6 sáýir. Týǵan kún ıeleri

NUR-SULTAN. QazAqparat – Búgin, ıaǵnı 6 sáýirde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

73 jyl buryn (1949) sýretshi-keskindemeshi, etnograf-qarýtanýshy, Qazaqstan Sýretshileri odaǵynyń múshesi Qalıolla Samatuly AHMETJAN dúnıege kelgen.

Aqmola oblysynda týǵan. Almaty kórkem óner ýchılışesin (1977), KSRO kórkem óner akademııasyna qarasty I.E. Repın atyndaǵy Lenıngrad kórkem sýret, músin jáne arhıtektýra ınstıtýtyn (1977) bitirgen.

Eńbek joly: U.Tańsyqbaev atyndaǵy Almaty kórkem óner kolledji (1977-1996); Qazaqstannyń memlekettik ortalyq murajaıy (etnologııa bóliminiń ǵylymı qyzmetkeri, jetekshi ǵylymı qyzmetkeri, 1996-2000); QR ǴA M. Áýezov atyndaǵy ádebıet jáne óner ınstıtýty (kórkem óner bóliminiń aǵa ǵylymı qyzmetkeri, 1996-1998); Astana qalasyndaǵy Prezıdenttik mádenı ortalyǵy (restavtratsııa bóliminiń jetekshisi, keńesshi-restavrator, 1999-2005). Ǵylymı-úılestirý qyzmeti: U.Tańsyqbaev atyndaǵy Almaty kórkemóner kolledjinde kórkem sýret boıynsha tsıkldyq komıssııa tóraǵasy, kórkem óner-pedagogıka bóliminiń jetekshisi (1977-1996). 2007 jyly Máskeýde ótken IV halyqaralyq «Kitap óneri» saıysynda «Etnografııa tradıtsıonnogo vooorýjenııa kazahov» atty monografııasy úshin ІІІ dárejeli dıplommen; 2006 jyly QR Kórkem óner akademııasynyń mádenıetti, kórkem ónerdi damytýǵa qosqan úlesi úshin qurmet dıplomymen jáne altyn belgimen marapattaldy; 2011 jyly «Jyl sýretshisi» ataǵyna ıe boldy jáne Astana qalasynyń sýretshiler odaǵynyń «Altyn palıgra» syılyǵyn aldy. 2013 jyly Qazaqstan sýretshiler odaǵynyń 80 jyldyǵyna oraı «Shyǵarmashylyqtaǵy erekshe jetistikteri úshin» medalimen marapattalǵan.

54 jyl buryn (1968) Qazaqstan Respýblıkasynyń Taıland Koroldigindegi Tótenshe jáne ókiletti elshisi, Mıanma Odaǵy Respýblıkasyndaǵy Tótenshe jáne ókiletti elshisi qyzmetin qosa atqarýshy, BUU-nyń Azııa jáne Tynyq muhıty óńirine arnalǵan Ekonomıkalyq jáne áleýmettik komıssııasy janyndaǵy Qazaqstan Respýblıkasynyń turaqty ókili Raýshan Kákimseıitqyzy ESBOLATOVA dúnıege kelgen.

1988 jyly Ulttyq ekonomıka ınstıtýtyn (Almaty) jáne 1995 jyly Menedjment jáne týrızm ınstıtýtyn (Aýstrııa, Sımmerıng) bitirgen. 1998 jyldan beri dıplomatııalyq qyzmette. QR SІM ortalyq apparatynda, QR Belgııadaǵy Elshiliginde ártúrli laýazymda qyzmet etti. Qazaqstan Respýblıkasynyń Nıý-Iorktegi BUU janyndaǵy Turaqty ókildiginiń ekinshi hatshysy, birinshi hatshysy (2001-2005); Qazaqstan Respýblıkasynyń Amerıka Qurama Shtattaryndaǵy Elshiliginiń keńesshisi (2005-2006); Qazaqstan Respýblıkasynyń Nıý-Iorktegi BUU janyndaǵy Turaqty ókildiginiń keńesshisi (2006-2009); Qazaqstan Respýblıkasynyń Nıý-Iork qalasyndaǵy Bas konsýly (2009-2017).

Qazirgi laýazymyn 2017 jylǵy shildeden beri atqaryp keledi.

47 jyl buryn (1975) Almaty oblysy ákiminiń orynbasary Arslan Momyshuly DÁNDІBAEV dúnıege kelgen.

Almaty qalasynda týǵan. Abaı atyndaǵy Almaty memlekettik ýnıversıtetin támamdaǵan, halyqaralyq qatynastar mamany, referent (1997). Eńbek joly: Qazaqstan Respýblıkasy Syrtqy ister mınıstrligi konsýldyq qyzmetiniń mamany, attashe (1997-1999); Qazaqstan Respýblıkasynyń Ystanbul qalasyndaǵy Túrkııa Respýblıkasyndaǵy konsýldyǵynyń attashesi (2002-2003); Amsterdam qalasyndaǵy QR-nyń Bas konsýldyǵynyń vıtse-konsýly (2003-2005); Gaaga qalasyndaǵy QR-nyń Nıderlandy Patshalyǵyndaǵy Dıplomatııalyq mıssııasynyń ekinshi hatshysy, birinshi hatshysy (2005); Túrkııa Respýblıkasyndaǵy QR elshiliginiń birinshi hatshysy (2005-2006); QR SІM Memlekettik protokol qyzmetiniń memlekettik jáne úkimettik saparlar bóliminiń basshysy (2006); Qazaqstan Respýblıkasy Prezıdenti protokolynyń konsýltanty (2006-2009); Qazaqstan Respýblıkasynyń Ystanbuldaǵy Bas konsýldyǵynyń keńesshisi (2009-2012); Qazaqstan Respýblıkasynyń Ystanbuldaǵy bas konsýly (2012-2014); Qazaqstan Respýblıkasy Syrtqy ister mınıstrliginiń Almaty qalasyndaǵy ókildiginiń basshysy (2014-2017); «Astana EKSPO-2017» Ulttyq kompanııasy» AQ Protokol Qyzmetiniń basshysy (2017); QR SІM Memlekettik protokol qyzmetiniń basshysy (2017-2018); Qazaqstan Respýblıkasy Prezıdenti Protokoly basshysynyń orynbasary (2018-2019). Qazaqstan Respýblıkasy Tuńǵysh Prezıdenti-Elbasy Protokolynyń basshysy (2019-2021).

