400-den astam qaraǵandylyq Konstıtýtsııanyń 25 jyldyǵyna arnalǵan medalmen marapattaldy
ZOOM platformasy arqyly onlaın rejıminde konferentsııaǵa qoǵam qaıratkerleri, belgili ǵalymdar, dárigerler, jumysshylar jáne basqa da salalardyń ókilderi qatysty.
Qaraǵandy oblysynyń ákimi Jeńis Qasymbek birqatar qaıratkerlerge Memleket basshysynyń atynan marapattaryn tabys etti. QR Prezıdentiniń Jarlyǵymen «Qazaqstan Konstıtýtsııasyna 25 jyl» merekelik medaline 448 qaraǵandylyq ıe boldy.
«Qazaqstan Respýblıkasynyń Prezıdenti Qasym-Jomart Toqaev: «Qazaqstan Konstıtýtsııasy eń úzdik álemdik tájirıbe men praktıkany, sondaı-aq tarıhı jáne ulttyq dástúrlerdi ózine sińire otyryp, halyq birligi men memleketimizdiń táýelsizdiginiń berik irgetasy bolyp qyzmet atqarady», - dep atap ótti. Búgin biz elimizdiń Negizgi Zańy ýaqyttyń senimdi synaǵynan ótip, jalpyhalyqtyq damýda óziniń negizgi mańyzyn dáleldeı aldy dep aıta alamyz. Qoldanystaǵy Konstıtýtsııany ázirleýde, qazaqstandyq memlekettilik modelin qalyptastyrýda, táýelsiz Qazaqstannyń konstıtýtsııalyq reformalaryn qurýda Tuńǵysh Prezıdent Nursultan Nazarbaev úlken ról atqardy. Biz eldiń jáne halyqaralyq deńgeıde kóptegen jetistikterdi onyń esimimen baılanystyra alamyz. Biz muny árdaıym este saqtaımyz», - dep atap ótti Jeńis Qasymbek.
Qazaqstandyqtarǵa Konstıtýtsııa bergen quqyqtar men áleýmettik kepildikter týraly spıkerler aıtqan bolatyn. Kezdesýge qatysýshylar qazaqstandyqtar bir mezgilde elimizdiń Negizgi Zańy men biregeı ınstıtýt - Qazaqstan halqy Assambleıasynyń 25 jyldyǵyn atap ótetin tarıhı sáttiń mańyzdylyǵyn atap ótti.
«Biz Konstıtýtsııamyzdyń bizdiń ómirimizde qandaı ról atqaratynyn óte jaqsy bilemiz. Óıtkeni, ol «Biz - Qazaqstan halqymyz» degen sózdermen bastalady. Barlyq qazaqstandyqtardy, túrli etnos ókilderin Otanymyzǵa degen túbi tereń súıispenshilik sezimi biriktiredi. 25 jyl tarıhı jahandyq ólshemde ol bir sát qana. Biraq biz úshin uly memleket qurýshylarǵa - bul mańyzdy kún. Bul el damýynyń belgisi jáne beınesi», - dedi «Polonııa» oblystyq polıak etnomádenı birlestiginiń tóraǵasy Vıtalıı Hmelevskıı.
Eńbek ardageri Grıgorıı Prezenttiń aıtýynsha, beıbitshilik, kelisim men birlik qazaqstandyq qoǵamnyń baǵa jetpes baılyǵy jáne memlekettik damýdyń qozǵaýshy kúshi bolyp tabylady. «Qazaqstan halqy Assambleıasynyń PÁK fızıkalyq turǵyda ólsheýge jáne seziný múmkin emes, biraq biregeı qoǵamdyq ınstıtýt qýatty kúshke, zor qýat pen pozıtıvke ıe», - dep atap ótti Qaraǵandy oblysynyń Qurmetti azamaty, QHA múshesi.
Jınalǵandar koronavırýstyq ınfektsııamen kúresýde aldyńǵy qatarda júrgen dárigerler men barlyq medıtsına qyzmetkerlerine alǵys aıtty. Ózderine qaýip tóndire otyryp, olar adamdardyń ómirin saqtap, azamattardyń densaýlyǵyn qorǵaýǵa konstıtýtsııalyq quqyǵyn júzege asyrýdy qamtamasyz etti.
