50 ǵalymǵa «Úzdik ǵylymı qyzmetker» syılyǵy beriledi
ASTANA. KAZINFORM - «Úzdik ǵylymı qyzmetker» jyl saıynǵy syılyǵynyń 2025 jylǵy qorytyndysy shyǵaryldy. Bul týraly Ǵylym jáne joǵary bilim mınıstrligi málimdedi.
Konkýrstyq irikteý nátıjesi boıynsha ǵylymı-zertteý ınstıtýttarynyń, joǵary bilim berý uıymdarynyń jáne túrli uıymdardyń ǵylymı bólimsheleriniń atynan 50 ǵalym laýreat atandy.
Syılyq 2024 jylǵy 1 shildedegi № 103-VIII QRZ «Ǵylym jáne tehnologııalyq saıasat týraly» Qazaqstan Respýblıkasynyń Zańyna sáıkes taǵaıyndalady jáne Qazaqstan Respýblıkasy Ǵylym jáne joǵary bilim mınıstrligi júzege asyratyn ǵalymdardy qoldaýdyń júıeli sharalarynyń biri bolyp sanalady.
Maqsaty – ǵylym men tehnıkanyń damýyna eleýli úles qosqan ǵylymı qyzmetkerlerdi yntalandyrý jáne ǵylymı-zertteý qyzmetin qoldaý.
2025 jyly konkýrsqa jeti baǵyt boıynsha 358 ótinim kelip tústi: «Jaratylystaný ǵylymdary», «Injınırıng jáne tehnologııalar», «Medıtsına jáne densaýlyq saqtaý», «Áleýmettik ǵylymdar», «Gýmanıtarlyq ǵylymdar jáne óner», «Aýyl sharýashylyǵy jáne veterınarııa ǵylymdary», «Áskerı ǵylymdar jáne ulttyq qaýipsizdik».
Konkýrstyq rásimder barysynda apellıatsııalyq komıssııaǵa 53 ótinish kelip tústi. Barlyq apellıatsııa úmitkerlerdiń ǵylymı jetistikterin baǵalaýdyń sapalyq jáne sandyq kórsetkishteri negizinde belgilengen tártippen qaraldy.
Respýblıkalyq konkýrstyq komıssııanyń jumysy qorytyndysy boıynsha ǵylymnyń otandyq damýyna eleýli úles qosqan 50 ǵalymǵa «Úzdik ǵylymı qyzmetker» 2025 jylǵy syılyǵyn berý týraly sheshim qabyldandy.
Aıta keteıik, otandyq ǵalym tsıkorııdiń dıabetke qarsy qasıetin dáleldedi.
Ǵalymdar Syrdarııa ózeni basseıninde aýqymdy zertteý júrgizip jatyr.