4 qyrkúıek. Jylnama
Kazinform oqyrman nazaryna 4 qyrkúıekke arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Halyqaralyq thekvondo kúni
Dúnıejúzilik thekvondo federatsııasy bul kúndi resmı túrde 2006 jyly Hoshımın qalasynda (Vetnam) ótken Bas assambleıada bekitti. Merekeni 4 qyrkúıekte merekeni atap ótý uıǵaryldy, óıtkeni 1994 jyly osy kúni Halyqaralyq Olımpıada komıteti thekvondony olımpıadalyq sport túri retinde resmı túrde engizdi. Alǵash ret thekvondodan jarys 2000 jyly Sıdneıdegi jazǵy Olımpıada oıyndarynda ótti.
ESTE QALAR OQIǴALAR
2009 jyly BUU-nyń Qazaqstandaǵy damý baǵdarlamasy jáne «Samuryq-Energo» AQ elimizde jel jáne kún elektr stantsııalaryn salý jobalaryn iske asyrý úshin jańartylatyn energııa kózderin paıdalaný salasyndaǵy yntymaqtastyq týraly memorandýmǵa qol qoıdy.
2009 jyly Astanada alǵash ret ákimdik aldyndaǵy alańda «Halyqtar dostyǵy-2009» V Halyqaralyq avtosherýi bastaldy. Shara «Mercur Auto», «Volkswagen AG» kompanııalarynyń qoldaýymen uıymdastyryldy. Astana – Býrabaı – Kókshetaý – Qostanaı – Aqtóbe – Oral baǵyty boıynsha ótken marshrýttyń jalpy uzyndyǵy 2086 shaqyrym boldy.
2010 jyly TMD jáne Baltyq elderiniń 14-shi ulttyq kınematografııa forýmynda qazaqstandyq rejısser Rashıd Nuǵmanovtyń «Igla. Remıks» týyndysynyń tusaýkeseri boldy. «Igla» fılmine rejısserdiń ertede túsirilgen materıaldary, sondaı-aq komıkster, grafıkalyq elementter qosyldy.
2013 jyly Qazaqstan Sankt-Peterbýrgtaǵy «TOP-20» sammıtine EýrAzEQ, Kedendik odaq jáne TMD ókili retinde shaqyryldy.
2016 jyly elordada Astana Marafon halyqaralyq deńgeıdegi aýqymdy sport sharasy – qaıyrymdylyq marafony bastaldy. Іs-sharaǵa 4 500 adam qatysty. Sonyń ishinde álemniń 25 elinen (AQSh, Frantsııa, Italııa, Japonııa, Aýstralııa, Germanııa, Iran, Irlandııa, Belgııa, Reseı, Brazılııa, Estonııa, Qytaı, Ońtústik Koreıa, Túrkııa, Grekııa, Kanada, BAÁ, Nıderland jáne basqa da elder) kelgen sportshylar boldy.
2016 jyly Qazaqstan Prezıdenti Qytaıda ótken G20 sammıtine qatysyp, sóz sóıledi.
«Úlken jıyrmalyq» sammıti Hanchjoý qalasynda ótti, onyń basty taqyryby – «Innovatsııalyq, salaýatty, ózara baılanysty jáne ınklıýzıvti jahandyq ekonomıkany qurý». Sammıti aıasynda QR Prezıdentiniń memleket basshylary, sheteldik delegatsııalar men qytaılyq bıznes ókilderimen kelissózderi ótti.
