5 jeltoqsan. Tulǵalar týǵan kún
Búgin, 5 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
68 jyl buryn (1956) «S.Seıfýllın atyndaǵy Qazaq agrotehnıkalyq zertteý ýnıversıteti» KEAQ Kásipkerlik jáne kommertsııalandyrý departamentiniń dırektory Muhtar Sabyruly JUMAǴAZIEV dúnıege keldi.
Aqtóbe oblysy Isataı aýdany Qobylandy aýylynda týǵan. Almaty maldárigerlik ınstıtýty, Almaty ekonomıka jáne statıstıka ınstıtýtyn bitirgen.
Eńbek joly: 1980-1985 jyldary Aqtóbe oblysy Qobda aýdany «Qobda» keńsharynda zootehnık-selektsıoner, bas zootehnık, 1985-1990 jyldary «Ilıch» ujymsharynyń partkom hatshysy, 1990-1994 jyldary Qazaqstan KP Qobda aýdandyq komıteti uıymdastyrý bóliminiń meńgerýshisi, aýyl sharýashylyǵy basqarmasy bastyǵynyń orynbasary, 1994-1996 jyldary «Serp ı Molot» ujymshary basqarmasynyń tóraǵasy, 1996-1997 jyldary Isataı aýdanynyń ákimi bolyp qyzmet atqarǵan. 1997-2006 jyldary Qobda aýdanynyń ákimi, 2006-2007 jyldary oblystyq avtomobıl joldary jáne jolaýshylar tasymaly basqarmasynyń bastyǵy, 2007-2010 jyldary Qarǵaly aýdanynyń ákimi, 2010-2011 jyldary Oıyl aýdanynyń ákimi, 2011-2014 jyldary oblystyq aýyl sharýashylyǵy basqarmasynyń bastyǵy, 2014-2017 jyldary Aqtóbe oblysy ákiminiń orynbasary laýazymyn atqarǵan. 2017-2023 jyldary – QR Parlamenti Senatynyń depýtaty, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi.
Qazirgi qyzmetin 2023 jylǵy mamyrdan beri atqaryp keledi.
Qazaqstan Respýblıkasynyń «Qurmet» ordenimen, «Eren eńbegi úshin» medalimen, sondaı-aq mereıtoılyq medaldarmen marapattalǵan.
60 jyl buryn (1964) QR Prezıdenti Arhıvi dırektorynyń orynbasary Roza Samıdollaqyzy KÁRІBJANOVA dúnıege keldi.
Torǵaı oblysynda dúnıege kelgen. Qaraǵandy memlekettik ýnıversıtetin, Eýrazııa gýmanıtarlyq ınstıtýtyn, QR Prezıdenti janyndaǵy Memlekettik basqarý akademııasynyń Ulttyq memlekettik saıasat mektebin bitirgen.
Eńbek jolyn 1986 jyly Torǵaı oblysy Qıma aýdany Úki OM tarıh pániniń muǵalimi, tárbıe isi jónindegi meńgerýshisi bolyp bastady. 1988-1991 jyldary Qıma aýdandyq komsomol komıtetiniń ekinshi hatshysy, Qazaqstan LKJO Torǵaı oblystyq komıtetiniń hatshysy, 1991-1994 jyldary Semeı oblystyq jastar isi jónindegi komıtetiniń uıymdastyrý bóliminiń jetekshi mamany, basshysy, 1994-2000 jyldary Semeı oblystyq jastar isi, týrızm jáne sport basqarmasynyń, Semeı qalasy Jastar, týrızm jáne sport komıtetiniń bas mamany, Semeı qalasy bilim, jastar jáne sport basqarmasynyń tárbıe jumysy jáne jastar saıasaty bóliminiń basshysy, 2000-2003 jyldary QR Mádenıet jáne qoǵamdyq kelisim mınıstrliginiń Muraǵattar men qujattamany basqarý komıtetiniń jetekshi, bas mamany, bólim basshysy bolyp qyzmet etti. 2003-2008 jyldary QR Premer-Mınıstri Keńsesiniń Áleýmettik-ekonomıkalyq bóliminiń bas sarapshysy, 2008-2014 jyldary QR Mádenıet mınıstrliginiń Mádenıet komıteti tóraǵasynyń orynbasary, 2014-2016 jyldary QR Bilim jáne ǵylym mınıstrliginiń Jastar isi jónindegi komıtetiniń tóraǵasy, Jastar saıasaty departamentiniń dırektory, 2016-2019 jyldary QR Aqparat jáne qoǵamdyq damý mınıstrliginiń Іshki ákimshilendirý departamentiniń dırektory, 2019-2020 jyldary «Rýhanı jańǵyrý» qazaqstandyq qoǵamdyq damý ınstıtýty» KEAQ Basqarma tóraǵasynyń orynbasary qyzmetin atqarǵan. 2020-2022 jyldary QR Prezıdenti Ákimshiliginiń Іshki saıasat bóliminiń sektor meńgerýshisi bolyp jumys istedi. 2022-2023 jyldary – QR Mádenıet jáne sport mınıstrligi Mádenıet komıtetiniń tóraıymy.
Qazirgi qyzmetin 2023 jyldyń mamyr aıynan beri atqaryp keledi.
54 jyl buryn (1970) Joǵary Sot Keńesiniń múshesi, Qazaqstan Respýblıkasy Joǵarǵy Sotynyń sýdıasy Núrııa Oraljanqyzy SISENOVA dúnıege keldi.
