5 qarasha. Tulǵalar týǵan kún

ASTANA. QazAqparat – QazAqparat 5 qarashaǵa arnalǵan «Tulǵalar týǵan kún» kúntizbesin usynady.

ESІMDER

62 jyl buryn (1960) Qazaqstan Respýblıkasy Parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi Saǵyndyq Esenǵalıuly LUQPANOV dúnıege keldi.

Atyraý oblysynda týǵan. Gýrev temir jol tehnıkýmyn «tehnık-elektrık» (1983); Qazaq memlekettik basqarý akademııasy janyndaǵy Almaty naryq ınstıtýtyn «ekonomıka jáne menedjment» (1996) mamandyǵy boıynsha bitirgen.

Eńbek joly: Mańǵyshlaq sıgnal berý jáne baılanys dıstantsııasynyń elektromonteri, elektromehanıgi, aǵa ınjeneri, SOB óndiristik ýchaskesiniń basshysy, SOB qashyqtyǵynyń Mangyshlaq sıgnal berý jáne baılanys dıstantsııasy basshysynyń orynbasary (1983-1989); Gýrev sıgnal berý jáne baılanys dıstantsııasynyń basshysy (1991-1999); Aqjaıyq sıgnal berý jáne baılanys bas dıstantsııasynyń dırektory (1999-2002); «Qazaqstan temir joly» ulttyq kompanııasy» AQ fılıalynyń dırektory – «Atyraý magıstraldyq jeli bólimshesi» (2002-2007); «Qazaqstan temir joly» ulttyq kompanııasy» AQ – «Magıstraldyq jeli dırektsııasy» fılıalynyń bas ınjeneri (01.2007-12.2007); «Atyraý oblysy «Kaspıı» áleýmettik-kásipkerlik korporatsııasy» Ulttyq kompanııasy» AQ ókildiginiń dırektory (2007-2010); «Kaspıı» áleýmettik-kásipkerlik korporatsııasy» ulttyq kompanııasy» AQ ókildigi tóraǵasynyń orynbasary (04.2010-05.2010); «Atyraý» áleýmettik-kásipkerlik korporatsııasy» Ulttyq kompanııasy» AQ basqarma tóraǵasy (01.2007-12.2007); Atyraý oblystyq máslıhatynyń V jáne VI shaqyrylymdarynyń hatshysy (2012-2017); Atyraý oblysy ákiminiń birinshi orynbasary (2017-2018); «KPI Inc» JShS basqarýshy dırektory (2018 jyldan bastap) boldy.

Qazirgi atqaratyn laýazymynda 2020 jylǵy tamyzdan bastap.

«Qurmet» ordenimen, «Qurmetti temirjolshy» belgisimen marapattalǵan.

58 jyl buryn (1964) Qazaqstan kınematografshylar odaǵynyń múshesi, Qazaqstannyń halyq ártisi, aktrısa Gúlnar Abdýllaqyzy DOSMATOVA dúnıege keldi.

Almaty qalasynda týǵan. Ál-Farabı atyndaǵy Qazaq ulttyq ýnıversıtetin bitirgen. 1985 jyldan «Qazaqfılm» kınostýdııasynyń aktrısasy. Kınodaǵy alǵashqy eleýli róli – «Daladaǵy qýǵyn» fılmindegi Áıgerim. 20-dan astam fılmge túsken. Onyń ishinde «Jeńimpaz», «Merekeniń úsh kúni», «Kardıogramma», «Adam taǵdyry», otandyq teleserıal «Toǵysqan taǵdyrlar» jáne basqalary bar.

«Adam taǵdyry» fılmindegi róli úshin 1985 jyly Mınskide (Belarýs) ótken Búkilodaqtyq kınofestıvalda «Eń úzdik áıel beınesi» júldesin ıelengen.

2000 jyly «Jyl tańdaýy» baıqaýynda «Jyldyń úzdik aktrısasy» atandy.

50 jyl buryn (1972) Qazaqstan Respýblıkasynyń memlekettik qaıratkeri Bolat Serikuly JUMABEKOV dúnıege keldi.

Kókshetaý oblysynda týǵan. Aqmola aýyl sharýashylyǵy ınstıtýtyn, M. Qozybaev atyndaǵy Soltústik Qazaqstan memlekettik ýnıversıtetin bitirgen.

Eńbek jolyn SQO Tımırıazev aýdanynda sharýa qojalyǵynyń agronomy bolyp bastady. 1999-2007 jyldary – aýdandyq jer resýrstaryn basqarý aýdandyq komıtetiniń tóraǵasy, aýdandyq aýyl sharýashylyǵy bóliminiń bastyǵy. 2007-2009 jyldary – SQO Tımırıazev aýdanynyń ákimi. 2009-2011 jyldary – SQO ákimi apparatynyń jetekshisi. 2011-2012 jyldary – Soltústik Qazaqstan oblysy ákiminiń orynbasary. 2012-2013 jyldary – Petropavl qalasynyń ákimi. 2014 jylǵy aqpan-tamyz aılarynda – «JELS-ASTANA» JShS kommertsııalyq dırektory. 2014-2018 jyldary – SQO Qyzyljar aýdanynyń ákimi; Soltústik Qazaqstan oblysy Ǵabıt Músirepov aýdanynyń ákimi (2018-2019). 2019-2022 jyldary – Petropavl qalasynyń ákimi.