2019 jyly Nur-Sultanda Azııa qurlyǵynda ornalasqan elder arasyndaǵy ádebı jáne mádenı baılanystardy nyǵaıtýǵa jáne odan ári damytýǵa baǵyttalǵan Azııa elderi jazýshylarynyń alǵashqy forýmy ótti. Іri halyqaralyq is-sharaǵa alǵash ret Qytaı, Úndistan, Reseı, Iran, Japonııa, Túrkııa, Saýd Arabııasy, Birikken Arab Ámirlikteri, Izraıl, Ońtústik Koreıa, Ońtústik-Shyǵys jáne Ortalyq Azııa elderi sııaqty Azııanyń 44 eliniń ókilderi qatysty. Forým qorytyndysy boıynsha forým delegattarynyń Azııa ádebıetin damytý máseleleri boıynsha memleketter basshylary men Azııa úkimetterine ádebı jobalardy qoldaý týraly usynystarymen úndeýi qabyldandy.
2020 jyly Shyǵys Qazaqstandaǵy Eleke Sazy alqabynda arheologtar saq qoǵamy bıleýshisiniń at ábzelderin tapty. Jıyntyqtyń ishinde barlyǵy 850 buıym boldy. Daıyndaý tehnologııasy, materıaldary, pishinderi men sıýjetteri boıynsha altyn buıymdar b.z.d. V-IV ǵasyrlarǵa jatyp, Tarbaǵataı saqtarynyń óner eskertkishteri sanalady. Zergerlik buıymdardyń biregeıligi daralyǵynda, baılyǵynda, sapaly oryndalýynda baıqalady.
2020 jyly Ázerbaıjan, Qazaqstan, Qyrǵyzstan, Túrkııa jáne Ózbekstannyń birinshi túrkitanýshy stýdentterdiń quryltaıy ótti. Onda túrkitaný mamandyǵy boıynsha bilim alyp jatqan stýdentter baıandama oqyp, folklor, ádebıet, til bilimi, túrki halyqtarynyń salt-dástúrleri jónindegi zertteýleri týraly oı bólisti. Bul quryltaı – Túrkologııa kafedralary keńesiniń otyrysynda qabyldanǵan sheshimderdiń oryndalýynyń jemisi.
2021 jyly Tokıoda ótken Paralımpıada oıyndaryna 25 sportshy qatysyp, Qazaqstan Paralımpıada oıyndarynyń medaldary – «altyn», eki «kúmis» jáne bir «qola» boıynsha tarıhı rekord ornatty. Olar – paýerlıftshi Davıd Degtıarev, dzıýdoshylar Temirjan Dáýlet, Ánýar Sarıev, Zarına Baıbatına, sýda júzýden Nurdáýlet Jumaǵalı.
2021 jyly Taraz qalasynyń turǵyny Qyzyl juldyz aýylynyń janynan bir ýys kóne moneta taýyp alǵan. Tabylǵan zattar usaqtap kesilgen. Ǵalymdar ony belgili bir saýdagerge tıesili dep boljady.
2023 jyly Astanadaǵy EKSPO halyqaralyq kórme ortalyǵynda «Qonaqjaı ólke. Sapaly ónim» uranymen JaHandyq Seriktester forýmynyń saltanatty ashylýy ótti. Bul is-shara ıntegratsııany jaqsartý jáne TMD aımaǵyndaǵy seriktestermen tájirıbe almasý, sondaı-aq yntymaqtastyqtyń jańa nysandaryn yntalandyrý maqsatynda uıymdastyryldy.
2023 jyly Qazaqstanda otbasylarǵa, áıelder men balalarǵa kómektesetin biryńǵaı telefon nómiri paıda boldy. TsDIAEM baılanys qyzmetterin paıdalanýshylar úshin tegin qosylýǵa bolatyn jedel medıtsınalyq, quqyq qorǵaý, órt sóndirý, apattyq jáne basqa qyzmetter tizimin keńeıtti. Atap aıtqanda, qazaqstandyqtarǵa 111 telefony arqyly aqparattyq-anyqtamalyq, uıymdastyrýshylyq sıpattaǵy tegin baılanys qyzmetteri, sondaı-aq psıhologııalyq kómek, azamattardyń zańdy quqyqtaryn qamtamasyz etýge qatysty barlyq máseleler boıynsha bastapqy keńester kórsetile bastady.
