31 qańtar. Tulǵalar týǵan kún
Búgin, 31 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady
57 jyl buryn (1968) Qazaqstan Respýblıkasynyń Armenııa Respýblıkasyndaǵy Tótenshe jáne Ókiletti Elshisi Bolat Barıuly IMANBAEV dúnıege keldi.
Aqmola oblysynda týǵan. Lomonosov atyndaǵy Máskeý memlekettik ýnıversıtetin, Reseı Federatsııasy Syrtqy ister mınıstrliginiń Dıplomatııalyq akademııasyn bitirgen.
Eńbek joly: 1992-1993 jyldary QR Syrtqy ister mınıstrligi TMD departamentiniń kómekshisi, 1993-1995 jyldary Aqmola oblysy ákimi apparatynyń qyzmetkeri, 1995-1997 jyldary Aqmola oblysynyń syrtqy ekonomıkalyq baılanystar komıtetiniń tóraǵasy, 1997-1998 jyldary QR Syrtqy ister mınıstrliginiń Astanadaǵy konsýldyq keńsesiniń bastyǵy, 1998-2000 jyldary Memlekettik hattama departamentiniń birinshi hatshysy, mınıstrdiń keńesshisi, QR Syrtqy ister mınıstrligi TMD isteri komıtetiniń bólim bastyǵy bolyp qyzmet atqardy. 2000-2004 jyldary Lıtvadaǵy Qazaqstan Respýblıkasy Elshiliginiń birinshi hatshysy, keńesshisi, 2004-2005 jyldary QR Syrtqy ister mınıstrligi Ekonomıkalyq jáne gýmanıtarlyq yntymaqtastyq departamentiniń dırektory, 2005-2008 jyldary Germanııadaǵy Qazaqstan Respýblıkasy Elshiliginiń keńesshisi, 2009-2011 jyldary QR Indýstrııa jáne jańa tehnologııalar mınıstrligi Halyqaralyq yntymaqtastyq departamentiniń dırektory, 2011-2014 jyldary Germanııadaǵy Qazaqstan Respýblıkasy Elshiliginiń keńesshisi, 2014-2017 jyldary Reseıdegi Qazaqstan Respýblıkasy Elshiliginiń keńesshisi-mınıstri, 2017-2019 jyldary Qazaqstan Respýblıkasynyń Sankt-Peterbýrgtegi Bas konsýly, 2019-2021 jyldary Qazaqstan Respýblıkasynyń Malaızııadaǵy Tótenshe jáne Ókiletti Elshisi, 2019-2021 jyldary Brýneı-Darýssalamdaǵy Qazaqstan Respýblıkasynyń Tótenshe jáne Ókiletti Elshisi laýazymyn atqardy.
Qazirgi qyzmetine 2021 jylǵy aqpanda taǵaıyndaldy.
54 jyl buryn (1971) Qazaqstan Respýblıkasynyń Tótenshe jaǵdaılar vıtse-mınıstri Kegen Ahmetuly TURSYNBAEV dúnıege keldi.
Shyǵys Qazaqstan oblysynda dúnıege kelgen. Lenın komsomoly atyndaǵy Rıazan joǵary áýe-desanttyq komandalyq eki márte Qyzyl Tý ýchılışesin, L. N. Gýmılev atyndaǵy Eýrazııa memlekettik ýnıversıtetin, Reseı Federatsııasy Prezıdenti janyndaǵy Reseı halyq sharýashylyǵy jáne Memlekettik qyzmet akademııasyn bitirgen.
Ár jyldary QR Respýblıkalyq ulany, QR Ulttyq qaýipsizdik komıtetiniń Shekara qyzmeti qatarynda qyzmet etken. 2020-2021 jyldary Shyǵys Qazaqstan oblysy boıynsha Tutynýshylardyń quqyqtaryn qorǵaý komıteti departamentiniń basshysy bolyp jumys istedi. 2021-2022 jyldary QR Prezıdenti Іs basqarmasynyń bólim bastyǵy, 2022-2024 jyldary QR Іshki ister mınıstrliginiń qurylymynda basshylyq qyzmetter atqardy. 2024 jyly QR TJM Azamattyq qorǵanys jáne áskerı bólimder komıtetiniń tóraǵasy boldy.
Qazirgi laýazymyn 2024 jyldyń qazan aıynan beri atqaryp keledi.
46 jyl buryn (1979) rejısser, stsenarıst, prodıýser Tólegen BAITÚKENOV dúnıege keldi.
Almaty qalasynda týǵan. Abaı atyndaǵy Qazaq ulttyq pedagogıkalyq ýnıversıtetiniń orys fılologııasy fakýltetin bitirgen.
Eńbek joly: 2011 jyly «Vremıa» gazetiniń kınosholýshysy. Fılmdegi debıýti — «Sýperbaha». 2020 jyly «Sary mysyq» fılminiń rejısseri jáne prodıýseri, 2019 jyly «Qara, qara adam», 2018 jyly «Satash» fılmderin túsirdi.
