6 qazan. Tulǵalar týǵan kún
Búgin, ıaǵnı 6 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
ESІMDER
63 jyl buryn (1962) Qazaqstan Respýblıkasy Prezıdent ortalyǵy dırektorynyń orynbasary Serik Silámjanuly SYDYQOV dúnıege keldi.
S.M.Kırov atyndaǵy Qazaq memlekettik ýnıversıtetin bitirgen, zańger. Qazaq KSR Eńbek memlekettik komıtetinde eńbek resýrstary bóliminiń aǵa ekonomısi jáne is basqarý aǵa ınspektory, QR Eńbek mınıstrliginiń jumyspen qamtý bas basqarmasynda eńbekti quqyqtyq retteý bóliminiń bas zań keńesshisi, Jumyspen qamtý memlekettik qyzmet ınspektsııasynyń bastyǵy, Jumyspen qamtý bas basqarmasy bastyǵynyń orynbasary; «Turan-Agro» JShQ zań bóliminiń meńgerýshisi, QR Prezıdentiniń Joǵarǵy keńestegi ókiliniń aǵa sarapshysy, QR Parlamenti Senaty apparatynda konsýltant, quqyqtyq saraptama bóliminiń sektor meńgerýshisi, saraptama bólimi meńgerýshisiniń orynbasary, Ákimshilik bólim meńgerýshisi, apparat basshysynyń birinshi orynbasary, QR Parlamenti Senaty apparatynyń basshysy bolyp qyzmet atqardy. QR Ortalyq saılaý komıssııasynyń múshesi (2020-2022).
«Qurmet» ordenimen, TMD PAA Qurmet gramotasymen, «TMD PAA. 20 jyl» kúmis medalimen, medaldarmen marapattalǵan.
61 jyl buryn (1964) Azamattyq ister jónindegi kassatsııalyq sot alqasynyń tóraǵasy Asqar Spartakuly SMAILOV dúnıege keldi.
Jambyl oblysy, Qarataý qalasynda dúnıege kelgen. Qaraǵandy memlekettik ýnıversıtetin zańger mamandyǵy boıynsha bitirgen (1989).
Eńbek joly: Jambyl oblystyq memlekettik tóreliginiń arbıtri (1989-1994); Jambyl oblystyq tórelik sotynyń sýdıasy (1994-1995); Jambyl oblystyq sotynyń sýdıasy (1995-2009); Jambyl oblystyq sotynyń azamattyq ister jónindegi alqasynyń tóraǵasy (2009); Jambyl oblystyq sotynyń kassatsııalyq sot alqasynyń tóraǵasy (2010-2015). QR Joǵarǵy sotynyń sýdıasy (2015-2020).
Qazirgi qyzmetin 2020 jyldyń sáýir aıynan beri atqaryp keledi.
56 jyl buryn (1969) «Altyn Qyran» kompanııalar toby baqylaý keńesiniń tóraǵasy Islambek Tileýbaıuly SÁLJANOV dúnıege keldi.
Ol Aqtóbe oblysynda týǵan. Aqtóbe memlekettik medıtsınalyq ınstıtýtyn, hırýrg (1993); Qazaq memlekettik basqarý akademııasynyń janyndaǵy Naryq ınstıtýtyn, ekonomıst (1997); Reseı Federatsııasy Úkimetiniń janyndaǵy Halyq sharýashylyǵy akademııasyn – Máskeý qalasyndaǵy Bıznes jáne iskerlik basqarý ınstıtýtyn, marketıng jáne satylymdardy basqarý (2005); Dıýk ýnıversıtetiniń janyndaǵy Senford memlekettik saıasat mektebiniń yqpaldastyǵymen Qazaqstan Respýblıkasy Prezıdentiniń janyndaǵy Memlekettik basqarý akademııasynyń janyndaǵy Memlekettik saıasat ulttyq mektebin (2012) bitirgen.
Eńbek joly: Aqtóbe qalasyndaǵy «Maqsat Kapıtal» ShJK quryltaıshysy ári dırektory (1993-1998); «AKZHOL» qazaq-nemis birikken kásipornynyń teń quryltaıshysy jáne dırektory (1998-2000); «QazMunaıGaz» UK» AQ enshiles kásiporny «Qazaqoıl-Prodakts» JShS Aqtóbe fılıalynyń dırektory (2000-2001); «AKZHOL» kompanııalar tobynyń quryltaıshysy jáne bas dırektory (2001-2004).
«Qurmet» ordenimen; «Qazaqstan Respýblıkasynyń táýelsizdigine 10 jyl», «Qazaqstan Respýblıkasynyń táýelsizdigine 20 jyl» medaldarymen; «Bilim berý metsenaty-2012» Altyn medali jáne dıplomymen marapattalǵan.
36 jyl buryn (1989) «Astana Balet» teatrynyń dırektory Taıyr Nurlanuly QARATAEV dúnıege keldi.
Almaty qalasynda týǵan. K.Baıseıitova atyndaǵy Respýblıkalyq daryndy balalarǵa arnalǵan arnaıy mýzyka mektebin, vıolonchel synybyn, Qurmanǵazy atyndaǵy Qazaq ulttyq konservatorııasyn aspapta oryndaýshylyq mamandyǵy boıynsha bitirgen (2011).
Eńbek joly: «Kamerata Qazaqstan» orkestriniń ártisi (2008); ártisi, Jambyl atyndaǵy Qazaq memlekettik fılarmonııasynyń Memlekettik akademııalyq sımfonııalyq orkestriniń ınspektory (2015-2016); gastroldik-kontserttik qyzmet jetekshisi, Jambyl atyndaǵy Qazaq memlekettik fılarmonııasy dırektorynyń orynbasary (2016-2018); Abaı atyndaǵy Qazaq memlekettik opera jáne balet teatry dırektorynyń basqarý jáne marketıng jónindegi orynbasary (2018-2019); Jambyl atyndaǵy Qazaq memlekettik fılarmonııasynyń dırektory (2020-2021); Qazaqstan Respýblıkasy Mádenıet jáne sport mınıstrligi janyndaǵy Abaı atyndaǵy Qazaq memlekettik akademııalyq opera jáne balet teatrynyń dırektory (2021-2023); Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń dırektory (2023-2025).
2025 jyldyń maýsym aıynan beri qazirgi qyzmetinde.