30 jyldan astam ýaqyt boıy sot tóreliginen jasyrynǵan er adam Pavlodarda ustaldy

PAVLODAR. KAZINFORM - Pavlodar oblysy Polıtsııa departamentiniń jedel ýákilderi jasaǵan qylmysy úshin izdeýde júrgen 11 adamnyń ornalasqan jerin anyqtady. Bul týraly ІІM baspasóz qyzmeti habarlady.

– 1991 jyly Qyrǵyzstannyń Ystyqkól oblysynyń aýmaǵynda zorlyq jasaǵan er adam oblys ortalyǵynda ustaldy. Reseı Federatsııasynyń Tıýmen qalasynda bizdiń qalamyzda qaraqshylyq jasaǵany úshin memleketaralyq izdeýge jarııalaǵan kúdikti quryqtaldy, – dedi Pavlodar oblysy PD Krımınaldyq polıtsııa basqarmasynyń bastyǵy Balǵabaı Qaparov.

Buǵan deıin Pavlodarda ınternet arqyly tanysqan qyz er adamnyń telefonyn urlap, lombardqa ótkizip jibergen oqıǵa jaıly jazǵan edik.