345 myńnan asa qazaqstandyq Skills Enbek platformasynda bilim aldy

ASTANA. KAZINFORM — Jyl basynan beri 345,8 myń azamat, onyń ishinde 49 myńǵa jýyq jumyssyz Skills Enbek kásiptik oqytý platformasynda onlaın-kýrstardan ótkeni týraly sertıfıkattar aldy, dep habarlaıdy Eńbekmıni.

Mınıstrlik dereginshe, platformada barlyǵy 839,7 myń qazaqstandyq tirkelgen, onyń 353,3 myńy — 2025 jyly qosylǵan. Bul rette platforma jumysynyń barlyq kezeńinde 718,6 myń adam oqýdan ótti.

Oqýdy aıaqtaǵan 49 myń jumyssyz azamattyń shamamen 14 myńǵa jýyǵy negizinen Astana, Almaty jáne Shymkent qalalarynan, sondaı-aq Túrkistan jáne Qyzylorda oblystarynan (16-35 jas aralyǵyndaǵy) jastar boldy.

— Platforma iske qosylǵannan bastap avtorlar ártúrli baǵyttar boıynsha 1 000-n astam kýrs jarııalady, onyń 375-i tegin. Sondaı-aq, odan ári oqý úshin bilim berý alańdaryna aýysý múmkindigimen Courstore, Fluent Education jáne ıAndeks Qazaqstan seriktesteriniń kýrstary bar. Kýrstardyń uzaqtyǵy 1-den 72 saǵatqa deıin. Qyrkúıek aıyndaǵy eń tanymal kýrstar: «IT ı telekommýnıkatsıı», «Povar-kondıter», «Seniń mansaptyq bastamań: „Elektrondyq eńbek bırjasyn“ qalaı paıdalanýǵa bolady», «Ýpravlenıe personalom», «Pishý jáne tigý», — delingen habarlamada.

Platformada áleýmettik qyzmet kórsetý jáne t. b. salalardaǵy túrli mamandyqtar boıynsha tegin kýrstar sany únemi artyp keledi.

Oqýǵa https://skills.enbek.kz/ siltemesi arqyly nemese Elektrondyq eńbek bırjasynda (Enbek.kz) «Onlaın oqytý» bólimin tańdaý arqyly qol jetkizýge bolady.

Platformada bilim alýshy oqytýdyń qolaıly qarqyny men tilin, materıaldy berýdiń yńǵaıly prıntsıpin derbes tańdaıdy, bilim berý úderisindegi óziniń ilgerileýin baqylaı alady.

Oqý aıaqtalǵannan keıin bilim alýshy 70% shekti deńgeımen testileý tapsyrýǵa tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty — bilim alýshy tarapynan kýrsty baǵalaý. Sertıfıkatty júkteý kezinde ıgergen daǵdylar boıynsha Enbek.kz-te bos jumys oryndarynyń usynystary qosyldy.

Alynǵan sertıfıkat Enbek.kz-te tirkelgen kezde bilim alýshy jasaǵan túıindemede avtomatty túrde kórsetiledi. Qyzmetkerlerdi izdeý kezinde áleýetti jumys berýshi platformada sátti oqýdan keıin alynǵan sertıfıkattardy kóre alady.

Avtorlar men ázirleýshilerge arnalǵan platformada onlaın kýrstardy ornalastyrý tegin. Kýrstar memlekettik, orys jáne aǵylshyn tilderinde ornalastyrylýy múmkin, aqparat berýdiń ártúrli formattary: mátin, prezentatsııa, beıne jáne aýdıo materıaldar, ınfografıka jáne basqa túrleri bolýǵa tıis. Platforma erekshe qajettilikteri bar bilim alýshylar úshin ınterfeısti beıimdeý múmkindigin boljaıdy.

Osyǵan deıin AI-Sana baǵdarlamasy aıasynda 650 myń stýdent jasandy ıntellekt negizderine oqytylatyny anyqtaldy.