5 maýsym. Tulǵalar týǵan kún

ASTANA. QazAqparat - Búgin, 5 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

5 4 jyl buryn (1969) Qazaqstan Respýblıkasynyń Saýd Arabııasy Koroldigindegi Tótenshe jáne Ókiletti Elshisi, Qazaqstan Respýblıkasynyń Bahreın Koroldigindegi Tótenshe jáne Ókiletti Elshisi. Islam Yntymaqtastyq Uıymy janyndaǵy Qazaqstan Respýblıkasynyń turaqty ókili Berik Saqbaıuly ARYN dúnıege keldi.

Almaty oblysynda týǵan. 1994 jyly Ál-Farabı atyndaǵy Qazaq ulttyq ýnıversıtetiniń «Fılologııa» mamandyǵyn, 2007 jyly Qazaq memlekettik zań ýnıversıtetiniń «Quqyqtaný» mamandyǵyn támamdaǵan.

Eńbek jolyn 1994 jyly Qazaqstan Respýblıkasynyń Syrtqy ister mınıstrligi Orta, Taıaý Shyǵys jáne Afrıka basqarmasynyń referenti laýazymynan bastady. 1994-1995 jyldar aralyǵynda Qazaqstan Respýblıkasynyń Syrtqy ister mınıstrligi Orta, Taıaý Shyǵys jáne Afrıka basqarmasynyń attashesi laýazymyn atqardy. 1996-2001 jyldar aralyǵynda Qazaqstan Respýblıkasynyń Saýd Arabııasy Koroldigindegi Elshiliginiń attashesi, úshinshi hatshysy, ekinshi hatshysy, birinshi hatshysy laýazymdarynda jumys atqardy. 2001-2002 jyldar aralyǵynda – Qazaqstan Respýblıkasynyń Syrtqy ister mınıstrligi Ekijaqty yntymaqtastyq departamentiniń bólim bastyǵy. 2002 jyldyń naýryzynan qyrkúıegine deıin – Qazaqstan Respýblıkasynyń Syrtqy ister mınıstrligi Azııa, Taıaý Shyǵys jáne Afrıka departamentiniń bólim bastyǵy. 2002-2006 jyldar aralyǵynda – Qazaqstan Respýblıkasynyń Egıpet Arab Respýblıkasyndaǵy Elshiliginiń keńesshisi. 2006-2007 jyldar aralyǵynda – Qazaqstan Respýblıkasy Prezıdent Ákimshiligi Syrtqy saıasat ortalyǵynyń bas ınspektory. 2007-2009 jyldar aralyǵynda – Qazaqstan Respýblıkasy Parlamenti Senaty Parlamentaralyq baılanystar jáne halyqaralyq yntymaqtastyq bóliminiń meńgerýshisi. 2009-2011 jyldar aralyǵynda – Qazaqstan Respýblıkasy Parlamenti Senaty Apparaty basshysynyń orynbasary. Osy qyzmette Álemdik jáne dástúrli dinder lıderleri seziniń uıymdastyrýshylyq suraqtaryna jaýapty boldy. 2011 jylǵy jeltoqsannan bastap Qazaqstan Respýblıkasynyń Egıpet Arab Respýblıkasyndaǵy Tótenshe jáne Ókiletti Elshisi, 2012 jylǵy aqpannan Arab Memleketteri Lıgasy janyndaǵy Qazaqstan Respýblıkasynyń Turaqty Ókili, 2012 jylǵy mamyrdan Qazaqstan Respýblıkasynyń Marokko Koroldigindegi, 2015 jylǵy sáýirden Aljır Halyq Demokratııalyq Respýblıkasyndaǵy, Týnıs Respýblıkasyndaǵy Tótenshe jáne Ókiletti Elshisi qyzmetin qosa atqardy. 2016-2018 jyldary Qazaqstan Respýblıkasy Din isteri jáne azamattyq qoǵam vıtse-mınıstri, 2018-2019 jyldary QR Aqparat jáne qoǵamdyq damý vıtse-mınıstri bolǵan.

2019 jyldyń naýryzynan bastap qazirgi qyzmetinde.

2015 jylǵy maýsym aıynda ІІ synypty Tótenshe jáne Ókiletti Ýákil dıplomatııalyq dárejesi berilgen. TMD PAA Qurmet Gramotasymen marapattalǵan.

5 2 jyl buryn (1971) Qostanaı oblysynyń prokýrory Berik Rahatuly ÁBІLOV dúnıege keldi.

Taldyqorǵan oblysynyń Jarkent qalasynda týǵan. Ál-Farabı atyndaǵy Qazaq memlekettik ýnıversıtetin «quqyqtaný» mamandyǵy boıynsha bitirgen. Eńbek jolyn 1993 jyly Taldyqorǵan qalasy prokýratýrasynda taǵylymdamadan ótýshi qyzmetinen bastaǵan.

Almaty qalasy prokýratýrasynyń tergeýshisi, asa mańyzdy ister jónindegi tergeýshisi, Bas prokýratýranyń basqarma bastyǵy, qylmystyq qýdalaý qyzmeti bastyǵynyń orynbasary laýazymdaryn atqardy. Qarjy polıtsııasy organdarynda basshylyq laýazymdarda jumys istedi. 2018-2021 jj. Nur-Sultan qalasy prokýrorynyń birinshi orynbasary laýazymyn atqardy.

Qazirgi qyzmetinde – 2021 jyldyń mamyr aıynan beri.

5 1 jyl buryn (1972) belgili qazaqstandyq palýan, Álem jáne Olımpıada oıyndarynyń chempıony ıÝrıı Vasılevıch MELЬNIChENKO dúnıege keldi.

Qyrǵyzstannyń Jalalabad qalasynda týǵan. Qazaq sport jáne týrızm akademııasyn bitirgen, jattyqtyrýshy-oqytýshy.

Qazaqstannyń 7 dúrkin chempıony; Azııanyń 3 dúrkin chempıony (1995, 1996, 1997); Azııa oıyndarynyń chempıony (Hırosıma, 1994); Álem chempıonatynyń kúmis júldegeri (Praga, 1995; Afıny, 1999); 57 kelige deıingi salmaqtaǵy XXVI Olımpıada oıyndardyń chempıony (Atlanta, 1996); álem chemıony (1994, 1997); jastar arasyndaǵy álem chempıony (1990, 1991); grek-rım kúresinen QR chempıony (1994, 1995); ІІ Shyǵysazııalyq oıyndar chempıony (1991); ІІ Ortalyqazııalyq oıyndar chempıony (1997).

Bapker retinde XXVIII Olımpıadalyq oıyndardyń kúmis júldegeri Georgıı Tsýrtsýmııany tárbıeledi.

QR Eńbek sińirgen qaıratkeri, «Parasat» ordenimen marapattalǵan.