31 qańtar. Týǵan kún ıeleri

NUR-SULTAN. QazAqparat – Búgin, ıaǵnı 31 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

74 jyl buryn (1948-2008) jazýshy-dramatýrg, aýdarmashy, Qazaqstan Jazýshylar odaǵynyń múshesi, Qazaqstan Respýblıkasy Memlekettik syılyǵynyń, Qazaqstan Lenın komsomoly syılyǵynyń, Qyrǵyzstan Respýblıkasy T. Ábdimomynov atyndaǵy ádebı syılyǵynyń laýreaty Baqqoja MUQAI dúnıege kelgen.

Almaty oblysynda Raıymbek aýdany Narynqol aýylynda týǵan. Qazaq memlekettik ýnıversıtetin bitirgen. Eńbek jolyn Kegen aýdandyq «Kommýnızm nury» gazetinen bastaǵan. 1970-1988 jyldary «Bilim jáne eńbek», «Juldyz» jýrnaldarynda, Qazaqstan Jazýshylar odaǵynda qyzmet istegen.

1990-1995 jyldary Mádenıet mınıstrliginiń repertýarlyq-redaktsııalyq alqasynda bas redaktor, bas basqarma bastyǵy bolǵan.

Jazýshynyń «Jalǵyz jaıaý», «Ómirzaıa» atty romandary, «Jańbyr jaýyp tur», «Ómir arnasy», «Aqqý sazy», «Mazasyz maýsym», «Dúnıe kezek», «Toıat túni», «Jeti jeli», «Alǵashqy mahabbat», «Ertegideı erteńim» atty kitaptary jaryq kórgen.Shyǵarmalary tájik, qyrǵyz, belorýs, ıakýt, tatar, bashqurt, cheh, orys, ózbek, qaraqalpaq, túrikmen, koreı tilderine aýdarylǵan.

Orys tilinde 1984 jyly «Vodovorot», 1988 jyly «Belaıa ptıtsa» atty kitaptary shyqqan.

Onnan astam dramalyq shyǵarmalary Qazaqstandaǵy jáne shet elderdegi teatrlarda qoıylǵan.

Birqatar jazýshylardyń shyǵarmalaryn qazaq tiline aýdarǵan. Birneshe medalmen marapattalǵan.

61 jyl buryn (1961) Qazaqstannyń Belarýs Respýblıkasyndaǵy Tótenshe jáne Ókiletti elshisi, TMD jarǵy mekemeleri janyndaǵy turaqty ókil qyzmetin qosa atqarýshy Asqar Asanuly BEISENBAEV dúnıege keldi.

Ońtústik Qazaqstan oblysy Túlkibas aýdanynda týǵan. Jambyl jeńil jáne tamaq ónerkásibi tehnologııalyq ınstıtýtyn (M.H.Dýlatı atyndaǵy Taraz memlekettik ýnıversıteti Tehnologııalar jáne aqparattyq júıeler ınstıtýty), Reseı-Qazaqstan Qazirgi zamanǵy Gýmanıtarlyq ýnıversıtetin bitirgen.

1983-1988 jyldary – Túlkibas konservi zaýytynyń aýysym ınjener-tehnology, «Lenın joly» keńsharynyń konservi tsehynyń bas tehnology, bastyǵy, LKJO Saıram aýdandyq komsomol komıtetiniń ekinshi hatshysy.

1988-1994 jyldary – Túlkibas konservi zaýytynyń bas ınjeneri, dırektory, Túlkibas nantaǵamdary kombınatynyń dırektory. 1994-1998 jyldary – prezıdent AO «Kókterek» aktsıonerlik qoǵamynyń prezıdenti.

1998-2001 jyldary – Ońtústik Qazaqstan oblysy Túlkibas aýdanynyń ákimi qyzmetterin atqarǵan. 2001-2004 jyldary - Qazaqstan Respýblıkasy Parlamenti Májilisiniń ekinshi shaqyrylymynyń depýtaty.2004-2007 jyldary – Qazaqstan Respýblıkasy Parlamenti Májilisiniń úshinshi shaqyrylymynyń depýtaty – Agrarlyq máseleler komıtetiniń múshesi boldy. 2007-2008 jyldary – Qazaqstan Respýblıkasy Parlamenti Májilisiniń tórtinshi shaqyrylymynyń depýtaty – Agrarlyq máseleler komıtetiniń múshesi bolǵan. 2013 jyldan senator, 2013-2016 jyldary – Qazaqstan Respýblıkasy Parlamenti Senaty tóraǵasynyń orynbasary boldy.

