30 naýryz. Tulǵalar týǵan kún

Búgin, 30 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

ESІMDER

64 jyl buryn (1960) «Astana Bas jospary» ǵylymı-zertteý jobalaý ınstıtýtynyń dırektory Sársembek Endibaıuly JÚNІSOV dúnıege keldi.

Taldyqorǵan oblysynda týǵan. 19882 jyly Almaty sáýlet jáne qurylys ınstıtýtyn bitirgen.

Eńbek joly: 1982 jyldan bastap «Almaty gıprogor» memlekettik konstrýktorlyq ınstıtýtynyń sáýletshisi, aǵa sáýletshisi, jetekshi arhıtektory, basshysy boldy. 1988-1994 jyldary «Almaty bas jospary» memlekettik jobalaý ınstıtýtynyń top jetekshisi, jobalardyń bas sáýletshisi, Almaty qalasy bas josparynyń mamandandyrylǵan tsehynyń basshysy, 1994-1996 jyldary Almaty qalasynyń sáýlet jáne qala qurylysy basqarmasynyń bastyǵy, 1996-1997 jyldary Aqmola qalasynyń bas josparyn jasaý boıynsha «Aqorda» jobalaý-qurylys kompanııasynyń tseh basshysy, 1997-2000 jyldary «Astana qalasynyń sáýlet jáne qala qurylysy departamenti» memlekettik mekemesiniń bas sáýletshi orynbasarynyń mindetin atqarýshy, 2000-2006 jyldary «Astana Bas jospary» Memlekettik kásiporny dırektorynyń orynbasary – bas sáýletshisi, 2006-2007 jyldary «Bas jospar.KZ» JShS dırektory, 2007 jyldan bastap «Astanabasjospar» Memlekettik kásipornynyń bas sáýletshisi – bas dırektordyń orynbasary; Astana qalasynyń Sáýlet jáne qala qurylysy basqarmasynyń bastyǵy, Qazaqstan Respýblıkasy Prezıdentiniń janyndaǵy Astana sáýlet keńesiniń hatshysy.

Qazirgi laýazymyn 2015 jylǵy naýryz aıynan beri atqaryp keledi.

«Qurmet» ordenimen, «Eren eńbegi úshin», «Astanaǵa 10 jyl», «Qazaqstan Konstıtýtsııasyna 10 jyl», «Qazaqstan Respýblıkasynyń Táýelsizdigine 10 jyl» medaldarymen marapattalǵan.

53 jyl buryn (1971) QR Ulttyq ulany Bas qolbasshysynyń tehnıka jáne qarý-jaraq jónindegi orynbasary Konstantın ıÝrevıch VORONKIN dúnıege keldi.

Ońtústik Qazaqstan oblysynyń Shymkent qalasynda dúnıege kelgen. Ózbek Sotsıalıstik Keńestik Respýblıkasy Joǵarǵy Keńesi atyndaǵy Samarqand joǵary áskerı avtokólik komandalyq ýchılışesin, Qazaqstan Respýblıkasynyń Tuńǵysh Prezıdenti atyndaǵy Ulttyq qorǵanys ýnıversıtetin, Reseı Federatsııasy Qarýly Kúshteri Bas shtaby Akademııasynyń joǵary akademııalyq kýrstaryn aıaqtaǵan.

Qyzmettik jolyn Shymkent qalasynda vzvod komandırinen bastaǵan. Keıin quqyqtyq tártip áskerinde tehnıka jáne qarý-jaraq baǵyty boıynsha túrli laýazymdarda qyzmet etti. 2011 jyldan bastap Іshki áskerler, budan soń Ulttyq ulan Bas qolbasshylyǵynda tehnıka jáne qarý-jaraq basqarmasyna basshylyq jasady. 2020 jyldyń 24-qarashasynan bastap Qazaqstan Respýblıkasy Ulttyq ulan Bas qolbasshysynyń tehnıka jáne qarý-jaraq jónindegi orynbasary.

QR Prezıdentiniń 2022 jylǵy 5 mamyrdaǵy Jarlyǵymen «general-maıor» áskerı ataǵy berildi. Qazaqstan Respýblıkasynyń 12 medalimen nagradtalǵan.

48 jyl buryn (1976) Qaraǵandy qalasy ákiminiń orynbasary Qaırat Amangeldiuly KAMZIN dúnıege keldi.

