31 qazan. Tulǵalar týǵan kún
Búgin, 31 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
70 jyl buryn (1954) Qazaustan Respýblıkasy Jýrnalıster Odaǵynyń tóraǵasy Seıitqazy Beısenǵazyuly MATAEV dúnıege keldi.
RSFSR-diń Altaı ólkesi Novogrıgorevsk aýdany Lebıaje selosynda týǵan. 1980 jyly Qazaq memlekettik ýnıversıtetin «jýrnalıstıka» mamandyǵy boıynsha bitirdi.
Eńbek joly: 1980-1982 jyldary TASS - KazTAG-tyń Torǵaı oblysy, al 1982-1986 jyldary Qaraǵandy oblysy boıynsha menshikti tilshisi bolyp jumys istedi. 1986-1989 jyldary oblystyq «Indýstrıaldy Qaraǵandy» gazeti bas redaktorynyń orynbasary, 1989-1991 jyldary «Izvestııa» gazetiniń Qazaq KSR-i boıynsha menshikti tilshisi, 1991-1993 jyldary QR Prezıdentiniń baspasóz hatshysy, al 1993-1994 jyldary - QR Premer-mınıstriniń baspasóz hatshysy bolyp qyzmet atqarǵan. 1994-1996 jyldary qaıtadan «Izvestııa» gazetiniń QR boıynsha menshikti tilshisi, 1996 jyldan qazirgi ýaqytqa deıin Ulttyq baspasóz klýbynyń prezıdenti, al 2001 jyly Qazaqstan Jýrnalıster Odaǵynyń basqarma tóraǵasy bolyp, 2006 jyly ekinshi merzimge qaıta saılandy.
Qazaqstan Jýrnalıster Odaǵy – Respýblıkalyq jýrnalıster Kongresiniń quryltaıshysy, sondaı-aq TMD Jýrnalıster uıymdary Konfederatsııasynyń jáne Qazaqstan shyǵarmashylyq Odaqtary Konfederatsııasynyń quryltaıshysy.
Ol sonymen qatar Qazaqstan Prezıdenti janyndaǵy BAQ jónindegi qoǵamdyq keńestiń, jýrnalıstik syılyqtar men Memleket basshysynyń granttaryn beretin komıssııanyń múshesi.
S.B. Mataev – KSRO Jýrnalıster odaǵy syılyǵynyń laýreaty, Qazaqstan Jýrnalıstıka Akademııasynyń tolyq múshesi, TDM jýrnalıster uıymdary Konfederatsııasynyń vıtse-prezıdenti.
54 jyl buryn (1970) Qazaqstan Respýblıkasy Energetıka mınıstri Almasadam Maıdanuly SÁTQALIEV dúnıege keldi.
Almaty qalasynda týǵan. 1992 jyly ál-Farabı atyndaǵy Qazaq Ulttyq Ýnıversıtetin támamdaǵan, (mehanık). 2013 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn, (ekonomıka magıstri), 2015 jyly Nazarbaev Ýnıversıteti Joǵary bıznes mektebin (Basqarýshy kadrlar úshin iskerlik ákimshilendirý magıstri), 2016 jyly Stenford Ýnıversıteti, Joǵary bıznes mektebin (Basqarýshy kadrlar baǵdarlamasy) bitirdi. Ekonomıka ǵylymynyń kandıdaty.
Eńbek joly: 1992-1997 jyldary «TaSSaT» JShS dırektory, 1997-2001 jyldary «Qaztransoıl» JAQ Jobalardy basqarý departamentiniń bastyǵy, 2001-2006 jyldary «KEGOC» AQ birinshi vıtse-prezıdenti, 2006-2007 jyldary «Samuryq» AQ elektr energetıkalyq aktıvterdi basqarý jónindegi dırektory bolyp qyzmet atqarǵan. 2007 jyly QR Energetıka jáne mıneraldyq resýrstar mınıstrliginiń vıtse-mınıstri, 2007-2011 jyldary «KEGOC» AQ basqarma tóraǵasy, 2011-2012 jyldary «Samuryq-Qazyna» AQ basqarýshy dırektory, 2012-2018 jyldary «Samuryq-Energo» AQ basqarma tóraǵasy, 2018 jyly «KAZENERGY» ZTB tóraǵasynyń orynbasary bolyp qyzmet atqardy. 2018-2021 jyldary «Samuryq-Qazyna» AQ aktıvterdi basqarý jónindegi basqarýshy dırektory qyzmetinde. 2021-2023 jyldary AQ «Samuryq-Qazyna» basqarmasynyń tóraǵasy laýazymyn atqarǵan.