Qazirgi qyzmetinde 2019 jyldyń tamyz aıynan beri.

«Qurmet» ordenimen jáne medaldarmen marapattalǵan.

57 jyl buryn (1965) Qazaqstan Respýblıkasynyń Rýmynııadaǵy Tótenshe jáne Ókiletti elshisi Nurbah Turaruly RÚSTEMOV dúnıege keldi.

Ońtústik Qazaqstan oblysynyń Túrkistan qalasynda týǵan.

Almaty shetel tilderi ınstıtýtyn, BLKJO OK janyndaǵy Joǵary komsomol mektebin, L.Gýmılev atyndaǵy Eýrazııa Ulttyq ýnıversıtetiniń Dıplomatııalyq akademııasyn, Qazaqstan-Reseı ýnıversıtetin bitirgen.

Eńbek joly: 1986-1987 jyldary Túrkistan qalasy №1 mektebinde aǵylshyn tiliniń muǵalimi.

1987-1990 jyldary – Túrkistan qalalyq komıtetiniń hatshysy, Qazaqstan LKJO OK bólim meńgerýshisiniń orynbasary. 1990-1991 jyldary – «Qazaqıntorg» AQ sarapshysy.

1991-1992 jyldary – Qazaqstan LKJO OK Shymkent oblystyq komıtetiniń bólim meńgerýshisi. 1992-1997 jyldary – QR Syrtqy ister mınıstrligi Memlekettik protokol basqarma bastyǵynyń orynbasary, bastyǵy, bólim bastyǵy, hatshysy.

1997-1999 jyldary – QR Premer-Mınıstri Keńsesiniń protokol-uıymdastyrý bóliminiń meńgerýshisi. 1999-2009 jyldary Májilis depýtaty boldy.

Qazaqstan Respýblıkasy Parlamenti Májilisiniń IV shaqyrylym depýtaty. Qazaqstan Parlamenti Májilisi Halyqaralyq ister, qorǵanys jáne qaýipsizdik komıtetiniń tóraǵasy boldy.

2009-2010 jyldary Qazaqstan Respýblıkasynyń Iran Islam Respýblıkasyndaǵy Tótenshe jáne Ókiletti elshisi.

2010-2013 jyldary – QR SІM erekshe tapsyrmalar jónindegi elshisi.

2014 jyldan 2019 jylǵa deıin Qazaqstan Respýblıkasynyń Serbııa Respýblıkasyndaǵy, Makedonııa Respýblıkasyndaǵy Tótenshe jáne Ókiletti elshisi mindetin qosa atqarýshy.

Qazirgi qyzmetinde 2019 jyldyń qyrkúıek aıynan beri.

«Qurmet», «Dostastyq» (TMD PAA) ordenderimen, merekelik medaldarmen marapattalǵan.

54 jyl buryn (1968) Qazaqstan Respýblıkasynyń Armenııa Respýblıkasyndaǵy Tótenshe jáne Ókiletti elshisi Bolat Barıuly IMANBAEV dúnıege keldi.

Aqmola oblysynda týǵan. 1990 jyly M.V.Lomonosov atyndaǵy MMÝ-di bitirgen. 1992 jyldan – Qazaqstan SІM júıesinde eńbek etedi. QR SІM Astana qalasyndaǵy Konsýldyq pýnktiniń basshysy, Aqmola oblysy boıynsha Syrtqy ekonomıkalyq baılanystar komıtetiniń tóraǵasy boldy.