Qaraǵandy qalasynda týǵan. 1998 jyly Qaraǵandy memlekettik tehnıkalyq ýnıversıtetin, 2009 jyly Qaraǵandy «Bolashaq» ýnıversıtetin támamdaǵan.

1993-1998 jyldary Qaraǵandy memlekettik tehnıkalyq ýnıversıtetiniń stýdenti, 1999-2000 jyldary Qaraǵandy qalasy «Azııa Tsentr ı K» JShS avtoslesari, 2001-2002 jyldary Qaraǵandy qalasy «Vodokanal» AAQ bas mamany, 2002-2003 jyldary Qaraǵandy qalasy «KÝGH» JShS «Alaýtransgaz» AQ jetekshi mamany, 2003-2005 jyldary Qaraǵandy qalasy «SAT Plus» JShS dırektorynyń orynbasary, 2005 jyly Tehnıkalyq retteý jáne metrologııa Komıtetiniń Qaraǵandy oblysy boıynsha basqarmasynyń jetekshi mamanynyń mindetin atqarýshy, 2005-2006 jyldary Tehnıkalyq retteý jáne metrologııa Komıtetiniń Qaraǵandy oblysy boıynsha basqarmasynyń jetekshi mamany, 2006-2007 jyldary Qaraǵandy qalasynyń Qazybek bı atyndaǵy aýdany ákmi apparatynyń uıymdastyrý jáne kadr jumysy bóliminiń bas mamany, 2007-2008 jyldary QR tabıǵı monopolııalardy retteý Agenttiginiń Qaraǵandy oblysy boıynsha basqarmasynyń memlekettik monopolııalar jáne taldaý bóliminiń bas mamany, 2008-2009 jyldary QR tabıǵı monopolııalardy retteý Agenttiginiń Qaraǵandy oblysy boıynsha departamentiniń tehnıkalyq retteý bóliminiń bas mamany, 2009-2010 jyldary QR tabıǵı monopolııalardy retteý Agenttiginiń Qaraǵandy oblysy boıynsha departamentiniń tehnıkalyq retteý bóliminiń bastyǵy, 2010-2012 jyldary Qaraǵandy oblysynyń energetıkı jáne turǵyn úı-kommýnaldyq sharýashylyq basqarmasy bastyǵynyń orynbasary, 2012-2021 jyldary Prıozersk qalasynyń ákimi, 2021-2022 jyldary Qaraǵandy oblysynyń memlekettik sáýlet-qurylysyn baqylaý basqarmasynyń basshysy, 2022 jyly «Qaraǵandy oblysy qurylys, sáýlet jáne qala qurylysy basqarmasy» memlekettik mekemesiniń basshysy boldy.

2023 jyldyń mamyr aıynan bastap qazirgi qyzmetinde.

48 jyl buryn (1976) Aqmola oblysy boıynsha Memlekettik kirister departamenti basshysynyń orynbasary Batyrhan Maqsatuly KÁRІMOV dúnıege keldi.

Soltústik Qazaqstan oblysy, Aqjar aýdany, Alqaterek aýylynda týǵan.

2005 jyly A.Myrzahmetov atyndaǵy Kókshetaý ýnıversıtetin «Esep jáne aýdıt» mamandyǵy boıynsha bitirgen.

Eńbek jolyn 1999 jyly Soltústik Qazaqstan oblysy boıynsha salyq komıtetiniń aǵa ınspektory bolyp bastady. 2002-2007 jyldary Soltústik Qazaqstan oblysy boıynsha salyq komıtetiniń uıymdastyrý bóliminiń aýdıt bóliminiń, ishki aýdıt bóliminiń jeke tulǵalardyń aýdıtin uıymdastyrý bóliminiń bas salyq ınspektory, 2007-2009 jyldary QR Qarjy mınıstrligi Salyq kodeksiniń Halyqaralyq salyq salý departamentiniń sarapshysy, 2009-2011 jyldary «Báıterek» Qazaqstan-Reseı birlesken kásiporny» AQ ishki aýdıt qyzmetiniń basshysy, Kókshetaý qalasy boıynsha salyq basqarmasy, Aqmola oblysy boıynsha salyq departamenti bastyǵynyń orynbasary, 2012-2014 jyldary Aqmola oblysy boıynsha Salyq departamenti basshysynyń orynbasary, 2014-2022 jyldary Kókshetaý qalasy boıynsha Memlekettik kirister basqarmasynyń basshysy qyzmetterin atqardy.