44 jyl buryn (1981) «Azyq-túlik korporatsııasy» UK» AQ basqarma tóraǵasy Asylhan Bolatuly JÝVAShEV dúnıege keldi.
T.Rysqulov atyndaǵy Qazaq ekonomıkalyq ýnıversıtetin ekonomıst mamandyǵy boıynsha bitirgen.
Eńbek joly: 2002-2009 jyldary Almaty qalasy boıynsha «ATF Bank» AQ Nesıeleý departamentiniń mamany, jetekshi mamany, bas mamany, nesıelik sarapshysy, bólim bastyǵy, 2009-2011 jyldary «QazAgroQarjy» AQ Nesıeleý jáne lızıng basqarmasynyń bastyǵy, 2011-2015 jyldary «QazAgroQarjy» AQ basqarma tóraǵasynyń orynbasary, 2015-2018 jyldary «QazAgroQarjy» AQ basqarýshy dırektory — Basqarma múshesi, «KaAgro Holdıng» AQ basqarýshy dırektory, 2018-2020 jyldary «KaAgro Holdıngi» AQ basqarma múshesi, 2020-2021 jyldary «Aýyl sharýashylyǵyn qarjylaı qoldaý qory» AQ Dırektorlar keńesiniń tóraǵasy, 2021-2022 jyldary «Agrarlyq nesıe korporatsııasy» AQ basqarma tóraǵasynyń orynbasary, basqarma múshesi boldy.
2022 jyldyń tamyzaıynan beri qazirgi qyzmetinde.
42 jyl buryn (1983) Aqtóbe oblysy prokýrorynyń orynbasary Abzal Ǵylymuly ǴYLYM dúnıege keldi.
Kostanaı oblysy, Arqalyq qalasynda dúnıege kelgen. Qazaqstan Respýblıkasy Іshki Іster Mınıstrliginiń Aqtóbe zań kolledji, M. Ótemisov atyndaǵy Batys Qazaqstan memlekettik ýnıversıtetin bitirgen.
Eńbek joly: 2005-2006 jyldary Batys Qazaqstan oblysy Oral qalasy prokýratýrasynyń Qylmystyq ister boıynsha sot qaýlylarynyń zańdylyǵyn qadaǵalaý bólimi prokýrorynyń kómekshisi, 2006 jyly Batys Qazaqstan oblysy Oral qalasy prokýratýrasynyń tergeý, anyqtaý jáne jedel-izdestirý qyzmetiniń zańdylyǵyn qadaǵalaý bólimi prokýrorynyń kómekshisi, 2006-2007 jyldary Batys Qazaqstan oblysy Oral qalasy prokýratýrasynyń tergeý, anyqtaý jáne jedel-izdestirý qyzmetiniń zańdylyǵyn qadaǵalaý bólimi qalalyq prokýrorynyń aǵa kómekshisi, 2007-2009 jyldary Batys Qazaqstan oblysy prokýratýrasynyń tergeý jáne anyqtaý zańdylyǵyn qadaǵalaý basqarmasynyń Іshki ister organdarynda tergeý jáne anyqtaý zańdylyǵyn qadaǵalaý bóliminiń bastyǵy, 20096 jyly Batys Qazaqstan oblysy prokýratýrasynyń tergeý jáne anyqtaý zańdylyǵyn qadaǵalaý basqarmasy bastyǵynyń orynbasary, 2009-2010 jyldary Batys Qazaqstan oblysy Oral qalasy prokýrorynyń orynbasary bolyp jqmys atqarǵan. 2010-2012 jyldary Batys Qazaqstan oblysy Aqjaıyq aýdanynyń prokýrory, 2012-2013 jyldary Batys Qazaqstan oblysy Oral qalasy prokýrorynyń orynbasary, 2013-2015 jyldary Batys Qazaqstan oblysy prokýratýrasynyń qylmystyq protsestiń sotqa deıingi satysynyń zańdylyǵyn qadaǵalaý basqarmasynyń bastyǵy, 2015-2016 jyldary Astana qalasy prokýratýrasynyń Qylmystyq protsesiniń sotqa deıingi satysynyń zańdylyǵyn qadaǵalaý basqarmasynyń Astana qalasy prokýrorynyń aǵa kómekshisi laýazymyn atqarǵan. 2016 jyly QR Bas prokýratýrasynyń Qylmystyq protsesiniń sotqa deıingi satysynyń zańdylyǵyn qadaǵalaý Departamenti Sybaılas jemqorlyq jáne ekonomıkalyq qylmystyq quqyq buzýshylyqtar boıynsha sotqa deıingi is júrgizýdiń zańdylyǵyn qadaǵalaý basqarmasynyń prokýrory, 2016-2017 jyldary QR Bas prokýratýrasy qylmystyq protsesiniń sotqa deıingi satysynyń zańdylyǵyn qadaǵalaý departamenti sotqa deıingi is júrgizýdiń jalpy qylmystyq quqyq buzýshylyqtar boıynsha zańdylyǵyn qadaǵalaý basqarmasynyń aǵa prokýrory, 2017 jyly QR Bas prokýratýrasynyń Qylmystyq protsesiniń sotqa deıingi kezeńiniń zańdylyǵyn qadaǵalaý departamentiniń sotqa deıingi kezeń problemalaryn taldaý bóliminiń bastyǵy, 2017 jyly QR Bas prokýratýrasynyń qylmystyq qýdalaýdyń zańdylyǵyn qadaǵalaý departamenti baqylaý-ádistemelik basqarmasy Bas prokýrorynyń kómekshisi (birinshi qyzmet), 2017-2019 jyldary QR Bas prokýratýrasynyń qylmystyq qýdalaý qyzmetiniń ishki ister organdarynyń isteri jónindegi qylmystyq qýdalaý basqarmasynyń bastyǵy, 2019-2023 jyldary Atyraý oblysy prokýrorynyń orynbasary bolyp qyzmet atqarǵan.
