5 maýsym. Tulǵalar týǵan kún
Búgin, 5 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
56 jyl buryn (1969) Azyq-túlik qaýipsizdigi jónindegi ıslam uıymynyń bas dırektory Berik Saqbaıuly ARYN dúnıege keldi.
Almaty oblysynda týǵan. 1994 jyly Ál-Farabı atyndaǵy Qazaq ulttyq ýnıversıtetin «Fılologııa» mamandyǵy boıynsha, 2007 jyly Qazaq memlekettik zań ýnıversıtetin «Quqyqtaný» mamandyǵyn támamdaǵan.
Eńbek jolyn 1994 jyly QR Syrtqy ister mınıstrligi Orta, Taıaý Shyǵys jáne Afrıka basqarmasynyń referenti laýazymynan bastady. 1994-1995 jyldary QR Syrtqy ister mınıstrligi Orta, Taıaý Shyǵys jáne Afrıka basqarmasynyń attashesi, 1996-2001 jyldary Qazaqstan Respýblıkasynyń Saýd Arabııasy Koroldigindegi Elshiliginiń attashesi, úshinshi hatshysy, ekinshi hatshysy, birinshi hatshysy laýazymdarynda jumys atqardy. 2001-2002 jyldary QR Syrtqy ister mınıstrligi Ekijaqty yntymaqtastyq departamentiniń bólim bastyǵy, 2002 jyly QR Syrtqy ister mınıstrligi Azııa, Taıaý Shyǵys jáne Afrıka departamentiniń bólim bastyǵy, 2002-2006 jyldary Qazaqstan Respýblıkasynyń Mysyr Arab Respýblıkasyndaǵy Elshiliginiń keńesshisi, 2006-2007 jyldary QR Prezıdent Ákimshiligi Syrtqy saıasat ortalyǵynyń bas ınspektory, 2007-2009 jyldary QR Parlamenti Senaty Parlamentaralyq baılanystar jáne halyqaralyq yntymaqtastyq bóliminiń meńgerýshisi qyzmetin atqarǵan. 2009-2011 jyldary QR Parlamenti Senaty Apparaty basshysynyń orynbasary laýazymynda boldy. Osy qyzmette Álemdik jáne dástúrli dinder lıderleri seziniń uıymdastyrýshylyq suraqtaryna jaýapty boldy. 2011-2016 jyldary Qazaqstan Respýblıkasynyń Mysyr Arab Respýblıkasyndaǵy Tótenshe jáne Ókiletti Elshisi, 2012-2016 jyldary Arab Memleketteri Lıgasy janyndaǵy Qazaqstan Respýblıkasynyń Turaqty Ókili, 2012-2016 jyldary Qazaqstan Respýblıkasynyń Marokko Koroldigindegi Tótenshe jáne Ókiletti Elshisi qyzmetin qosa atqarǵan.
2015-2016 jyldary QR-nyń Aljır Halyq Demokratııalyq Respýblıkasyndaǵy, Týnıs Respýblıkasyndaǵy Tótenshe jáne Ókiletti Elshisi qyzmetin qosa atqarǵan. 2016-2018 jyldary QR din isteri jáne azamattyq qoǵam vıtse-mınıstri laýazymyn atqardy. 2018-2019 jyldary QR Aqparat jáne qoǵamdyq damý vıtse-mınıstri, 2019-2024 jyldary Qazaqstan Respýblıkasynyń Bahreın Bahreın Koroldigindegi Tótenshe jáne Ókiletti Elshisi boldy.
Qazirgi qyzmetin 2024 jylǵy qarashadan beri atqaryp keledi.
2012 jyly «Qurmet» ordenimen marapattalǵan.
54 jyl buryn (1971) Qostanaı oblysynyń prokýrory Berik Rahatuly ÁBІLOV dúnıege keldi.
Taldyqorǵan oblysynyń Jarkent qalasynda týǵan. Ál-Farabı atyndaǵy Qazaq memlekettik ýnıversıtetin «quqyqtaný» mamandyǵy boıynsha bitirgen. Eńbek jolyn 1993 jyly Taldyqorǵan qalasy prokýratýrasynda taǵylymdamadan ótýshi qyzmetinen bastaǵan.
Almaty qalasy prokýratýrasynyń tergeýshisi, asa mańyzdy ister jónindegi tergeýshisi, Bas prokýratýranyń basqarma bastyǵy, qylmystyq qýdalaý qyzmeti bastyǵynyń orynbasary laýazymdaryn atqardy. Qarjy polıtsııasy organdarynda basshylyq laýazymdarda jumys istedi. 2018-2021 jyldary Nur-Sultan qalasy prokýrorynyń birinshi orynbasary laýazymyn atqardy.
Qazirgi qyzmetin 2021 jyldyń mamyr aıynan beri atqaryp keledi.
53 jyl buryn (1972) belgili qazaqstandyq palýan, Álem jáne Olımpıada oıyndarynyń chempıony, Qazaqstan Respýblıkasy Sporttyq kúres qaýymdastyǵynyń vıtse-prezıdenti ıÝrıı Vasılevıch MELЬNIChENKO dúnıege keldi.
Qyrǵyzstannyń Jalalabad qalasynda týǵan. Qazaq sport jáne týrızm akademııasyn bitirgen, jattyqtyrýshy-oqytýshy.
