4 maýsym. Týǵan kún ıeleri

NUR-SULTAN. QazAqparat - Búgin, ıaǵnı 4 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

63 jyl buryn (1959) ánshi, Qazaqstannyń halyq ártisi, Qazaqstan Memlekettik syılyǵynyń ıegeri, Barselonada ótken F.Vınıasa atyndaǵy Halyqaralyq vokalshylar konkýrsynyń arnaýly Djıno Bekkı syılyǵynyń ıegeri Nurjamal Pernebekqyzy ÚSENBAEVA dúnıege keldi.

Ońtústik Qazaqstan oblysynyń (qazirgi Túrkistan) Arys qalasynda týǵan. Almaty konservatorııasyn (qazirgi Qazaq ulttyq konservatorııasy) bitirgen. Sol jyldan bastap Qazaq akademııalyq opera jáne balet teatrynyń solo-ánshisi. Osy teatr sahnasynda oryndaǵan asa eleýli partııalary qatarynda Qyz Jibek, Dana (E.Brýsılovskıı «Qyz Jibek», «Er Tarǵyn»), Ajar (A.Jubanov, L.Hamıdı «Abaı»), Sara (M.Tólebaev «Birjan-Sara»), Zylıha (B.Jumanııazov «Mahambet»), Rozalıda (I.Shtraýs «Jarqanat»), Vıoletta (Dj.Verdı «Travıata»), Antonııa (J.Offenbah «Gofman ertegileri»), t.b. bar. Qazaq ánderin de («Shıli ózen», «Alqońyr», t.b.) úlken sheberlikpen oryndaıdy. Úsenbaevanyń repertýarynan ulttyq jáne shet el kompozıtorlarynyń ár alýan mýzykalyq shyǵarmalary oryn alǵan. Ánshi gastroldik saparmen Reseı qalalarynda, sondaı-aq, 1997 jyly Tatar akademııalyq opera jáne balet teatrynyń quramynda Portýgalııada, 1998 jyly Sankt-Peterbýrg akademııalyq opera jáne balet teatry kuramynda Japonııada jáne basqa elderde óner kórsetken. 2007 jyly «Karnegı-Holl» (Nıý-Iork) zalynda jeke kontsert bergen. «Qurmet» ordenimen marapattalǵan.

58 jyl buryn (1964) Aqtaý halyqaralyq teńiz saýda portynyń prezıdenti Abaı Noǵaıuly TÚRІKPENBAEV dúnıege kelgen.

Ońtústik Qazaqstan oblysynda (qazirgi Túrkistan) týǵan. 1986 jyly S.M. Kırov atyndaǵy Qazan hımııa-tehnologııa ınstıtýtyn ınjener-mehanık mamandyǵy boıynsha, 2000 jyly Eýrazııa naryq ınstıtýtyn ekonomıst-menedjer mamandyǵy boıynsha bitirgen. Eńbek joly: «Navoıazot» ÓB (Navoı qalasy, Ózbekstan) aǵa sheberi, 1, 2 ammıakti óndirýdiń hımııalyq jabdyǵyn jóndeý jónindegi sheber (1986-1989); «Kaspıı mańy taý-metallýrgııalyq kombınaty» ÓB azot-tyńaıtqysh zaýytynda (Aqtaý) bólim mehanıgi, jabdyqtardy jóndeý jónindegi sheber, Ammıak-1 tsehynyń 6 razrıadty slesari (1989-1993); «Kaskor» AQ (Aqtaý) marketıng jáne sheteldik kompanııalarmen yntymaqtastyqty uıymdastyrý bóliminiń 2-sanatty ınjeneri, menedjeri, bastyǵy (1993-1995); «MańǵystaýMunaıGaz» AQ munaı ónimderin ótkizý basqarmasy bastyǵynyń orynbasary (1995-2000); «Pavlodar munaı-hımııa zaýyty» AQ kommertsııalyq dırektory (2000-2002); «ÓzenMunaıGaz» AQ baqylaý-analıtıkalyq departamentiniń dırektory (2002-2003); «Qazteńizkólikfloty» UTKK» JShS Qurylysy salynyp jatqan obektiler dırektsııasy dırektorynyń orynbasary, dırektordyń mindetin atqarýshy (2003-2004); «TenızServıs» JShS bas dırektordyń orynbasary (2004-2008); «Batýmı Indastrıal Holdıng Ltd» (Batýmı, Grýzııa) dırektor (2008-2012); «Qazmunaıgaz» UK» AQ taldaý jáne jobalaý departamentiniń dırektory (2013); «Aqtaý halyqaralyq teńiz saýda porty» UK» AQ port ǵımarattary jáne kúrdeli qurylys bóliminiń bastyǵy (2014-2015); «Aqtaý halyqaralyq teńiz saýda porty» UK» AQ tehnıkalyq máseleler jónindegi vıtse-prezıdent (2015-2016); «Quryq porty» JShS bas dırektory (2016-2017). Qazirgi laýazymyn 2017 jylǵy qańtardan beri atqaryp keledi.

