4 shilde. Tulǵalar týǵan kún
ASTANA. KAZINFORM - Búgin, 4 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
50 jyl buryn (1974) Qazaqstan Respýblıkasy Mádenıet jáne aqparat mınıstri Aıda Ǵalymqyzy BALAEVA dúnıege keldi.
Almaty oblysy Jambyl aýdany Jambyl aýylynda týǵan. 2000 jyly Abaı atyndaǵy Almaty memlekettik ýnıversıtetin orys tili men ádebıeti pániniń muǵalimi mamandyǵy boıynsha, 2007 jyly Qazaq ulttyq agrarlyq ýnıversıtetin quqyqtaný mamandyǵy boıynsha bitirgen.
Eńbek joly: 1999-2002 jyldary Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy, 2002-2004 jyldary Almaty qalalyq aqparat jáne qoǵamdyq kelisim basqarmasynyń taldaý jáne qoǵamdyq-saıası úrdisterdi úılestirý bóliminiń bastyǵy, 2004 jyly Almaty qalasy boıynsha aqparat basqarmasynyń taldaý jáne boljaý bóliminiń bastyǵy, 2004-2005 jyldary Almaty qalasy boıynsha aqparat basqarmasy bastyǵynyń orynbasary, 2005-2006 jyldary Almaty qalasynyń ishki saıasat departamenti dırektorynyń orynbasary, 2006-2008 jyldary Almaty qalasynyń ishki saıasat departamentiniń dırektory, 2008-2010 jyldary Astana qalasynyń ishki saıasat basqarmasynyń bastyǵy laýazymyn atqarǵan. 2010-2014 jyldary Astana qalasy ákiminiń orynbasary, 2014-2019 jyldary QR Prezıdenti Ákimshiliginiń ishki saıasat bóliminiń meńgerýshisi, 2019-2020 jyldary QR Prezıdentiniń kómekshisi – QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi, 2020-2022 jyldary QR Aqparat jáne qoǵamdyq damý mınıstri, 2022-2023 jyldary QR Prezıdenti Ákimshiligi Basshysynyń orynbasary qyzmetinde boldy.
Qazirgi qyzmetin 2023 jyldyń qyrkúıeginen beri atqaryp keledi.
67 jyl buryn (1957) Qazaqstan Respýblıkasynyń memleket qaıratkeri, Sybaılas jemqorlyqqa qarsy ultty jeli qyzmeti prezıdıýmynyń tóraǵasy Alık Jatqambaıuly ShPEKBAEV dúnıege keldi.
Almaty oblysy Qaskeleń aýdany Abaı aýylynda týǵan. 1980 jyly KSRO ІІM Shymkent arnaıy orta mektebin, 1987 jyly KSRO ІІM Qaraǵandy joǵary mektebin, 1993 jyly RF ІІM Akademııasyn bitirgen. Zań ǵylymdarynyń kandıdaty.
Eńbek joly: 1974-1975 jyldary Talǵar qalasy Talǵar aýyl sharýashylyǵy tehnıkýmynyń stýdenti boldy. 1975-1977 jyldary Keńes Áskeriniń qatarynda qyzmette boldy. 1978 jyly Almaty oblysy boıynsha Kamenka aýylynda QJMK slesari, 1980-1984 jyldary Almaty oblystyq ІІB ETK-71 jedel bóliminiń otrıad bastyǵy, ınspektory, SI-1 jedel bóliminiń ınspektory, 1984-1988 jyldary Qaskeleń aýdandyq ІІB qylmystyq izdestirý bólimshesiniń jedel ókili, aǵa jedel ókili, 1988-1989 jyldary Qaskeleń aýdandyq ІІB Kamenka aýyldyq mılıtsııa bóliminiń bastyǵy, 1989-1991jyldary Almaty oblysynyń Balqash AІІB bastyǵy, 1991-1993 jyldary Máskeý qalasy KSRO jáne RF ІІM akademııasynyń tyndaýshysy, 1994-1995 jyldary Almaty oblysynyń Qaskeleń aýdandyq ІІB bastyǵy, 1995-1997 jyldary Almaty oblysy boıynsha MTKB bastyǵynyń orynbasary, Almaty oblysy boıynsha MTKD asa qaýipti qylmystardy tergeý basqarmasynyń bastyǵy, 1997-2000 jyldary jeke tulǵaǵa qarsy qylmystardy ashý jónindegi basqarmasynyń bastyǵy, Uıymdasqan qylmysqa qarsy kúres basqarmasynyń bastyǵy, Uıymdasqan qylmysqa qarsy kúres basqarmasy bastyǵynyń orynbasary, QR ІІM Krımınaldyq polıtsııa departamenti bastyǵynyń birinshi orynbasary bolyp qyzmet atqarǵan. 2000-2003 jyldary Almaty oblysy boıynsha ІІB bastyǵy, 2003-2008 jyldary QR ishki ister vıtse-mınıstri, 2008-2014 jyldary QR Prezıdenti Ákimshiligi Quqyq qorǵaý júıesi bóliminiń meńgerýshisi, 2014-2015 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary, 2016 jyly QR Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) Tóraǵasynyń orynbasary laýazymyn atqarǵan. 2016 jyly QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary, taǵaıyndaldy, 2017-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy, 2019-2021 jyldary QR Sybaılas jemqorlyqqa qarsy is-qımyl agenttiginiń tóraǵasy qyzmetin atqardy.
