5 jyl ishinde qalalar sany 3 birlikke ósti
ASTANA. KAZINFORM – Sońǵy bes jylda Qazaqstandaǵy qalalar sany 2 oblystyq jáne 1 aýdandyq mańyzy bar qalalardy qosa alǵanda 3 birlikke artty. 2024 jyldyń 1 shildesine elimizde qala mártebesi bar 90 eldimeken tirkelgen. Bul týraly Ulttyq statıstıka bıýrosynyń baspasóz qyzmeti málim etti.
Olardyń ishinde:
39 — oblystyq mańyzdaǵy
48 — aýdandyq mańyzdaǵy
3 — Respýblıkalyq mańyzdaǵy
Qalalardyń eń kóp sany Aqmola oblysynda — 11 birlik, Aqtóbe jáne Qaraǵandy oblystarynda — árqaısysynda 8-den.
«Bes jyl buryn qala halqynyń úlesi 58% quraǵan, búginde bul kórsetkish 62,7% deıin ósti. Osylaısha qala halqynyń sany 12,6 mln adamǵa jetti», — delingen habarlamada.
Eń kóp qala turǵyndarynyń sany Respýblıkalyq mańyzy bar qalalarda: Astana — 1,4 mln, Almaty — 2,2 mln, Shymkent — 1,2 mln adam. Oblystar ishinde 927 myń qalalyq turǵyny bar Qaraǵandy men 709 myń qala turǵyny bar Aqtóbe oblystarynda ýrbanızatsııa deńgeıi eń joǵary.