Qazaqstannyń 7 dúrkin chempıony; Azııanyń 3 dúrkin chempıony (1995, 1996, 1997); Azııa oıyndarynyń chempıony (Hırosıma, 1994); Álem chempıonatynyń kúmis júldegeri (Praga, 1995; Afıny, 1999); 57 kelige deıingi salmaqtaǵy XXVI Olımpıada oıyndardyń chempıony (Atlanta, 1996); álem chemıony (1994, 1997); jastar arasyndaǵy álem chempıony (1990, 1991); grek-rım kúresinen QR chempıony (1994, 1995); ІІ Shyǵysazııalyq oıyndar chempıony (1991); ІІ Ortalyqazııalyq oıyndar chempıony (1997).
Bapker retinde XXVIII Olımpıadalyq oıyndardyń kúmis júldegeri Georgıı Tsýrtsýmııany tárbıeledi.
QR Eńbek sińirgen qaıratkeri, «Parasat» ordenimen marapattalǵan.
49 jyl buryn (1976) Qazaqstan Respýblıkasynyń Tótenshe jaǵdaılar vıtse-mınıstri Ramıl Fatkýlovıch KAMALOV dúnıege keldi.
Torǵaı oblysynda dúnıege kelgen. QR ІІM Pavlodar tehnıkalyq kolledjin, Qaraǵandy memlekettik tehnıkalyq ýnıversıtetin bitirgen.
Eńbek jolyn Aqmola oblysy ІІB Memlekettik órtke qarsy qyzmet basqarmasynyń № 84 jekeshelendirilgen áskerlendirilgen órt sóndirý bóliminiń memlekettik órtti baqylaý ınspektory bolyp bastaǵan. 1998 jyly Aqmola oblysy MÓQQ № 19 órt sóndirý bóliminiń memlekettik órt baqylaý ınspektory, 1998-1999 jyldary Astana qalasynyń MÓQQ № 7 órt sóndirý bóliminiń ınspektory, 1999-2005 jyldary Astana qalasy «Órt sóndirýshi» RMK fılıalynyń № 7 órt sóndirý bóliminiń aǵa ınjeneri, Astana qalasynyń «Órt sóndirýshi» RMK № 11 fılıalynyń № 11 órt sóndirý bóliminiń bastyǵy, Astana qalasy «Órt sóndirýshi» RMK fılıalynyń órt sóndirý tobynyń bas mamany, 2005-2006 jyldary QR TJM TJ salasyndaǵy memlekettik baqylaý jáne qadaǵalaý komıtetiniń Órt sóndirý jáne avarııalyq-qutqarý jumystary qyzmeti bóliminiń bas mamany, 2006-2014 jyldary QR TJM Órtqe qarsy qyzmet komıtetiniń Órt sóndirý jáne avarııalyq-qutqarý bóliminiń bas mamany, bastyǵy, 2014-2016 jyldary QR ІІM Tótenshe jaǵdaılar komıtetiniń órt sóndirý qyzmetin uıymdastyrý boıynsha basqarmasynyń bastyǵy bolyp qyzmet etti. 2016-2017 jyldary QR ІІM TJK Mańǵystaý oblysy TJD bastyǵynyń orynbasary laýazymyn atqarǵan. 2017-2023 jyldary QR ІІM TJK Soltústik Qazaqstan oblysy Tótenshe jaǵdaılar departamentiniń bastyǵy, 2023-2025 jyldary QR Tótenshe jaǵdaılar mınıstrliginiń Órtke qarsy qyzmet komıtetiniń tóraǵasy laýazymyn atqardy.
Qazirgi qyzmetine 2025 jyldyń aqpan aıynda kiristi.
«Órtke qarsy qyzmet organdaryndaǵy minsiz qyzmeti úshin» III, ІІ jáne І dárejeli medaldarimen, «Tótenshe jaǵdaılardyń aldyn alýda jáne joıýda úzdik shyqqany úshin» medalimen, «QR Táýelsizdigine 20 jyl» mereıtoılyq medalimen marapattalǵan.
47 jyl buryn (1978) Jetisý oblysy Jer qatynastary basqarmasynyń basshysy Ermek Omaruly APEKOV dúnıege keldi.
Qazaq memlekettik agrarlyq ýnıversıtetin, Almaty tehnologııa ýnıversıtetin «veterınarlyq sanıtarııa», «kásiporyndaǵy ekonomıka jáne basqarý» mamandyqtary boıynsha bitirdi.
Eńbek jolyn Іle aýdany Ótegen batyr kentinde Almaty oblystyq veterınarlyq zerthanada mal dáriger bolyp bastady.
Ár jyldary QR Aýyl sharýashylyǵy mınıstrligi Almaty oblysy Balqash aýdandyq aýmaqtyq basqarmada bas maman-veterınarlyq ınspektor, Balqash aýdandyq turǵyn úı-turmystyq sharýashylyq bóliminde, qala qurylysy, qurylys, turǵyn úı-kommýnaldyq sharýashylyq, jolaýshy kóligi jáne avtomobıl joldary bóliminde bas maman, oblystyq energetıka jáne kommýnaldyq sharýashylyq basqarmasynyń bólim basshysy, oblys ákimi apparatynyń uıymdastyrý-ınspektorlyq bóliminde oblys ákiminiń bas ınspektory, Eskeldi aýdany ákiminiń orynbasary, Qaratal aýdany ákiminiń orynbasary boldy.
Qazirgi laýazymyn 2022 jylǵy qazan aıynan beri atqaryp keledi.