II dárejeli «Aıbyn», II dárejeli «Dańq» jáne «Parasat» ordenderimen, «Qazaqstan Respýblıkasynyń táýelsizdigine 10 jyl», «Qazaqstan Respýblıkasynyń Konstıtýtsııasyna 10 jyl», «Astananyń 10 jyldyǵy» merekelik medaldarimen, sondaı-aq vedomstvalyq medaldarymen nagradtalǵan. QR ІІM eńbek sińirgen qyzmetkeri. Almaty oblysynyń Qurmetti azamaty.
55 jyl buryn (1969) Astana qalasy Polıtsııa departamentiniń bastyǵy Marat Saǵyntaıuly TÓLEBAEV dúnıege keldi.
Qostanaı oblysy Naýyrzym aýdany Dokýchaevka aýylynda dúnıege kelgen.1992 jyly QSRO ІІM Almaty arnaıy orta mılıtsııa mektebin, 1998 jyly QR ІІM Almaty zań ınstıtýtyn, 2004 jyly QR ІІM Akademııasynyń basshy quramdy daıarlaý ınstıtýtyn támamdaǵan. Bilimi boıynsha mamandyǵy: zańger, zańtaný magıstri.
Eńbek joly: 1992 jyly Qostanaı oblysy MTKB Naýryzym aýdany boıynsha MTKB qylmystyq izdestirý bóliminiń jedel ýákili, aǵa jedel ýákili, 1996 jyly Qostanaı oblysy MTKB Ordjonıkıdze aýdany MTKB ekonomıkalyq qylmystarmen kúres bóliminiń bastyǵy, 1997 jyly Qostanaı oblysy ІІB jedel ýákili, aǵa jedel ýákili, 1999 jyly Qostanaı oblysy ІІB Naýyrzym aýdany ІІB bastyǵynyń orynbasary, 2004 jyly Astana qalasy ІІD Krımınaldyq polıtsııa basqarmasynyń tulǵaǵa qarsy qylmystardy ashý bóliminiń bastyǵy qyzmetin atqarǵan. 2005 jyly Astana qalasy ІІD Krımınaldyq polıtsııa basqarmasy bastyǵynyń orynbasary, 2008 jyly Astana qalasy ІІD Krımınaldyq polıtsııa basqarmasynyń bastyǵy, 2010 jyly Astana qalasy ІІD Tergeý boıynsha basqarmasy bastyǵynyń orynbasary, 2011 jyly Astana qalasy ІІD Saryarqa aýdany ІІB bastyǵy, 2013 jyly Astana qalasy ІІD Almaty aýdany ІІB bastyǵy, 2016 jyly Qostanaı oblysy ІІD bastyǵynyń birinshi orynbasary, 2017 jyly Nur-Sultan qalasy Polıtsııa departamenti bastyǵynyń birinshi orynbasary, 201 jyly
Soltústik Qazaqstan oblysy Polıtsııa departamentiniń bastyǵy laýazymyn atqarǵan.
Qazirgi qyzmetin 2022 jylǵy qańtardan bastap atqaryp keledi.
37 jyl buryn (1987) Qazaqstan Respýblıkasy Kólik mınıstri Marat Kárimjanuly QARABAEV dúnıege keldi.
Tashkent oblysynda (Ózbekstan Respýblıkasy) týǵan. Tashkent avtomobıl-jol ınstıtýtyn, Ýorvık ýnıversıtetin (Ulybrıtanııa), M.H,Dýlatı atyndaǵy Taraz memlekettik ýnıversıtetin bitirgen.
