5 tamyzda elorda ákimdiginde bilim grantyna ótinish qabyldaý bastalady
«2023-2027 oqý jylyna Astana qalasynyń ákimdigi joǵary jáne joǵary oqý ornynan keıingi bilimi bar kadrlardy daıarlaýǵa 1084 bilim grantyn bóldi. Ulttyq biryńǵaı testtileý (UBT) tapsyryp, «Pedagogıka ǵylymdary» mamandyǵy boıynsha keminde 75 ball jınaǵan talapkerler pedagogıkalyq mamandyqtar boıynsha memlekettik bilim grantyna úmitker bola alady», - dedi Narıman Elamanov Astana qalasynyń kommýnıkatsııalar qyzmeti alańynda ótken baspasóz máslıhatynda.
Spıkerdiń málimdeýinshe, talapkerlerdiń ótinishin arnaıy komıssııa qaraıdy.
«Memlekettik bilim berý grantyna úmitkerlerden qujattar qabyldaý aldaǵy 5-15 tamyz aralyǵynda júzege asyrylady. Odan keıin talapkerlerdiń tizimderin (qajet bolǵan jaǵdaıda qujattaryn) Astana qalasynyń bilim basqarmasyna joldaıdy. Sosyn Astana qalasynyń jergilikti atqarýshy organynyń komıssııasy 2023 jyldyń 16 tamyz ben 21 tamyz aralyǵynda talapkerlerdiń tizimderin qaraıdy», - deıdi ol.
