35 telefon, 3 qymbat kólik tárkilendi: Jetisýda adamdardy aldap kelgen qylmystyq top ustaldy
TALDYQORǴAN. KAZINFORM - Jetisý oblysy prokýratýrasynyń úılestirýimen quqyq qorǵaý organdary búkil el boıynsha aldaý jolymen alaıaqtyqpen jáne aqsha qarajatyn qolma-qol aqshaǵa aınaldyrýmen aınalysqan qylmystyq top qyzmetiniń jolyn kesti. Bul týraly oblys prokýratýrasy málim etti.
Kúdiktilerdiń turǵylyqty jeri boıynsha 35 uıaly telefon, 135 sım-karta, 2 pnevmatıkalyq tapansha jáne 3 qymbat kólik tárkilendi.
Sotqa deıingi tergep-tekserý bastalyp, jedel-tergeý is-sharalary júrgizilip, zardap shekkender anyqtalyp jatyr.
Qazirdiń ózinde 70 jábirlenýshi anyqtaldy, olardyń shyǵyny 100 mıllıon teńgeden asady, zardap shekkender sany kóbeıip jatyr.
«Qurmetti azamattar qyraǵy bolyp, banktik shottardyń derektemelerin eshkimge bermeńizder, sondaı-aq úshinshi tulǵalarǵa aqsha aýdarmańyzdar», - delingen habarlamada.
