31 naýryz. Tulǵalar týǵan kún

ASTANA. QazAqparat – Búgin, ıaǵnı 31 naýryzda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

75 jyl buryn(1948) kompozıtor, Qazaq KSR eńbek sińirgen óner qaıratkeri, Qazaqstan Kompozıtorlar odaǵy basqarmasynyń múshesi, QR Memlekettik syılyǵynyń laýreaty Almas Ermekuly SERKEBAEV dúnıege keldi.

Almaty qalasynda týǵan. 1966 jyly mýzykalyq mektepti, 1973 jyly Almaty konservatorııasynyń (qazirgi Qazaq ulttyq konservatorııasy) kompozıtsııa (Ǵ. Jubanovanyń klasy boıynsha) bólimin bitirgen. 1973-1974 jyldary – osynda stajer-zertteýshi, 1974-1978 jyldary – stajer-assıstent, 1982 jyldan Qazaqstan Kompozıtorlar odaǵynyń dybys jazý kabınetiniń meńgerýshisi boldy. Sımfonııalyq, aspaptyq-kameralyq, vokaldyq jáne estradalyq janrda eńbek etti. Onyń kameralyq orkestrge arnalǵan «Shalqyma» (1974), «Kerbez» (1976), «Otyrar» (1979), «Shertpe kúı» (1982); «Horlan», «Máńgi óshpes dańq» (1974) atty vokaldyq shyǵarmalary; «Aqsaq qulan» baleti (1975) men «Maýglı, meniń baýyrym» rok-opera-baleti (1982), t.b. bar.

Qazaqstan Memlekettik syılyǵynyń ıegeri (1986).

56 jyl buryn (1967) Jambyl oblysynyń ákimi Nurjan Moldııaruly NURJІGІTOVdúnıege keldi.

1991 jyly Eńbek Qyzyl Tý ordendi Lenıngrad aýylsharýashylyq ınstıtýtyn «Injener-mehanık», 2008 jyly Jambyl gýmanıtarlyq tehnıkalyq ýnıversıtetin «Ekonomıka» mamandyqtary boıynsha bitirgen. Tehnıka ǵylymdarynyń kandıdaty, Qazaq ulttyq agrarlyq ýnıversıtetiniń qurmetti professory.

Eńbek jolyn 1991 jyly Jýaly aýdany Maksım Gorkıı atyndaǵy kolhozynda mehanık bolyp bastaǵan.
Ár jyldary Tóle bı atyndaǵy agrobirlestiktiń bas ınjeneri, Jýaly aýdany ákimi apparatynyń mamany, bas mamany, bólim meńgerýshisi, Jýaly aýdany ákimdiginiń kásipkerlik bóliminiń basshysy, Jambyl oblysy ákimi apparatynyń bas ınspektory, bólim meńgerýshisi, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basshysynyń orynbasary, basqarma basshysy, Jambyl oblysy ákimdiginiń aýyl sharýashylyǵy basqarmasynyń basshysy, Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy qyzmetterin atqarǵan. Baızaq aýdany ákimi qyzmetin atqardy. 2021 jyldyń sáýir aıynan búginge deıin Jambyl oblysy ákiminiń orynbasary bolyp keldi.

Qazirgi qyzmetinde – 2022 jyldyń sáýirinen.

54 jyl buryn (1968) Qazaqstan Respýblıkasy Qarýly Kúshteri joǵary qolbasshylyǵynyń ókili, general-leıtenant Talǵat Jeńisuly JANJÚMENOV dúnıege keldi.