Eńbek joly: 2011 jyly QR Aýyl sharýashylyǵy mınıstrligi Sý resýrstary komıteti Sý sharýashylyǵy jelilerin paıdalaný jáne damytý basqarmasynyń sarapshysy, 2011-2013 jyldary QR Indýstrııa jáne jańa tehnologııalar mınıstrligi Jańa tehnologııalar jáne energııa únemdeý departamenti qyzmet kórsetý salasynyń tehnologııalyq damýy basqarmasynyń bas sarapshysy, 2014-2015 jyldary Ońtústik Qazaqstan oblysynyń kásipkerlik jáne ındýstrıaldy-ınnovatsııalyq damý basqarmasy basshysynyń orynbasary, 2015-2017 jyldary Ońtústik Qazaqstan oblysynyń kásipkerlik jáne ındýstrıaldy-ınnovatsııalyq damý jáne týrızm basqarmasynyń basshysy, 2018-2019 jyldary QR Tsıfrlyq damý, qorǵanys jáne aeroǵarysh ónerkásibi mınıstrliginiń Áskerı-ónerkásiptik keshendi damytý departamentiniń dırektory, 2019-2020 jyldary QR Indýstrııa jáne jańa tehnologııalar mınıstrligi Áskerı-ónerkásiptik keshendi damytý departamentiniń dırektory bolyp qyzmet atqarǵan. 2020-2021 jyldary QR Indýstrııa jáne ınfraqurylymdyq damý mınıstrligi Indýstrııalyq damý jáne ónerkásiptik qaýipsizdik komıtetiniń tóraǵasy, 2021-2023 jyldary QR Indýstrııa jáne ınfraqurylymdyq damý vıtse-mınıstri, 2023 jyly QR Indýstrııa jáne ınfraqurylymdyq damý mınıstri laýazymyn atqardy.
2023 jyldyń qyrkúıek aıynan bastap qazirgi qyzmetinde.
98 jyl buryn (1926-2013) ánshi (lırıkalyq barıton), KSRO men Qazaqstannyń halyq ártisi, professor Ermek Bekmuhameduly SERKEBAEV dúnıege kelgen.
Petr Chaıkovskıı atyndaǵy Almaty mýzykalyq ýchılışesin (Petr Chaıkovskıı atyndaǵy Almaty mýzykalyq kolledji), Qurmanǵazy atyndaǵy Qazaq ulttyq konservatorııasyn bitirgen. Ermek Serkebaev oryndaǵan partııalardyń ishinde Ahmet Jubanov jáne Latıf Hamıdıdiń operasyndaǵy Abaıdy, «Birjan men Sara» operasyndaǵy Qojaǵuldy, Amangeldini, Petr Chaıkovskııdiń «Evgenıı Onegın» jáne «Pıkovaıa damasynda» Onegın men Eletskııdi, Djoakkıno Rossınıdiń «Sevıl shashtarazynda» Fıgarony, «Ýkroşenıe stroptıvoıda» Petrýchchıony, Evgenıı Brýsılovskıı men Erkeǵalı Rahmadıevtiń operasyndaǵy Er Tarǵyn jáne Alpamys batyrlardy jáne basqa da kóptegen operalarda oınaǵan. Kıno óneri salasyna da atsalysyp, «Taqııaly perishte», «Bizdiń súıikti dáriger», t.b. fılmderge túsken. Gastroldik saparmen álemniń 50-den asa elderinde bolǵan. 1973 jyldan bastap Qurmanǵazy atyndaǵy Qazaq ulttyq konservatorııasynda vokal klasy boıynsha dáris bergen. 2006 jyly Máskeý konservatorııasynyń úlken zalynda án shyrqaǵan. 1947 jyldan bastap ómiriniń sońyna deıin Abaı atyndaǵy Qazaq memlekettik akademııalyq opera jáne balet teatrynda solıst boldy. KSRO Joǵarǵy Keńesi 7-shaqyrylymynyń depýtaty, Qazaq KSR Joǵarǵy Keńesi 8, 11-shaqyrylymdarynyń depýtaty.
«Otan», Eńbek Qyzyl Tý, Qazan revolıýtsııasy, 2 márte Lenın ordenderimen, medaldarmen marapattalǵan. KSRO men Qazaqstan Respýblıkasy Memlekettik syılyǵynyń, Halyqaralyq vokalıster konkýrsynyń laýreaty, vokalıster men balet ártisteriniń búkilodaqtyq konkýrsy syılyǵynyń jáne «Tarlan» syılyǵynyń ıegeri.