48 jyl buryn (1974) Marat Ospanov atyndaǵy Batys Qazaqstan memlekettik medıtsına ýnıversıtetiniń rektory Bekmuhambetov Erbol JASULANULY dúnıege keldi.

Aqtóbe qalasynda týǵan. Aqtóbe memlekettik medıtsına akademııasyn bitirgen (1997).

Eńbek qyzmeti: 2001-2007 jj aǵa ǵylymı qyzmetkerden Qazaq onkologııa jáne radıologııa ǵylymı-zertteý ınstıtýty fılıalynyń dırektoryna deıin ótti.

2008 jyldan beri qyzirgi qyzmetinde.

100-den astam maqalanyń, 10 monografııa men oqý quraldarynyń avtory.

«Qazaqstan Respýblıkasynyń táýelsizdigine 20 jyl», «Lomonosov atyndaǵy orden», «Qazaqstan Respýblıkasynyń densaýlyq saqtaý salasyndaǵy qyzmeti», «Qazaqstan Respýblıkasynyń Qyzyl Qymyǵy» medaldarymen marapattalǵan.

47 jyl buryn (1975) Atyraý oblysy ákiminiń birinshi orynbasary Serik Kenǵanuly AIDARBEKOV dúnıege keldi.

Qazirgi Mańǵystaý oblysynda týǵan. Ál-Farabı atyndaǵy Qazaq memlekettik ulttyq ýnıversıtetin (bakalavrıat, magıstratýra), E.Matteı atyndaǵy Joǵary mektebin (Italııa), Q.Sátbaev atyndaǵy Qazaq ulttyq tehnıkalyq ýnıversıtetin bitirgen. Ekonomıst, menedjment salasynyń mamany; ekonomıka masteri, taý-ken ınjeneri-munaıshy. Ekonomıka ǵylymdarynyń kandıdaty. Eńbek jolyn 1996 jyly Qazaqstan Respýblıkasy Munaı jáne gaz ónerkásibi mınıstrliginde Investıtsııalyq saıasat departamentiniń jetekshi mamany bolyp bastady. 1997-1999 jyldary – «Qazaqoıl» UQ» JAQ Taldaý jáne strategııalyq josparlaý departamentiniń analıtıgi, Jobalardy basqarý departamentiniń aǵa analıtıgi. 1999-2002 jyldar aralyǵynda Qazaqstan Respýblıkasy Premer-Mınıstri Keńsesi Ónerkásip jáne ınfraqurylym bóliminiń konsýltanty bolyp eńbek etti. 2002-2004 jyldary – «Agip KCO» kompanııasy qazaqstandyq qamtýdy damytý departamentiniń keńesshisi, menedjeri. 2004-2006 jyldary kásipkerlik qyzmette boldy. 2006-2007 jyldary – «Samuryq» memlekettik aktıvterdi basqarý jónindegi qazaqstandyq holdıngi» AQ bas sarapshysy. 2007-2010 jyldary – Qazaqstan Respýblıkasy Premer-Mınıstriniń keńesshisi, Indýstrııalyq-ınnovatsııalyq damý bóliminiń meńgerýshisi. 2010-2012 jyldary – Atyraý oblysy ákiminiń orynbasary. 2012-2014 jyldary – Atyraý qalasynyń ákimi. 2014-2017 jyldary – Qazaqstan Respýblıkasy Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, bólim meńgerýshisiniń orynbasary. 2017-2020 jyldary – Qazaqstan Respýblıkasy Parlamenti Májilisi Apparatynyń basshysy.

2020 jyldyń qańtar aıynan bastap qazirgi qyzmetinde.

«Qurmet» ordenimen marapattalǵan.