2023 jylǵy 4 sáýirden bastap QR Prezıdentiniń Jarlyǵymen Energetıka mınıstri bolyp taǵaıyndaldy.
«Qurmet», «Parasat» ordenderimen, «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl», «Qazaqstan Respýblıkasynyń táýelsizdigine 25 jyl», «Kazenergy qaýymdastyǵyna 10 jyl» medaldarymen marapattalǵan. TMD-nyń eńbek sińirgen energetıgi.
53 jyl buryn (1971) Qazaqstan Respýblıkasynyń Grýzııadaǵy Tótenshe jáne Ókiletti Elshisi Málik Keńesbaıuly MYRZALIN dúnıege kelgen.
Aqtóbe qalasynda týǵan. 1996 jyly Máskeý memlekettik halyqaralyq qatynastar ınstıtýtyn, 2000 jyly RF Syrtqy ister mınıstrliginiń Dıplomatııalyq akademııasynda aǵa dıplomattarǵa arnalǵan halyqaralyq kýrstaryn, 2006 jyly AQSh-taǵy Iel ýnıversıtetiniń basqarý mektebin (halyqaralyq qatynastar boıynsha maman) bitirdi.
Eńbek jolyn 1989 jyly bastaǵan. Ortalyq jáne jergilikti organdarda jumys isteý tájirıbesi bar. 1995-2004 jyldary QR SIM júıesinde istegen. 2004-2006 jyldary Soltústik Qazaqstan oblysy ákimi apparatynyń basshysy boldy. 2006-2007 jyldary Soltústik Qazaqstan oblysy ákiminiń orynbasary, 2007-2008 jyldary Soltústik Qazaqstan oblysy ákiminiń birinshi orynbasary laýazymdaryn atqardy. 2008-2009 jyldary «Nur Otan» HDP Ortalyq apparaty basshysynyń orynbasary laýazymyn atqardy. 2010 jyly «Qazaqstan temir joly» UK» AQ prezıdentiniń keńesshisi bolyp istedi. 2010-2011 jyldary QR Prezıdenti Is basqarmasy apparatynyń basshysy laýazymyn atqardy. 2011-2013 jyldary QR Din isteri agenttiginiń jaýapty hatshysy boldy. 2013-2017 jyldary QR Prezıdenti Is basqarýshysynyń orynbasary, keıin 2017 jylǵy qańtarda QR Prezıdenti Is basqarýshysynyń birinshi orynbasary laýazymyn atqarǵan. 2017-2019 jyldary Aqmola oblysynyń ákimi bolǵan. 2019-2022 jyldary QR Prezıdent Ákimshiligi basshysynyń orynbasary qyzmetinde.
2022 jyldyń jeltoqsan aıynan bastap qazirgi qyzmetinde.
«Qurmet» ordenimen, «Eren eńbegi úshin» medalimen nagradtalǵan. QR qurmetti sport qaıratkeri.
43 jyl buryn(1981) Qazaqstan Respýblıkasy Tótenshe jaǵdaılar mınıstrligi «Qazavıaqutqarý» AQ áýe kompanııasynyń bas dırektory Alpamys Ámirǵalıuly KAMALOV dúnıege keldi.
Oral qalasynda týǵan. Azamattyq avıatsııa akademııasyn «Áýe kóligin paıdalaný» mamandyǵy boıynsha, Oral qalasyndaǵy Eńbek jáne áleýmettik qatynastar akademııasyn «Memlekettik jáne jergilikti basqarý» mamandyǵy boıynsha, Saratov qalasyndaǵy Reseı halyq sharýashylyǵy jáne memlekettik qyzmet akademııasynyń «Memlekettik jáne jergilikti basqarý» boıynsha magıstratýrany bitirgen. Ulybrıtanııanyń Rýdloý qalasynda «Aǵylshyn tili jáne ATS frazeologııa» mamandyǵy boıynsha biliktiligin arttyrýdan ótti, «Ádetten tys tótenshe jaǵdaılardaǵy dıspetcherlerdiń is-áreketteri» sertıfıkatyna ıe, Cheh Respýblıkasy.
