6 mamyr. Tulǵalar týǵan kún

ASTANA. QazAqparat – Búgin, 6 mamyrda tulǵalardan kimder dúnıege kelgen? QazAqparat oqyrmandar nazaryna esimder kúntizbesin usynady.

8 7 jyl buryn (1936) jazýshy, kompozıtor, óner zertteýshisi, Qazaqstannyń jáne Qyrǵyzstannyń eńbek sińirgen mádenıet qyzmetkeri Іlııa JAQANOV dúnıege keldi.

Jambyl oblysynyń Sarysý aýdanynda týǵan. Qazirgi ál-Farabı atyndaǵy Qazaq ulttyq ýnıversıtetin bitirgen. 78 jasynda H. Dosmuhamedov atyndaǵy Atyraý memlkettik ýnıversıtetine túsip, sýretshi mamandyǵyn meńgerip shyqqan.

1959-1963 jyldary - «Qazaqstan pıoneri» (qazirgi «Ulan») gazetiniń ádebıet jáne óner bólimniń meńgerýshisi. 1963-1984 jyldary - Qazaqstan teledıdar jáne radıohabarlar jónindegi memlekettik komıtetiniń redaktory, aǵa redaktory, Qazaq radıosy mýzyka redaktsııasynyń bas redaktory. 1984 jyldan bastap biryńǵaı shyǵarmashylyq jumyspen aınalysady. Alǵash ret oqyrmandaryna «Qaıta oralǵan án», «Hosh bol, vals» kitaptary arqyly tanylǵan. Qazaqtyń uly kúıshi, qobyzshysy Yqylas týraly romany «Kertologoo» degen atpen alǵash ret qyrǵyz tilinde, keıin «Yqylas» degen atpen qazaq tilinde jaryq kórdi. Onyń qazaq óneri qaıratkerleriniń ómirin zertteý negizinde «Eki jıren», «Birinshi kontsert», «Mahabbat valsi», «Aqqýlar qonǵan aıdyn kól» atty derekti jınaqtary, sondaı-aq «Qarabýra» tarıhı-tanymdyq shyǵarmalary, «Áselim ánim», «Danııardyń áni», «Edil men Jaıyq», t.b. halyq arasyna keńinen tanylǵan ánderi bar. Qyrǵyz jazýshysy T.Qasymbekovtiń «Synǵan qylysh» dılogııasyn qazaq tiline aýdarǵan. «Birjan sal», «Aqan seri», «Úkili Ybyraı», «Estaı ánshi», «Jaıaý Musa», «Mádı», «Maıra», «Balýan Sholaq» t.b. sal-seriler ǵumyrnamalary, M.Tólebaev, L.Hamıdı, B.Baıqadamov, Q.Mýsınderdiń shyǵarmashylyq portretterin somdaǵan týyndylary men «Shoqan jáne mýzyka», «Jambyl jáne mýzyka», «Sáken jáne mýzyka» atty derekti fılmderi bar.

7 2 jyl buryn (1951-2020) grek-rım kúresinen Olımpıada chempıony atanǵan tuńǵysh qazaq balýany, KSRO sportqa eńbegi sińgen sheber, Qazaq KSR-iniń eńbegi sińgen bapkeri Jaqsylyq Ámiráliuly ÚShKEMPІROV dúnıege kelgen.

Semeı zooveterınarlyq ınstıtýtyn jáne Qazaq memlekettik dene shynyqtyrý ınstıtýtyn bitirgen. Qazaq sport jáne týrızm akademııasynyń qurmetti professory.

1971 jyly Qazaq KSR chempıonatyn jeńip alady, 1973 jyly KSRO birinshiliginiń qola júldegeri atanyp, quramaǵa alyndy. 1980 jyly 48 kg salmaq dárejesinde Olımpıada chempıony boldy. 1984 jyldan «Qaırat» ESQ respýblıkalyq kúres mektebiniń dırektory. 1991 jyldan Qytaıda qurama komanda jattyqtyrýshysy. 1993 jyldan qoǵamdyq jumyspen, bıznespen aınalysady. Erkin kúresten KSRO chempıony; Eýropa chempıonatynyń kúmis júldegeri; Máskeýdegi Olımpıada oıyndarynyń chempıony; álem chempıony (Oslo, 1981); Álem kýbogynyń ıegeri (1982). Grek-rım kúresinen QR eńbek sińirgen jattyqtyrýshysy. KSRO jáne QR eńbek sińirgen sport sheberi.

