5 shilde. Tulǵalar týǵan kún
Búgin, 5 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
54 jyl buryn (1971) Sh.Esenov atyndaǵy Kaspıı tehnologııalar jáne ınjınırıng ýnıversıtetiniń ǵylymı-zertteý jumystary jónindegi vıtse-prezıdenti Asqar Ábıuly SEIDÁLIEV dúnıege keldi.
V.I.Lenın atyndaǵy qazaq polıtehnıkalyq ınstıtýtyn «Munaı jáne gaz uńǵymalaryn burǵylaý» mamandyǵy boıynsha, E.A.Bóketov atyndaǵy Qaraǵandy memlekettik ýnıversıtetin «Quqyqtaný» mamandyǵy boıynsha bitirgen.
«Bolashaq» halyqaralyq baǵdarlamasy aıasynda Kolorado taý-ken mektebinde kásibı tájirıbeden ótti. Eńbek joly: 1993 jyly «Agrotehnıka» kooperatıviniń sheberi, 1994-1997 jyldary «Agrotehnıkada «Qýat» esepshisi, 1997-2004 jyldary Sh.Esenov atyndaǵy ýnıversıtette stajer-oqytýshy, oqytýshy, aǵa oqytýshy, rektordyń kómekshisi boldy.
2004-2005 jyldary Sh.Esenov atyndaǵy memlekettik ýnıversıtettiń Munaı jáne gaz ınstıtýty dırektorynyń orynbasary qyzmetin atqardy.
2005-2006 jyldary Sh.Esenov atyndaǵy ýnıversıtettiń tárbıe isi jónindegi prorektory boldy.
2006-2017 jyldary atalǵan ýnıversıtettegi munaı jáne gaz fakýltetiniń dekany, 2006-2017 jyldary metodıkalyq oqytý jónindegi prorektor, rektor keńesshisi qyzmetin atqardy.
2018 jyly Mańǵystaý oblysynyń Bilim basqarmasynyń basshysy bolyp taǵaıyndaldy. 2021 jyldan beri qazirgi qyzmetinde.
31 jyl buryn (1994) Jambyl oblysy ákiminiń orynbasary Ábilqaıyr ǴalymulyTAMABEK dúnıege keldi.
Jambyl oblysynda týǵan. Polshadaǵy Ulttyq Lýıs ýnıversıtetiniń joǵarǵy bıznes mektebin (2015); QR Prezıdenti janyndaǵy Memlekettik basqarý akademııasyn memlekettik jáne jergilikti basqarý mamandyǵy boıynsha bitirgen (2019).
Eńbek joly: «Dáke Barlaý» JShS kadr jónindegi ınspektory, Almaty q. (2011 ); Qazaqstan Respýblıkasy Qorǵanys jáne aeroǵarysh ónerkásibi mınıstrligi Memlekettik materıaldyq rezervter komıtetiniń Kadr jumysy jáne qujattamalyq qamtamasyz etý qyzmetiniń basshysy; Qazaqstan Respýblıkasy Tsıfrlyq damý, Qorǵanys jáne aeroǵarysh ónerkásibi mınıstrligi Memlekettik materıaldyq rezervter komıtetiniń Kadr jumysy jáne qujat aınalymy qyzmetiniń basshysy;
Qazaqstan Ulttyq ekonomıka mınıstrligi Memlekettik materıaldyq rezervter komıtetiniń Kadr jumysy jáne qujat aınalymy qyzmetiniń basshysy; Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligi Adam resýrstaryn basqarý departamenti personaldy basqarý departamentiniń bas sarapshysy (2019-2020); Basqarma basshysy – Jambyl oblysy ákimdiginiń jerdiń paıdalanylýy men qorǵalýyn baqylaý basqarmasynyń bas memlekettik ınspektory (2020-2022);
Qazaqstan Respýblıkasy Aýyl sharýashylyǵy mınıstrligi Jer resýrstaryn basqarý komıtetiniń Jambyl oblysy boıynsha jer resýrstaryn basqarý departamentiniń basshysy – jerdi paıdalaný jáne qorǵaý jónindegi bas memlekettik ınspektory (2022); Qazaqstan Aýyl sharýashylyǵy vıtse-mınıstri (2022-2024).
2024 jyldyń aqpan aıynan bastap qazirgi qyzmetinde.