QR-dyń Lıtvadaǵy, Germanııadaǵy elshilikterinde eńbek etti, QR SІM Kópjaqty yntymaqtastyq departamenti dırektorynyń orynbasary, QR SІM Halyqaralyq ekonomıkalyq jáne gýmanıtarlyq yntymaqtastyq departamentiniń dırektory, QR Indýstrııa jáne jańa tehnologııalar mınıstrliginiń Halyqaralyq yntymaqtastyq departamentiniń dırektory bolyp istedi.2019-2021 jyldary Qazaqstan Respýblıkasynyń Malaızııadaǵy Tótenshe jáne Ókiletti elshisi, Qazaqstan Respýblıkasynyń Brýneı-Darýssalamdaǵy Tótenshe jáne Ókiletti Elshisi qyzmetin qosa atqarýshy.

Qazirgi qyzmetinde – 2021 jyldyń aqpan aıynan beri.

Qazaqstan Respýblıkasynyń Brýneı-Darýssalamdaǵy Tótenshe jáne Ókiletti Elshisi qyzmetin qosa atqarýshy qyzmetine 2020 jylǵy qańtarda taǵaıyndaldy.

46 jyl buryn (1976) QazaqGaz («QazTransGaz») basqarma tóraǵasynyń mindetin atqarýshy Ibýlla Jumaǵululy SERDІ dúnıege keldi.

Mańǵystaý oblysy Jańaózen qalasynda týǵan. M. Tynyshpaev atyndaǵy Qazaq kólik jáne kommýnıkatsııalar akademııasyn «ınjener-ekonomıst» (1999), Q.I. Sátpaev atyndaǵy Qazaq ulttyq tehnıkalyq ýnıversıtetin «munaı-gaz isi» boıynsha támamdaǵan. Gaz salasynda 2003 jyldan bastap qyzmet etedi. 2003-2005 jyldary «Intergaz Ortalyq Azııa» AQ tenderlik rásim men kelisimshart monıtorıngi departamentiniń bas mamany. 2006 jyldan bastap «Qazaqstan Temir Joly» UK» AQ satyp alý monıtorıngi men baqylaý jónindegi bólim bastyǵynyń orynbasary. Keıingi jyldary bıznes-qurylymdarynda basshylyq laýazymdarda jumys istedi. 2009 jyldan bastap «QazTransGaz Aımaq» AQ-da jetekshi, bas maman, menedjer qyzmetterinde jumys istedi. 2009 jyldyń qazan aıynan bastap Mańǵystaý óndiristik fılıalynyń dırektory. 2011 jyldyń qyrkúıek aıynan bastap Shart jáne baǵa monıtorıngi departamentiniń dırektory, keıinnen – «QazTransGaz Aımaq» AQ basqarýshy dırektory. 2013 jyldyń qyrkúıek aıynan bastap «QazTransGaz Aımaq» AQ Bas dırektorynyń orynbasary. 2014 jyldyń qazan aıynan bastap «QazTransGaz Aımaq» AQ Bas dırektory (Basqarma tóraǵasy). 2015 jyldyń shilde aıynan bastap «QazTransGaz» AQ Bas dırektorynyń keńesshisi - Basqarma múshesi. 2015 jyldyń qyrkúıek aıynan bastap «Intergaz Ortalyq Azııa» AQ Dırektorlar keńesiniń tóraǵasy. 2015 jyldyń jeltoqsan aıynan bastap «QazTransGaz» AQ Bas dırektorynyń marketıng jáne kommertsııa jónindegi orynbasary. 2016 jyldyń naýryz aıynan bastap «QazTransGaz» AQ Bas dırektorynyń birinshi orynbasary – Basqarma múshesi. 2016 jyldyń tamyz aıynan bastap «QazMunaıGaz» UK AQ gaz tasymaldaý jáne marketıng jónindegi aǵa-vıtse prezıdenti. 2017 jyldyń tamyz aıynan bastap «QazMunaıGaz» UK AQ gaz tasymaldaý jáne saqtaý jónindegi aǵa-vıtse prezıdenti. 2018 jyldyń maýsym aıynan bastap «QazMunaıGaz» UK AQ gaz tasymaldaý jáne saqtaý jónindegi basqarýshy dırektory. 2020-2022 jyldary «QazTransGaz» AQ basqarma tóraǵasynyń birinshi orynbasary.

Qazirgi qyzmetinde – 2022 jyldyń qańtarynan.