32 jastaǵy aqmolalyqtyń ólimine baılanysty tergeý júrip jatyr

KÓKShETAÝ. KAZINFORM – Aqmola oblysynda Egindikól aýyly turǵynynyń ólimine baılanysty iz qozǵalyp, sotqa deıingi tergeý amaldary júrgizilip jatyr.

Aqmola oblysy PD baspasóz qyzmetiniń málimetinshe, Egindikól aýylynyń turǵyny 32 jastaǵy er adam shańsorǵyshtyń shlángisin kóliktiń tútin shyǵatyn tútigine bekitip, eki jaǵyn júk salǵysh arqyly salonǵa jibergen. Osynyń saldarynan kólik órtenip, er adam kómirtegi totyǵymen ýlanyp kóz jumǵan.

«Qazirgi kezde osyǵan baılanysty óz-ózine qol jumsaý deregi boıynsha Qylmystyq kodekstiń 105-baby 1-bóligi boıynsha (óz-ózine qol jumsaýǵa deıin jetkizý) sotqa deıingi tergeý sharalary qolǵa alyndy. Er adamnyń óz-ózine qol jumsaýǵa ıtermelegen sebepter men mán-jaıdy anyqtaý boıynsha saraptama taǵaıyndaldy», - dep túsindirdi Kazinform tilshisiniń saýalyna Aqmola oblysy PD baspasóz qyzmetinen.

Aıta ketsek, budan buryn Aqmola oblysynda 39 jastaǵy er adam qonaq úı aýlasynda asylyp qalǵanyn jazǵan edik.