Shyǵys Qazaqstan oblysynyń Ulan aýdany Asýbulaq aýylynda dúnıege kelgen. 1989 jyldan bastap Batys áskeri tobynda qyzmet etti. 1993 jyldan bastap QR QK-inde tyl qurylymdarynda ártúrli qyzmetter atqardy. 1999 jyly RF Qorǵanys mınıstrliginiń Tyl jáne kólik áskerı akademııasyn úzdik jáne altyn medalmen bitirdi, odan keıin QR QK Bas shtabnyń Tylmen qamtamasyz etý departamentiniń, keıinnen QR QM Tyl departamentiniń tyl basqarmasynyń azyq-túlik qyzmetiniń bastyǵy boldy. 2010-2013 jyldary – QR Qorǵanys mınıstriniń orynbasary, 2013-2014 jyldary – QR Qorǵanys mınıstrligi Áskerı-tehnıkalyq saıasat departamentiniń bastyǵy, 2014-2015 jyldary – QR Prezıdent Ákimshiligi Qaýipsizdik keńesi hatshylyǵy meńgerýshisiniń orynbasary, 2015-2016 jyldary QR Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi qyzmetin atqardy. 2016-2019 jyldary – QR Qorǵanys mınıstriniń orynbasary. 2019 jyldyń sáýir-shilde aılarynda tsıfrlyq damý, qorǵanys jáne aeroǵarysh ónerkásibi birinshi vıtse-mınıstri boldy. 2019-2021 jyldary – QR Indýstrııa jáne ınfraqurylymdyq damý eks-vıtse-mınıstri.2010 jylǵy 7 mamyrda general-maıor ataǵy berildi.

40 jyl buryn(1983) QR Qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Jetkergenuly ORALMAǴAMBETOV dúnıege keldi.

Aqtóbe oblysynda týǵan. Máskeý avıatsııa ınstıtýtyn bitirgen.

Eńbek jolyn 2006 jyly M.V. Hrýnıchev atyndaǵy memlekettik ǵarysh ǵylymı-óndiristik ortalyǵynda ınjener-konstrýktor bolyp bastaǵan. 2010–2012 jyldary «Báıterek» Qazaqstan–Reseı birlesken kásiporny» AQ ókildiginde bas maman, bólim basshysy boldy. 2012–2014 jyldary — QR Ulttyq ǵarysh agenttiniń Ǵarysh qyzmetin damytý departamentiniń dırektorynyń orynbasary; dırektory. 2014–2015 jyldary — QR Investıtsııalar jáne damý mınıstrliginiń Aeroǵarysh komıtetiniń Jobalardy súıemeldeý basqarmasynyń basshysy. 2015–2016 jyldary — «Ǵalam» JShS bas dırektory. 2016–2017 jyldary QR Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń mindetin atqarǵan. 2017 jylǵy mamyrdan bastap 2019 jylǵa deıin – QR Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń orynbasary laýazymyn atqarǵan.

Qazirgi qyzmetinde 2019 jyldyń mamyr aıynan bastap eńbek etedi.

34 jyl buryn (1989) Qazaqstan Respýblıkasy Prezıdentiniń Ákimshiligi Basshysynyń orynbasary – Prezıdenttiń Baspasóz hatshysy Rýslan Sultanuly JELDІBAI dúnıege keldi.

2010 jyly T.Rysqulov atyndaǵy Qazaq ekonomıkalyq ýnıversıtetin bitirgen. «Bolashaq» halyqaralyq bilim berý baǵdarlamasynyń túlegi. 2017 jyly Ýorık ýnıversıtetiniń (Ulybrıtanııa) magıstratýrasyn támamdaǵan.

2011-2012 jyldary – «Qazaqstan» ulttyq telearnasynda redaktor, 2012-2018 jyldary – «Almaty» telearnasynda bólim basshysy, prodıýser, 2018-2019 jyldary – QR Aqparat jáne qoǵamdyq damý mınıstrliginiń Aqparat komıteti Internet keńistikte jáne áleýmettik jelilerde aqparattyq jumys júrgizý basqarmasynyń basshysy, 2019-2020 jyldary – QR Aqparat jáne qoǵamdyq damý mınıstrliginiń Aqparat komıteti tóraǵasynyń orynbasary, 2020 jyldyń mamyr aıynan 2022 jyldyń aqpan aıyna deıin – QR Prezıdent Ákimshiligi Іshki saıasat bólimi meńgerýshisiniń orynbasary, 2022 jyldyń aqpan aıynan sáýir aıyna deıin – QR Premer-Mınıstri Keńsesi basshysynyń orynbasary, 2022 jyldyń sáýir aıynan 2023 jyldyń qańtar aıyna deıin – Qazaqstan Respýblıkasy Prezıdentiniń Baspasóz hatshysy.

Qazirgi qyzmetinde - 2023 jyldyń qańtarynan.