Eńbek jolyn Atyraý qalasynyń «Qazaeronavıgatsııa» RMK fılıalynda ınjener-dıspetcher laýazymynda bastady. Ár jyldary ártúrli basshylyq laýazymdarda jumys istedi.
Qazirgi qyzmetin 2024 jylǵy qyrkúıekten beri atqaryp keledi.
40 jyl buryn (1984) Qazaqstan Respýblıkasy Prezıdenti Ákimshiligi Jalpy bóliminiń meńgerýshisi Nurdáýlet Tóleuly TÓLEEV dúnıege keldi.
Qazaq gýmanıtarlyq zań ýnıversıtetin, QR Prezıdenti janyndaǵy Memlekettik basqarý akademııasyn bitirgen. Zańger.
Eńbek jolyn 2004 jyly Astana qalasyndaǵy «TopıÝrAýdıt KazGıÝÝ» JShS-de ıýrıskonsýlt bolyp bastady. 2005-2007 jyldary QR Prezıdenti janyndaǵy Memlekettik basqarý akademııasynyń magıstranty, odan keıin QR Zańnama ınstıtýtynyń ǵylymı qyzmetkeri, QR Parlamenti Májilisi Apparatynyń Zańnama jáne sot-quqyqtyq reforma komıtetiniń qyzmetin qamtamasyz etý bóliminiń bas konsýltanty qyzmetterin atqardy. 2008 jyldyń qarashasynan bastap QR Prezıdentiniń Ákimshiliginde jumys istep keledi: Ákimshilik basshysynyń hatshylyǵynda konsýltant, QR Prezıdenti Keńsesiniń ınspektory, sektor meńgerýshisi boldy.
2019 jyldyń shilde aıynan bastap qazirgi qyzmetinde.
«Eren eńbegi úshin» medalimen (2016) jáne 4 merekelik medalmen marapattalǵan.
28 jyl buryn (1996) qazaqstandyq shahmatshy, áıelder arasynda halyqaralyq grossmeıster, erler arasynda halyqaralyq sheber, 14, 17, 18 jáne 20 jasqa deıingi jalǵyz tórt dúrkin álem chempıony Dınara Ramazanqyzy SÁDÝAQASOVA dúnıege keldi.
Aqmola qalasynda týǵan. Shahmat oınaýdy bes jasynan úırengen. 2012 jyly 16 jasynda Qazaqstannyń áıelder arasyndaǵy eń jas grossmeısteri atanǵan.
Halyqaralyq grossmeıster ál-Aınde (BAÁ) ótken Azııanyń shahmat sammıtinde 2017 jylǵy eń úzdik shahmatshy tanyldy. Asian Chess Excellence Awards syılyǵyn ıelendi. Qyzdar arasynda álemniń tórt dúrkin chempıony. Ol – ıÝNISEF-tiń Qazaqstandaǵy erikti elshisi bolyp saılanǵan tuńǵysh qazaq qyzy.
Dınara jyl saıyn shahmattyń qyr-syryn úıretý, jastardy kásibı shyńdaý maqsatynda «Grossmeıster Dınara Sádýaqasova kýbogy» atty shahmat týrnırin ótkizip turady. 2014 jyly «Shahmattyń alǵashqy qadamdary» atty kitabyn stıpendııasyna shyǵarǵan. Osy kitappen 2016 jyldan beri qazaqstandyq oqýshylar shahmat úırenedi.
«Qurmet» ordeniniń ıegeri (2006). «Úmit» qoǵamdyq ordenimen (2017), «Daryn» memlekettik syılyǵymen (2017) marapattalǵan. 2017 jylǵy 23 jeltoqsanda BAÁ-de 4-shi jyl saıynǵy «Asian Chess Excellence Awards» marapattaý rásiminde qazaqstandyq grossmeıster D. Sádýaqasova «2017 jyldyń úzdik áıel oıynshysy» dep jarııalandy.
