Qostanaı oblysynyń Naýyrzym aýdanynda turǵyn úı qurylysyn jaqsartý jumystary bastaldy

QOSTANAI. KAZINFORM — 357 mıllıon teńgege baspana satyp alýǵa baǵyttalǵan aýqymdy jobanyń iske asyrylýy bastaldy .

Azamattardyń turǵyn úı jaǵdaıyn jaqsartý maqsatyndaǵy memlekettik baǵdarlama aıasynda mańyzdy kezeń bastaldy – bolashaq qurylysqa arnalǵan aýmaqty daıyndaý jumystary qolǵa alyndy. Ótken aptada nysan aýmaǵynda mamandar jumysqa kirisip, jerdi tazalaý sharalaryn bastady. Al osy aptada eski qurylystardy buzý jumystary josparlanǵan.

Jaqyn kúnderi aýyr tehnıkanyń kelýi kútilýde, bul alańdy daıyndaý úderisin jedeldetýge múmkindik beredi.

357 mıllıon teńge kólemindegi memlekettik satyp alýlar esebinen qarjylandyrylatyn bul joba halyqty jaıly ári qoljetimdi baspanamen qamtamasyz etýge baǵyttalǵan. Jobany iske asyrý tek jańa páterler salýǵa ǵana emes, sonymen qatar aýdannyń ınfraqurylymyn jaqsartyp, turǵyndardy zamanaýı, abattandyrylǵan úılermen qamtýǵa jol ashady.

– Biz jumys barysyndaǵy aıtarlyqtaı alǵa ilgerileýdi baıqap otyrmyz – qazirdiń ózinde aýmaqty daıyndaý qyzý júrgizilýde. Aldaǵy aptalarda arnaıy tehnıkanyń kómegimen úderis jańa kezeńge ótip, qurylys jumystarynyń bastalýyna jaqyndaı túsedi, – dedi tapsyrys berýshi taraptyń ókilderi.

Bul joba – turǵyn úı qoryn damytý men halyqtyń ómir súrý sapasyn arttyrý jolyndaǵy mańyzdy qadam. Jańa baspananyń paıdalanýǵa berilýi óńir men onyń turǵyndary úshin aıtýly oqıǵa bolmaq.

Eske sala keteıik, Qostanaıda salmaǵy 7 keli sábı dúnıege kelgenin jazǵan bolatynbyz.