1994 jyly Máskeý memlekettik zań akademııasyn bitirdi.
Eńbek jolyn 1989 jyly Aqtóbe oblystyq sotynyń muraǵatshysy, sot otyrysynyń hatshysy, qylmystyq ister jónindegi alqa hatshysy, konsýltanty laýazymynan bastady. 1997-2002 jyldary Aqtóbe oblysy Alǵa aýdandyq sotynyń sýdıasy, 2002-2013 jyldary Aqtóbe oblystyq sotynyń sýdıasy boldy. 2013 jyldan bastap qazirgi ýaqytqa deıin – QR Joǵarǵy Sotynyń sýdıasy.
Qazirgi laýazymyn 2022 jyldyń maýsym aıynan beri atqaryp keledi.
«Qurmet» ordenimen, ІІІ dárejeli «Minsiz qyzmet úshin» jáne ІІ dárejeli «Minsiz qyzmet úshin» medaldarymen, «Úsh bı» QR Sýdıalar Odaǵynyń Qurmet belgisimen, «Sot júıesiniń úzdigi» keýde belgisimen, «Qazaqstan Respýblıkasynyń Táýelsizdigine 25 jyl», «Qazaqstan Konstıtýtsııasyna 25 jyl», «Qazaqstan Respýblıkasynyń Táýelsizdigine 30 jyl», «Qazaqstan Respýblıkasynyń sot júıesine 30 jyl» mereıtoılyq medaldarymen marapattalǵan.
52 jyl buryn (1972) Qostanaı oblystyq sotynyń azamattyq ister jónindegi sot alqasynyń tóraǵasy Armat Nurmuratuly ERMANOV dúnıege keldi.
Qyzylorda oblysy Qarmaqshy aýylynda dúnıege keldi. 1997 jyly Qazaq memlekettik zań ýnıversıtetin bitirdi.
Eńbek jolyn Memlekettik tergeý komıtetiniń Qyzylorda oblysy boıynsha tergeýshisi bolyp bastady. 1998-2002 jyldary UQK Qyzylorda oblysynyń Baıqońyr qalasyndaǵy jedel ókili, 2000-2002 jyldary Qyzylorda oblysynyń mamandandyrylǵan aýdanaralyq ekonomıkalyq sotynyń sýdıasy, 2002-2008 jyldary Qarmaqshy aýdandyq sotynyń sýdıasy, 2008-2014 jyldary Qyzylorda oblystyq sotynyń sýdıasy bolyp qyzmet atqardy. 2014-2020 jyldary Atyraý qalalyq sotynyń tóraǵasy boldy. 2018-2020 jyldary – Sýdıalar odaǵy Atyraý fılıalynyń tóraǵasy.
Qazirgi qyzmetin 2020 jyldyń sáýirinen beri atqaryp keledi.
45 jyl buryn (1979) Aqmola oblysy prokýrorynyń orynbasary Erbolat Erkinuly JÚSІP dúnıege keldi.
Soltústik Qazaqstan oblysynda týǵan. Qazaq memlekettik zań akademııasyn quqyqtaný mamandyǵy boıynsha bitirgen.
Eńbek joly: prokýratýra organdaryndaǵy qyzmetin 2001 jyly bastaǵan, ár ýaqytta Kókshetaý qalasy prokýrorynyń kómekshisi, aǵa kómekshisi, Aqmola oblysy prokýratýra basqarmasynyń prokýrory, Batys óńirlik kólik prokýratýrasy bóliminiń bastyǵy, Aqmola oblysy prokýratýra basqarmasynyń bastyǵy, Bas kólik prokýratýrasy basqarmasynyń bastyǵy, Soltústik Qazaqstan oblysy Ýálıhanov aýdany prokýrory, Aqmola oblysy prokýratýrasy apparatynyń basshysy – basqarma bastyǵy, Aqmola oblysy, Qosshy qalasynyń prokýrory qyzmetterin atqarǵan.
2023 jylǵy qazannan bastap qazirgi laýazymynda.
38 jyl buryn (1986) Almaty qalasy Almaly aýdanynyń ákimi Arman Nurjanuly ShAMShIN dúnıege keldi.
Shyǵys Qazaqstan memlekettik tehnıkalyq ýnıversıtetin (ekonomıka fakýlteti), Beıjiń ýnıversıtetin (áleýmettaný) bitirgen. Nazarbayev University Joǵary bıznes mektebiniń basshylary úshin iskerlik ákimshilendirý magıstri (Executive MBA) dárejesine ıe.
Eńbek jolyn 2011 jyly bastaǵan. Ár jyldary memlekettik organdar men ulttyq kompanııalarda birqatar basshylyq qyzmetter atqarǵan. Ekonomıka jáne bıýdjettik josparlaý mınıstrliginde keńesshi bolyp jumys istedi, «NÝH «Báıterek» AQ basqarýshy dırektory qyzmetin atqardy.
Qytaı, aǵylshyn jáne túrik tilderin jetik biledi. 2022 jyldyń shildesinen bastap qazirgi taǵaıyndalǵanǵa deıin «Almaty ÁKK» AQ basqarma tóraǵasy qyzmetin atqardy.
2024 jylǵy sáýirde Almaty qalasy Almaly aýdanynyń ákimi laýazymyna taǵaıyndaldy.