60 jyl buryn (1963) jýrnalıst, júrgizýshi Erlan Qalıjanuly BEKHOJIN dúnıege keldi.

Shymkent qalasynda týǵan. Qazaq memlekettik ýnıversıtetin, Ortalyq Azııa ýnıversıtetin bitirgen. 1994-1997 jyldary - «Habar» agenttigi aqparattyq baǵdarlamasynyń júrgizýshisi, «Jeti kún» aqparattyq baǵdarlamasynyń avtory ári júrgizýshisi. 1998-2003 jyldary - Qazaqstan Respýblıkasyndaǵy «Mır» halyqaralyq teleradıokompanııasynyń dırektory. 2003-2009 jyldary «Lıter-Medıa» JShS bas dırektory, «Lıter» jáne «Aıqyn» gazetteri redaktsııalyq keńesteriniń tóraǵasy. 2009-2019 jyldary – QR Prezıdenti Teleradıokesheniniń bas dırektory. «Bas redaktorlar klýbynyń» prezıdenti. «Habar» agenttigi» AQ basqarma tóraǵasy (2019-2022).

«Qurmet» ordenimen marapattalǵan. «Jyldyń úzdik jýrnalısi» nomınatsııasynda «Altyn juldyz» syılyǵynyń laýreaty (1996). Reseı jýrnalıster odaǵynyń (1997) jáne Qazaqstan jýrnalıster odaǵy (2000) syılyqtarynyń laýreaty. BAQ salasyndaǵy QR Prezıdenti syılyǵynyń laýreaty (2008).

4 6 jyl buryn (1977) «Biryńǵaı jınaqtaýshy zeınetaqy qory» AQ basqarma tóraǵasynyń orynbasary Sáýle Asqarqyzy EGEÝBAEVA dúnıege keldi.

1998 jyly Almaty qalasyndaǵy Qazaq memlekettik basqarý akademııasyn «Halyqaralyq ekonomıka» mamandyǵy boıynsha úzdik bitirgen. 1997-1999 jyldary Osnabrıýk qalasyndaǵy (Germanııa) Joǵary mektebinde «Halyqaralyq ekonomıka» mamandyǵy boıynsha bilim aldy. 2009 jyly Almaty qalasyndaǵy «Qaınar» ýnıversıtetin «Quqyqtaný» mamandyǵy boıynsha bitirdi. Eýropanyń qarjy ınstıtýttarynda bilimin jetildirip, tájirıbeden ótti.

1999-2003 jyldary eńbek jolyn QR Ulttyq Bankiniń Іshki aýdıt departamentinde jetekshi jáne bas maman laýazymynan bastap, monetarlyq operatsııalar aýdıti, qarjylyq qadaǵalaý, halyqaralyq nesıelendirý, býhgalterlik esep salalarynda mamandandy. 2003-2014 jyldary «Turǵyn úı qurylys jınaq banki» AQ bank ónimderin damytý qurylymyn basqardy (2003-2007 jyldary); Basqarma múshesi: Basqarýshy dırektor, Basqarma Tóraıymynyń orynbasary (2007-2014 jyldary) laýazymyn atqardy. 2014- 2017 jyldary «Qazaqstan damý bankinde» Basqarýshy dırektor qyzmetin atqaryp, býhgalterlik esep, operatsııalyq departament, qarjy departamentteriniń jumysyn úılestirýmen aınalysty.

Qazirgi qyzmetin 2017 jyldyń aqpan aıynan beri atqaryp keledi.

Qazaqstan qarjygerleri qaýymdastyǵynyń «Úzdik qarjyger» qoǵamdyq medalimen (2013 jyl), «Qazaqstan táýelsizdiginiń 25 jyldyǵy» medalimen (2016 jyl) marapattalǵan.