqyzy DÁÝІRBAEVA dúnıege keldi.
Shymkent qalasynda týǵan. Qurmanǵazy atyndaǵy konservatorııanyń án fakýltetin bitirgen.
Eńbek joly: 1985 jyly Almatydaǵy Opera jáne balet teatry janyndaǵy vokaldyq hor stýdııasyna oqýǵa tústi. 1985-1993 jyldary osy teatrda hor ártisi boldy. 2001 jyldan Almatydaǵy Abaı atyndaǵy Qazaq memlekettik akademııalyq opera jáne balet teatrynyń ánshisi bolyp eńbek etti. «Astana Opera» memlekettik opera jáne balet teatrynyń jetekshi opera solısi boldy.
Verdıdiń «Rekvıeminen» soprano partııasyn, «Toskasyndaǵy» Toska, «Bogemada» Mımı, Chaıkovskııdiń «Evgenıı Onegın» operasynda Tatıana, «Qarǵanyń mátkesinde» Lıza, «Iolantada» basty partııa, Tólebaevtyń «Birjan — Sarasynda» Sara, Brýsılovskııdiń «Er Tarǵynynda» Aqjúnis, Ǵ. Jubanovanyń «Qurmanǵazy» operasynda Áýes, B. Jumanııazovtyń «Mahambetinde» Zylıha partııalaryn oryndap júr. Gastroldik saparmen Italııa, Vengrııa, Reseı qalalarynda óner kórsetti. Máskeýdiń Úlken teatrynyń shaqyrýymen «Evgenıı Onegın» operasyndaǵy Tatıana partııasyn oryndady (2003 jyly).
Bernd Vaıkel atyndaǵy halyqaralyq ánshiler baıqaýynyń (2002 jyly) jáne Astana qalasyndy ótken Kúlásh Baıseıitova atyndaǵy ánshilerdiń respýblıkalyq konkýrsynyń (2002 jyly) laýreaty atanǵan.
«Qazaqstan Respýblıkasynyń táýelsizdigine 10 jyl» (2001) medalimen marapattalǵan. Sh. Qaldaıaqov halyqaralyq konkýrsynyń, B. Vaıkl atyndaǵy halyqaralyq ánshiler konkýrsynyń, K. Baıseıitova atyndaǵy ánshilerdiń respýblıkalyq konkýrsynyń laýreaty.
56 jyl buryn (1969) Konstıtýtsııalyq sottyń apparat jetekshisi Zere Oryntaıqyzy ÓTEBAEVA dúnıege keldi.
Máskeý ekonomıka jáne quqyq ınstıtýtyn jáne Reseı ǵylym akademııasynyń áleýmettik-saıası zertteýler ınstıtýtynyń aspırantýrasyn bitirdi. Zańger, saıası ǵylymdar kandıdaty.
Eńbek joly: 1999-2001 jyldary Qazaqstan Respýblıkasy aýyl sharýashylyǵy mınıstrliginde jetekshi maman, bas maman, quqyqtyq jáne uıymdastyrý jumystary departamentiniń bólim bastyǵy, 2001-2008 jyldary QR Parlamenti Májilisinde komıtettermen jumys bóliminiń konsýltanty, Halyqaralyq ister, qorǵanys jáne qaýipsizdik komıteti hatshylyǵynyń konsýltanty, Halyqaralyq ister, qorǵanys jáne qaýipsizdik komıteti qyzmetin qamtamasyz etý bóliminde zańnama bóliminiń bas konsýltanty, bólim meńgerýshisiniń orynbasary qyzmetterin atqardy. 2008-2016 jyldary QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń qyzmeti qamtamasyz etý bóliminiń meńgerýshisi, 2016-2019 jyldary QR Parlamenti Májilisi apparaty basshysynyń orynbasary, 2019-2023 jyldary Adam quqyqtary jónindegi ulttyq ortalyqtyń basshysy boldy.
Qazirgi qyzmetin 2023 jylǵy qańtar aıynan atqaryp keledi.
47 jyl buryn (1978) Aqtaý qalalyq polıtsııııa basqarmasynyń bastyǵy Aıdar Demegenuly QASANOV dúnıege keldi.
Jańaózen qalasynda týǵan. Qazaqstan Respýblıkasy Іshki ister mınıstrliginiń Akademııasyn bitirgen (2002).
