31 naýryzda respýblıka joldaryndaǵy ahýal qandaı

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 31 naýryz saǵat 08:00-degi jaǵdaı boıynsha, Shyǵys Qazaqstan oblysynda respýblıkalyq mańyzy bar «Óskemen – Altaı – Úlken Naryn – Katonqaraǵaı – Rahman qaınary» avtojolynyń 46-66-shaqyrym aralyǵynda (Osınov asýy) barlyq kólik túri úshin qozǵalys ashyldy.

Al kelesi avtojoldarda qozǵalys shekteldi:

Soltústik Qazaqstan oblysy

• «Tımırıazevo – Sarykól – Qostanaı oblysynyń shekarasy» avtojoly, 0-30-shaqyrym (Tımırıazevo aýyly – Qostanaı oblysynyń shekarasy aralyǵy).

Pavlodar oblysy

• «Astana – Shiderti – Pavlodar – Ýspenka – RF shekarasy» avtojoly (Qalqaman jol aıryǵynan Qalqaman kentine kirý jáne Astanaǵa shyǵý).

Qostanaı oblysy

• Sý tasýyna (eni – 70 m, bıiktigi – 20 sm) jáne Reseıdegi joldardyń jabylýyna baılanysty «Marınovka aýylyna kireberis» avtojolynyń 0-9-shaqyrym aralyǵynda ýchaskesinde kóliktiń barlyq túri úshin qozǵalys shekteldi.

Eske salaıyq, sınoptıkter 31 naýryzda Qazaqstannyń 14 óńirinde qolaısyz aýa raıyna baılanysty eskertý jasaǵan edi.