4 jeltoqsanda Aıdyń erekshe qubylysy baıqalady
«Jylyna bir ret Aıdyń eń úlken jáne eń kishi dıskisin kórý múmkindigine ıemiz. Bul tolǵan Aıdyń perıgeı núktesine (serik orbıtasynyń Jerge eń jaqyn núktesi) jetken kezine týra kelgende bolatyn qubylys. Al, kerisinshe, Aıdyń eń kishi dıskisin tolǵan Aı óz orbıtasynyń apegoı núktesine jetken kezine sáıkes kelgende kóremiz», - delingen habarlamada.
Jeltoqsandaǵy Aıdyń tolýy 3 jeltoqsan kúni Astana ýaqytymen 21:49-da shegine jetedi. Al 4 jeltoqsan kúni 11:43-te Aı Jerge 2017 jyldaǵy eń jaqyn núktesine taıap keledi, ıaǵnı Aıdyń perıgeıi 357 495 kılometrge sheıin qysqarady. Jerdiń tabıǵı serigi bul kezde apogeı núktesindegige qaraǵanda 14% úlken, 30% jaryq bolyp kórinedi. Eger aspan ashyq bolsa, ońtústik kókjıektiń ústindegi «sýper» Aıdy túni boıy kórýge bolady. 
