30 tamyz. Tulǵalar týǵan kún
Búgin, 30 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1961) QR memleket jáne qoǵam qaıratkeri, «Qazaqstannyń kásipker áıelder odaǵy» Qoǵamdyq birlestiginiń tóraıymy Merýert Aıtqajyqyzy QAZBEKOVA dúnıege keldi.
Kókshetaý qalasynda týǵan. Almaty halyq sharýashylyǵy ınstıtýtyn, «Turan» ýnıversıtetin, RF Prezıdenti janyndaǵy Reseı memlekettik qyzmet akademııasyn bitirgen. Saıası ǵylymdardyń kandıdaty.
Eńbek joly: 1983-1985 jyldary Ońtústik Qazaqstan oblystyq memlekettik saqtandyrýda ınjener-ekonomıst bolyp jumys istegen. 1986-1989 jyldary Kókshetaý qalalyq atqarý komıtetinde ınjener-ekonomıst, ekonomıst, aǵa ekonomıst. 1991-1992 jyldary Kókshetaý qalasynda sharýashylyq eseptik-ekonomıkalyq top jetekshisi, 1992-2006 jyldary «Tilektes» JShS-niń dırektory, «AVZ - 007» JShS-niń qarjylyq dırektory, 2006-2008 jyldary «Qazaqstan temir joly» UK AQ Qarjy departamentiniń basqarma bastyǵy qyzmetin atqarǵan. 2008 jyldan bastap «Qazaqstannyń kásipker áıelder odaǵy» Qoǵamdyq birlestiginiń tóraıymy.
1998-2002 jyldary Іsker áıelder qaýymdastyǵynyń Aqmola oblystyq bólimshesiniń tóraıymy (qoǵamdyq negizde). 2000 jyly AQSh-ta taǵylymdamadan ótken. 2001 jyly AQSh-ta «SABIT» baǵdarlamasy boıynsha taǵylymdamadan ótken. 2002-2006 jyldary Áıelder kásipkerligin damytý ortalyǵynyń tóraıymy (qoǵamdyq negizde). 2012 jylǵy qańtardan bastap besinshi jáne 2016 jyldyń naýryz aıynan bastap altynshy saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń hatshysy. 2002-2005 jyldary «Aqjol» QDP-nyń Aqmola oblystyq bólimshesiniń tóraıymy. 2012 jyldan QR Parlamenti Májilisindegi «Aq jol» QDP fraktsııasynyń múshesi. 2015-2021 jyldary altynshy saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń hatshysy boldy.
«Qazaqstan Respýblıkasynyń Táýelsizdigine 10 jyl» medalimen marapattalǵan.
53 jyl buryn (1972) Qyzylorda oblysynyń prokýrory Rızabek Kárimuly OJAROV dúnıege keldi.
Almaty oblysynda týǵan. Ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha jáne Ulttyq qaýipsizdik komıtetiniń ınstıtýtyn bitirgen.
Eńbek joly: 1996-2017 jyldary QR Ulttyq qaýipsizdik komıtetiniń Almaty qalasy jáne Almaty oblysy boıynsha departamentterinde, ortalyq apparatta departament bastyǵynyń orynbasary qyzmetinde eńbek etken. 2017-2018 jyldary QR Bas prokýratýranyń Arnaıy prokýrorlar qyzmeti bastyǵynyń orynbasary bolyp jumys istedi. 2019 jyly Almaty oblysy prokýrorynyń orynbasary laýazymyn atqarǵan. 2019-2024 jyldary QR Bas prokýratýrasynyń
Cotqa deıingi tergep-tekserý qyzmetin basqardy.
Qazirgi qyzmetin 2024 jyldyń qańtarynan bastap atqaryp keledi.
«Jaýyngerlik erligi úshin» medalimen marapattalǵan.
41 jyl buryn (1984) Qazaqstan Respýblıkasynyń Týrızm jáne sport mınıstri Erbol Qýantaıuly MYRZABOSYNOV dúnıege keldi.
Semeı qalasynda týǵan. Semeı memlekettik pedagogıkalyq ınstıtýtyn «Dene shynyqtyrý jáne sport» mamandyǵy boıynsha; Qazaq gýmanıtarlyq-quqyqtyq ınnovatsııalyq ýnıversıtetin «Memlekettik jáne jergilikti basqarý» mamandyǵy boıynsha bitirgen; Qazaq sport jáne týrızm akademııasynyń PhD doktory.
Eńbek joly: Semeı memlekettik pedagogıkalyq ınstıtýtynyń dene shynyqtyrý jáne sport teorııasy men ádistemesi kafedrasynyń jattyqtyrýshy-oqytýshysy (2005-2006); Semeı memlekettik medıtsına ýnıversıtetiniń dene shynyqtyrý kafedrasynyń oqytýshysy (2009-2013); Semeı memlekettik medıtsına ýnıversıtetiniń dene shynyqtyrý kafedrasynyń meńgerýshisi (2013-2014); «Qyzyljar arlandary» sport klýbynyń dırektory, Soltústik Qazaqstan oblysy, Petropavl qalasy (2018-2020); «Qazaq kuresi» qaýymdastyǵynyń basqarýshy dırektory (2020-2021); Astana qalasy Dene shynyqtyrý jáne buqaralyq sport akademııasynyń rektory (2021-2023); Qazaqstan Respýblıkasy Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy (2023-2024).
2024 jyldyń qyrkúıek aıynan bastap qazirgi qyzmetinde.
123 jyl buryn (1902-1966) keńestik partııa jáne memleket qaıratkeri Jumabaı Shaıahmetuly ShAıAHMETOV dúnıege keldi.
Omby oblysynyń Borısov aýdanynda týǵan. Narımanov atyndaǵy Máskeý Shyǵystaný ınstıtýtyn bitirgen (1933).
Eńbek joly: muǵalim (1919-1921); bolystyq atqarý komıtetiniń hatshysy (1921-1923); qylmystyq izdestirý bóliminde jumys istegen (1923-1926); «Qoşy» odaǵy Petropavl ýezdik komıtetiniń jaýapty hatshysy (1926-1928); OGPÝ-NKVD organdaryndaǵy jedel jumysta (1928-1938); NKVD Soltústik Qazaqstan jáne Almaty oblystyq basqarmalary bastyǵynyń orynbasary; Úshinshi, ekinshi, Qazaqstan Kompartııasy Ortalyq Komıtetiniń birinshi hatshysy (1938-1954); KSRO Joǵarǵy Keńesi Ulttar Keńesiniń tóraǵasy (1950-1954).
Qazaqstan Kompartııasy Ortalyq Komıtetiniń aqpan (1954 j.) Plenýmynda tyń jerlerdi jappaı ıgerýdiń usynylǵan baǵdarlamasynyń aýqymymen kelispegeni úshin qyzmetinen shettetildi. 1954 jylǵy plenýmnan keıin jáne 1955 jylǵy mamyrǵa deıin Qazaqstan Kompartııasy Ońtústik Qazaqstan oblystyq komıtetiniń 1-hatshysy boldy. 1955 jyly qańtarda zeınetkerlikke shyqty.
Shaıahmetov 1966 jyly 17 qazanda Qazaq KSR Mınıstrler Keńesiniń aýrýhanasynda qaıtys boldy. Ol Almaty qalasynyń Ortalyq zıratynda jerlengen. Shymkent qalasyndaǵy kóshelerdiń birine onyń esimi berildi.