5 adamdy atyp óltirgen Igor Dýjnov jazasyn Qostanaı oblysynda óteıdi

ALMATY. QazAqparat- Ómir boıyna bas bostandyǵynan aıyrylǵan almatylyq Igor Dýjnov jazasyn Qostanaı oblysynda óteıtin boldy. Bul týraly ІІM Qylmystyq-atqarý júıesi komıtetiniń baspasóz qyzmeti málim etti, dep habarlaıdy QazAqparat tilshisi.

Vedomstva málimetinshe, QR QK 99-babynyń 2-bólimi («Eki jáne odan da kóp adamdy óltirý») boıynsha ómir boıyna bas bostandyǵynan aıyrylǵan sottalýshy ótken jyldyń qazanynan bastap Almatynyń tergeý ızolıatorynda jazasyn ótep jatyr.

«Qazaqstanda 80 túzeý mekemesi bar. Olardyń bireýi ǵana Qostanaı oblysy boıynsha QAJD ÝK-161/3 ómir boıyna sottalǵan adamdarǵa arnalǵan. Djýnov merzimin óteıtin tótenshe qaýipsizdik mekemesi Jitiqara qalasynan 25 shaqyrym jerde ornalasqan»,- dep habarlady ІІM Qylmystyq-atqarý júıesi komıtetiniń baspasóz qyzmeti.

Buǵan deıin sot Igor Dýjnovqa ómir boıyna bas bostandyǵynan aıyrý jazasyn taǵaıyndany týraly jazǵan bolatynbyz.

Eske salaıyq, byltyr 20 qyrkúıek kúni Almatyda jeke úılerdiń birine kelgen sot oryndaýshyǵa, ýchaskelik polıtsııa ınspektorlaryna úı ıesi - 1967 jyly týǵan azamat oq atty.

Qyzmet barysynda bes adam, onyń ishinde eki polıtsııa qyzmetkeri oqtan jaraqat alyp, kóz jumdy.

Qaza tapqan polıtseılerdiń biriniń artynda – 5, ekinshisinde 2 bala qaldy.