2021 jyldyń mamyr aıynan bastap qazirgi qyzmetinde.

46 jyl buryn (1976) - Qazaqstan Respýblıkasy Ekologııa, geologııa jáne tabıǵı resýrstar vıtse-mınıstri Álııa Lazarqyzy ShALABEKOVA dúnıege keldi.

Qostanaı oblysynda týǵan. Qazaq memlekettik basqarý akademııasyn halyqaralyq ekonomıst mamandyǵy boıynsha bitirgen (1997); Kolýmbııa ýnıversıtetiniń Halyqaralyq jáne qoǵamdyq qatynastar mektebinde (SIPA) bilim aldy, memlekettik basqarý magıstri (2014).

Eńbek joly: Qazaqstan Respýblıkasy Ádilet mınıstrligi josparlaý jáne qarjylandyrý bóliminde bas maman, bólim bastyǵy (1998-2008); Qazaqstan Respýblıkasy Jer resýrstaryn basqarý agenttiginiń Strategııalyq josparlaý jáne damytý basqarmasynyń bastysy (2008-2012); Qazaqstan Respýblıkasy Energetıka mınıstrligi Halyqaralyq yntymaqtastyq jáne ekonomıkalyq ıntegratsııalyq úderister departamenti dırektorynyń orynbasary (2014-2016); Qazaqstan Respýblıkasy Energetıka mınıstrligi Jasyl ekonomıka departamentiniń dırektory (2016-2019); Qazaqstan Respýblıkasy Energetıka mınıstrliginiń Ekologııalyq saıasat jáne ornyqty damý departamentiniń dırektory (04.2019-08.2019); Qazaqstan Respýblıkasy Ekologııa, geologııa jáne tabıǵı resýrstar mınıstrligi Ekologııalyq saıasat jáne turaqty damý departamentiniń dırektory (2019-2020); Qazaqstan Respýblıkasy Ekologııa, geologııa jáne tabıǵı resýrstar mınıstrligi Transshekaralyq ózender departamentiniń dırektory (2020-2021).

Qazirgi qyzmetin 2021 jyldyń mamyrynan bastap atqaryp keledi.

36 jyl buryn (1986) Almaty qalasy ákiminiń orynbasary Álisher Elisuly ÁBDІQADYROV dúnıege keldi.

Almaty qalasynda týǵan. M.Lomonosov atyndaǵy Máskeý memlekettik ýnıversıtetiniń bakalavrıaty men magıstratýrasyn támamdaǵan. Ekonomıka magıstri.

2009-2010 jyldary- Qazaqstan Respýblıkasy ındýstrııa jáne saýda mınıstrliginiń ınvestıtsııalyq qyzmet departamentiniń ınvestıtsııalyq jobalardy basqarý sarapshysy. 2010-2011 jyldary- Qazaqstan Respýblıkasy ındýstrııa jáne jańa tehnologııalar mınıstrliginiń ınvestıtsııalar jónindegi komıtetiniń ınvestıtsııalyq jobalardy basqarý bas sarapshysy. 2011-2013 jyldary – Qazaqstan Respýblıkasy ındýstrııa jáne jańa tehnologııalar mınıstrliginiń ınvestıtsııalar jónindegi komıtetiniń ınvestıtsııalyq jobalardy basqarý jetekshisi. 2013-2014 jyldary – Qazaqstan Respýblıkasy ındýstrııa jáne jańa tehnologııalar mınıstrliginiń strategııalyq josparlaý departamenti dırektorynyń orynbasary. 2014 jyldyń aqpan-qazany – Qazaqstan Respýblıkasy ındýstrııa jáne jańa tehnologııalar mınıstrliginiń ınvestıtsııalar jónindegi komıtet tóraǵasynyń orynbasary. 2014-2015 jyldary – Qazaqstan Respýblıkasy ındýstrııa jáne jańa tehnologııalar mınıstrliginiń ınvestıtsııalar jónindegi komıtet tóraǵasynyń orynbasary. 2015-2016 jyldary – Pavlodar oblysy ındýstrııaldyq-ınnovatsııalyq damý basqarmasynyń jetekshisi. 2016 jyldyń tamyzy – 2019 jyldyń sáýiri – Astana qalasy ákimdiginiń ınvestıtsııalar jáne damý basqarmasynyń jetekshisi. 2019 jyldyń 17 sáýirinen – «Qazaqstandyq ındýstrııany damytý ınstıtýty» AQ basqarma tóraǵasy. Qaraǵandy oblysy ákiminiń orynbasary (2020-2021). Qazaqstan Respýblıkasynyń Ulttyq ekonomıka vıtse-mınıstri (2021-2022).

Atqaratyn laýazymynda – 2022 jylǵy aqpannan bastap.

«Eren eńbegi úshin» medalimen marapattalǵan.