Eńbek joly: 2002-2008 jyldary Jańaózen qalalyq ishki ister basqarmasynyń tergeý bóliminiń tergeýshisi, 2008 jyly Jańaózen qalalyq ІІB tergeý bóliminiń aǵa tergeýshisi, 2008-2009 jyldary Aqtaý qalalyq ІІB tergeý bóliminiń asa aýyr qylmystardy ashý bóliminiń bastyǵy, 2009-2011 jyldary Jańaózen qalalyq ІІB Tergeý bólimi bastyǵynyń orynbasary, 2011-2012 jyldary Jańaózen qalalyq ІІB tergeý bóliminiń aǵa tergeýshisi, 2012 jyly Jańaózen qalalyq ІІB tergeý bólimi bastyǵynyń mindetin atqarýshy, 2012-2015 jyldary Jańaózen qalasy ІІB tergeý bóliminiń bastyǵy, 2015-2018 jyldary Jańaózen qalasynyń Іshki ister basqarmasy bastyǵynyń tergeý jónindegi orynbasary, 2018 jyly Aqtaý qalalyq ishki ister basqarmasy bastyǵynyń tergeý jónindegi orynbasary, 2018-2019 jyldary Aqtaý qalasynyń polıtsııa basqarmasy bastyǵynyń orynbasary, 2019 jyly Jańaózen qalalyq ІІB bastyǵy laýazymyn atqarǵan.
47 jyl buryn (1978) Pavlodar oblysynyń ákimi Asaın Qýandyquly BAIHANOV dúnıege keldi.
Pavlodar oblysynda týǵan. Pavlodar ýnıversıtetin, ekonomıka jáne menedjment (2000) mamandyǵy boıynsha, M. V. Lomonosov atyndaǵy Máskeý memlekettik ýnıversıtetin bitirgen (2017). Procredit Holding AG jáne European Bank for Reconstruction and Development (EBRD) nemis halyqaralyq bank holdınginiń biliktilikti arttyrý korporatıvtik ortalyǵynda (2006) dáris tyńdaǵan.
Eńbek joly: 2003-2007 jyldary Qazaqstanda Eýropa Qaıta Qurý jáne damý bankiniń keńsesi júzege asyratyn baǵdarlama boıynsha bank sektorynda jumys istedi. ProCredit Holding AG nemis halyqaralyq bank holdınginde basshylyq laýazymdardy atqardy. Kıevtegi «ProKredıt Ýkraına» JAQ atqarýshy dırektory boldy. 2007-2009 jyldary «Nurbank» AQ basqarma tóraǵasynyń orynbasary qyzmetin atqaryp, 2009-2015 jyldary aýyl sharýashylyǵynda kásipkerlik qyzmetpen aınalysty. 2015-2020 jyldary «QazAgroÓnim» AQ Basqarma tóraǵasynyń orynbasary, 2020-2021 jyldary Pavlodar oblysy ákiminiń orynbasary, 2021-2022 jyldary Pavlodar qalasynyń ákimi boldy.
Qazirgi qyzmetin 2022 jylǵy jeltoqsan aıynan atqaryp keledi.
42 jyl buryn (1983) QR Prezıdenti Ákimshiligi Basshysy Hatshylyǵynyń meńgerýshisi Qanysh Amanbaıuly TÓLEÝShIN dúnıege keldi.
1999-2004 jyldary L. N. Gýmılev atyndaǵy Eýrazııa ulttyq ýnıversıtetin, 2004-2006 jyldary Oksford Brýks ýnıversıtetin, 2016-2018 jyldary Massachýsets tehnologııalyq ınstıtýty (MIT), Sloýn bıznes mektebinde bilim alǵan.
Eńbek joly: 2007 jyly QR Indýstrııa jáne saýda mınıstrligi, sarapshy, basqarma basshysy, 2008-2011 jyldary QR Prezıdenti Ákimshiliginiń Áleýmettik-ekonomıkalyq monıtorıng bóliminde konsýltant, meńgerýshi orynbasary, 2011-2013 jyldary QR Investıtsııalar jáne damý mınıstriniń orynbasary, 2013-2016 jyldary «Báıterek» UBH» AQ, Basqarýshy dırektor, Dırektorlar keńesiniń múshesi, 2016-2017 jyldary
«Damý» kásipkerlikti damytý qory» AQ, Basqarma tóraǵasy, 2023-2025 jyldary QR Tsıfrlyq damý, ınnovatsııalar jáne aeroǵarysh ónerkásibi mınıstriniń birinshi orynbasary bolyp qyzmet atqardy.
