30 jylda qarqyndy damý progresine qol jetkizdik - Elbasy

ALMATY. QazAqparat - Qazaqstan 30 jylda damýdyń progressıvti jolyna shyqty. Bul týraly Almatyda QR Tuńǵysh Prezıdenti Nursultan Nazarbaevtyń saıası kóshbasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııasynda sóz sóılegen QR Prezıdenti Qasym-Jomart Toqaev aıtty, dep habarlaıdy QazAqparat.

«30 jylda biz damýdyń jaqsy progresine qol jetkizdik. Jalpy ishki ónim táýelsizdik jyldarynda 1993 jyly 11 mlrd AQSh dollary bolsa, qazir 171 mlrd dollaryna jetti.

Bul jalpy Azııa elderin qosa alǵandaǵy kórsetkishten de kóp. Qazaqstannyń halyqaralyq rezervinde 86 mlrd AQSh dollaryn jınady. Bul qarajat turaqty aqsha-nesıe saıasatyn júrgizýge jetkilikti bolmaq», - dedi Nursultan Nazarbaev.

Ol halyqtyń turmystyq jaǵdaıynyń kóterilgenin aıtty. 300 mlrd dollar kóleminde sheteldik ınvestıtsııa tartyldy. Bul sheteldik ınvestorlardyń Qazaqstanǵa degen senimin arttyrady.

«ShOB salasy damyp keledi. Ol Qazaqstan ekonomıkasynyń 27%-yn quraıdy. Bizdiń mindetimiz - ShOB úlesin 50 paıyzǵa jetkizý», - dedi Elbasy.

Eske sala keteıik, búgin Almatyda ótip jatqan «Kemeńgerliktiń 30 jyly» halyqaralyq ǵylymı konferentsııada sóz sóılegen Qasym-Jomart Toqaev Qazaqstan memleketiniń negizin qalaýshy Nursultan Nazarbaevty «egemen eldiń jylnamasyn jazǵan adam» dep atady.

Sondaı-aq, QR Tuńǵysh Prezıdenti Nursultan Nazarbaev óziniń KSRO Úkimetin basqarý týraly usynystan qalaı bas tartqanyn aıtty.