Qazirgi qyzmete 2023 jyldyń naýryz aıynda kiristi.
39 jyl buryn (1986) — Pavlodar oblysy prokýrorynyń orynbasary Baýyrjan Aqylbekuly ERTAEV dúnıege keldi.
Almaty oblysynda týǵan.
Eńbek joly: 2006-2020 jyldary Almaty qalasynyń prokýratýrasynda ártúrli laýazymdarda jumys istedi. 2018-2020 jyldary Alataý oblysynyń prokýrory, 2020-2023 jyldary Almaty qalasy Almaly aýdanynyń prokýrory.
2023 jyldyń qyrkúıeginen beri qazirgi qyzmetinde.
27 jyl buryn (1998) qazaq kásipqoı boksshysy Sadrıddın Álıhanuly AHMETOV dúnıege keldi.
Túrkistan oblysynda týǵan.
2016 jyldyń qarasha aıynda Sankt-Peterbýrgte (Reseı) ótken jastar arasyndaǵy álem chempıonatynda fınalda ýkraın Pavel Gýlany jeńip, chempıon atandy. Sol jeńisinen keıin Qazaqstannyń eń úzdik jas boksshysy dep tanyldy. 19 jastaǵy boksshy Qazaqstannyń eresekter quramasyna shaqyrylyp, 2016 jylǵy Olımpıada chempıony Danııar Eleýsinovpen jáne 2017 jylǵy álem chempıonatynyń júldegeri Ablaıhan Júsipovpen kúsh synasa bastady. 2017 jyldyń sáýir aıynda Bangkok qalasynda (Taıland) ótken bedeldi Korol kýbogyn jeńip aldy. 2017 jyldyń maýsym aıynda Astanada ótken Qazaqstan Prezıdentiniń Kýbogyn jeńip aldy.
Ol kásipqoı rıngtegi debıýtin 2018 jyly 7 sáýirde Videotron ortalyǵynda (Kvebek, Kanada) ótkizip, meksıkalyq Tonı Barrerasty nokaýtqa túsirdi. Ol 13 jekpe-jek ótkizip, 13 jeńiske jetti, onyń 11-in nokaýtpen jeńdi.
77 jyl buryn (1948-2008) jazýshy-dramatýrg, aýdarmashy, Qazaqstan Respýblıkasy Memlekettik syılyǵynyń, Qazaqstan Lenın komsomoly syılyǵynyń, Qyrǵyzstan Respýblıkasy T. Ábdimomynov atyndaǵy ádebı syılyǵynyń laýreaty Baqqoja MUQAI dúnıege kelgen.
Almaty oblysynda Raıymbek aýdany Narynqol aýylynda týǵan. Qazaq memlekettik ýnıversıtetin bitirgen.
Eńbek jolyn Kegen aýdandyq «Kommýnızm nury» gazetinen bastaǵan. 1970-1988 jyldary «Bilim jáne eńbek», «Juldyz» jýrnaldarynda, Qazaqstan Jazýshylar odaǵynda qyzmet istegen.
1990-1995 jyldary Mádenıet mınıstrliginiń repertýarlyq-redaktsııalyq alqasynda bas redaktor, bas basqarma bastyǵy bolǵan.
Jazýshynyń «Jalǵyz jaıaý», «Ómirzaıa» atty romandary, «Jańbyr jaýyp tur», «Ómir arnasy», «Aqqý sazy», «Mazasyz maýsym», «Dúnıe kezek», «Toıat túni», «Jeti jeli», «Alǵashqy mahabbat», «Ertegideı erteńim» atty kitaptary jaryq kórgen. Shyǵarmalary tájik, qyrǵyz, belorýs, ıakýt, tatar, bashqurt, cheh, orys, ózbek, qaraqalpaq, túrikmen, koreı tilderine aýdarylǵan.
Orys tilinde 1984 jyly «Vodovorot», 1988 jyly «Belaıa ptıtsa» atty kitaptary shyqqan. Onnan astam dramalyq shyǵarmalary Qazaqstandaǵy jáne shet elderdegi teatrlarda qoıylǵan. Birqatar jazýshynyń shyǵarmalaryn qazaq tiline aýdarǵan. Birneshe medalmen marapattalǵan.