Qazirgi laýazymyn 2025 jyldyń qazan aıynan beri atqaryp keledi.
«Qazaqstan Respýblıkasynyń Táýelsizdigine 20 jyl» medalimen, Qazaqstan Respýblıkasy Prezıdentiniń gramotasymen marapattalǵan.
39 jyl buryn (1986) Qazaqstan Respýblıkasy Prezıdenti Ákimshiliginiń Tsıfrlandyrýdy damytý bóliminiń meńgerýshisi Qýat Jalalıtdenuly SANDALOV dúnıege keldi.
2008 jyly L. N. Gýmılev atyndaǵy Eýrazııa ulttyq ýnıversıtetiniń matematıka jáne aqparattyq tehnologııalary fakýltetin bitirgen. 2023 jyly Nazarbaev Ýnıversıtetinde Executive MBA dárejesin aldy.
Eńbek jolyn 2008 jyly «Mobile Realty» JShS IT mamany bolyp bastaǵan. 2009-2010 jyldary «Ulttyq aqparattyq tehnologııalar» AQ bas sarapshysy, keıin IT sáýletshisi retinde jumys istedi. 2010-2014 jyldary «ENRC Kazakhstan» JShS aqparattyq júıeler menedjeri/baǵdarlama qosymshalarynyń sáýletshisi, 2014-2016 jyldary TIMWE baǵdarlamalyq qosymshalar ázirleý jónindegi joba menedjeri, 2016-2024 jyldary «Qazaqtelekom» AQ IT departamentinde ártúrli laýazymdarda qyzmet atqardy, sonyń ishinde tsıfrlandyrý jáne úlken derekterdi basqarý (CDO) dırektory boldy.
Qazirgi laýazymyna 2024 jylǵy tamyzda taǵaıyndaldy.
86 jyl buryn (1939-2015) Qazaqstannyń halyq jazýshysy, Qazaqstannyń Eńbek Eri Ábish KEKІLBAEV dúnıege keldi.
Atyraý oblysynda týǵan. S. M. Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq Ulttyq ýnıversıteti) bitirgen.
Eńbek joly: Qazaq KSR Mádenıet mınıstriniń orynbasary, Jazýshylar odaǵy basqarmasynyń ekinshi hatshysy, Qazaqstan Kommýnıstik partııasy Ortalyq Komıteti bóliminiń meńgerýshisi, Qazaq KSR Prezıdenti Apparatynyń mádenıet jáne ultaralyq qatynastar referantýrasynyń basshysy, «Egemen Qazaqstan» gazetiniń bas redaktory qyzmetterin atqarǵan. Qazaqstan Respýblıkasy Joǵarǵy Keńesi 12 jáne 13-shaqyrylymynyń depýtaty — Qazaqstan Respýblıkasy Joǵarǵy Keńesi ulttyq saıasat, mádenıet jáne tildi damytý komıtetiniń tóraǵasy, Qazaqstan Respýblıkasy Parlamenti Májilisi 1-shaqyrylymynyń depýtaty — Qazaqstan Respýblıkasy Parlamenti Májilisi halyqaralyq ister, qorǵanys jáne qaýipsizdik komıtetiniń tóraǵasy boldy. 1994-1996 jyldary Qazaqstan Respýblıkasy Joǵarǵy Keńesi 13-shaqyrylymynyń tóraǵasy, Qazaqstan Respýblıkasy Prezıdentiniń memlekettik keńesshisi, 1996-2002 jyldary Qazaqstan Respýblıkasynyń memlekettik hatshysy, Qazaqstan Respýblıkasy Prezıdentiniń keńesshisi qyzmetterin atqardy. 2002-2007 jyldary Qazaqstan Respýblıkasy Parlamenti Senatynyń depýtaty, «Asar» partııasy parlamenttik fraktsııasynyń múshesi, 2007-2010 jyldary QR Parlament Senatynyń depýtaty — Halyqaralyq qatynastar, qorǵanys jáne qaýipsizdik jónindegi komıtetiniń múshesi boldy.