55 jyl buryn álemde alǵashqy ret ǵaryshqa táýlik boıy ushý jasaldy

ASTANA. QazAqparat - Ǵaryshqa German Tıtovtyń erlikpen ushýyna keshe 55 jyl tolyp otyr, dep habarlady ıÝ.A.Gagarın atyndaǵy ǵaryshkerlerdi daıarlaý ortalyǵy.

German Stepanovıch Tıtov - birinshi jasaqtyń ǵaryshkeri jáne ǵalamshardaǵy ekinshi ǵaryshker, eń jas ǵaryshty baǵyndyrýshy, ol sol kezde nebári 25 jasqa tolǵan edi.

German Tıtov 1961 jylǵy 6-7 tamyz kúnderi «Vostok-2» ǵarysh kemesimen ushty. Bul tarıhta alǵash ret ushý uzaqtyǵy táýlikten asqan ǵaryshtyń ushý bolatyn. 25 saǵattyń ishinde Tıtov Jerdi 17 ret aınalyp, 700 myń shaqyrymnan astam qashyqtyqqa ushyp júrdi.

Ushý kezinde ǵaryshker bort júıesiniń jumysyn baqylady, eki ret kemeni ózi basqarýdy qolǵa aldy, sondaı-aq Jerdiń jáne ǵaryshtyń fototúsirilimin júrgizdi.

German Tıtov álemde alǵash ret ǵaryshta kınotúsirilim jasady, sondaı-aq ushý kezinde dene shynyqtyrý jasaǵan alǵashqy ǵaryshker boldy. Bir qyzyǵy, ol alǵash ret orbıtada tústenip, keshki asyn iship, uıyqtady.

German Stepanovıch Tıtovtyń táýliktik ushý sapary uzaqqa sozylǵan orbıtalyq ekspedıtsııalarǵa alǵashqy qadam jáne ıÝrıı Alekseevıch Gagarınniń ushýynan keıingi ǵaryshty zertteýdiń kelesi kezeńi boldy, dep atap ótedi reseılik ǴDO.