4 aqpanda eldegi qaı joldar jabyq tur

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady. 

Ulttyq kompanııanyń málimetinshe, 2026 jylǵy 4 aqpan saǵat 08:00-den bastap kelesi avtojol ýchaskelerinde jolaýshylar tasymaldaıtyn reıstik avtobýstar men júk kólikteriniń qozǵalysy shekteldi:

Aqtóbe oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 776-1240-shaqyrymy («EKO oıl» janarmaı quıý beketi – Qyzylorda oblysynyń shekarasy aralyǵy).

Qyzylorda oblysy

• osy avtojoldyń 1240-1362-shaqyrymy (Aqtóbe oblysynyń shekarasy – Aral qalasy aralyǵy).

Qozǵalys 2026 jylǵy 4 aqpanda saǵat shamamen 13:00-de jandanady.

Jabyq joldar

Aýa raıynyń nasharlaýyna baılanysty kelesi respýblıkalyq mańyzy bar avtojoldarda kóliktiń barlyq túri úshin qozǵalysqa shekteldi:

Aqtóbe oblysy

• «Aqtóbe – Qandyaǵash – Dossor – Atyraý – RF shekarasy» avtojoly, 11-104-shaqyrymy (Aqtóbe qalasy – Qandyaǵash qalasy);
• osy joldyń 104-250-shaqyrymy (Qandyaǵash qalasy – Qaraýylkeldi kenti);
• osy joldyń 250-337-shaqyrymy (Baıǵanın kenti – Atyraý oblysynyń shekarasy).

Atyraý oblysy

• «Aqtóbe – Qandyaǵash – Dossor – Atyraý – RF shekarasy (Qurmanǵazy ótkizý beketi)» avtojolynyń 337-346-shaqyrymy (Aqtóbe oblysynyń shekarasy – Saǵyz aýyly).

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.

Shyǵys Qazaqstan oblysy

• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Eske salaıyq, buǵan deıin Qazaqstannyń 15 oblysynda aýa raıyna baılanysty eskertý jarııalandy.