2022 jyldyń qazan aıynan beri qazirgi qyzmetinde.

146 jyl buryn (1878-1941) ǵalym, Qazaqstan faýnasyn tuńǵysh zertteýshi, bıologııa ǵylymynyń doktory Danııl Nıkolaevıch KAShKAROV dúnıege kelgen.

Reseıde týǵan. Máskeý memlekettik ýnıversıtetiniń jaratylystaný bólimin jáne medıtsına fakýltetin bitirgen. 1919-1941 jyldary Orta Azııa ýnıversıtetiniń, Lenıngrad memlekettik ýnıversıtetiniń omyrtqalylar zoologııasy kafedrasyn basqarǵan. Ol Orta Azııa men Qazaqstannyń qurlyq omyrtqalylary faýnasy men ekologııasyn zerttegen. Respýblıkada Aqsý-Jabaǵyly qoryǵyn uıymdastyrý qajettigin negizdep bergen. Ǵalymnyń zoologııa jáne janýarlar ekologııasy jaıyndaǵy oqýlyqtary men monografııalary jaryq kórgen.

84 jyl buryn (1940-2015) zań ǵylymdarynyń doktory, professor, Qazaqstan Respýblıkasynyń qurmetti sýdıasy Maqsut Sultanuly NÁRІKBAEV dúnıege kelgen.

Almaty oblysynda týǵan. S.M. Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.

Eńbek joly: Ádilet mınıstrliginde jáne respýblıka prokýratýrasynda jumys istegen. 1992-1993 jyldary Prezıdent apparatynda jáne Qazaqstan Respýblıkasynyń Mınıstrler kabınetinde qyzmet etti. 1995-1996 jyldary Qazaqstan Respýblıkasynyń Bas prokýrory. 1996-2000 jyldary Qazaqstan Respýblıkasy Joǵarǵy sotynyń tóraǵasy. 2000 jyldan «Qazaq gýmanıtarlyq zań ýnıversıteti» AQ prezıdenti. 2004 jyldan Jalpy qoǵamdyq «Qazaqstannyń demokratııalyq partııasynyń» tóraǵasy. 2-shi dárejeli Memlekettik zań keńesshisi, joǵary dárejedegi sýdıa. Jetkinshek jáne zań, balalyqty zańmen qorǵaý, azamattyq quqyqty sotta qorǵaý, Qazaqstan Respýblıkasynyń qylmystyq zańy taqyryptaryna jazylǵan kitaptardyń jáne 50-den astam ǵylymı maqalanyń avtory.

73 jyl buryn (1951-2023) memleket qaıratkeri Sergeı Aleksandrovıch TEREŞENKO dúnıege kelgen.

Reseı Federatsııasynyń Prımorsk óńirinde týǵan. Qazaq aýyl sharýashylyǵy ınstıtýtyn, Almaty joǵary partııa mektebin bitirgen. 1989-1990 jyldary Qazaq KSR Mınıstrler Keńesi tóraǵasynyń orynbasary, Qazaq KSR Joǵarǵy Keńesi tóraǵasynyń birinshi orynbasary, Qazaq KSR Prezıdentiniń orynbasary, Qazaq KSR Prezıdenti Keńsesiniń jetekshisi, Qazaq KSR Prezıdenttik keńesiniń múshesi. 1990-1991 jyldary Shymkent oblystyq partııa komıtetiniń birinshi hatshysy, Shymkent oblystyq keńesiniń tóraǵasy. 1991-1994 jyldary Qazaqstan Respýblıkasynyń Premer-Mınıstri. 1992-1993 jyldary – sonymen qatar Qazaqstan Respýblıkasynyń Shetel ınvestıtsııasy jónindegi ulttyq agenttiktiń tóraǵasy. 1993-1994 jyldary Ulttyq valıýta engizý jónindegi ulttyq komısııanyń tóraǵasy qyzmetterin atqarǵan. 1994 jyldan Halyqaralyq «Integratsııa» qory basqarmasynyń tóraǵasy. 1998-2008 jyldary «TsentrKredıt banki» AQ, «Transaero» ÁK» AAQ, «Indýstrıalnyı bank Kazahstana» AAQ, «Báıterek» BK AQ, «Vita» AQ-nyń dırektorlar keńesiniń múshesi. 2004 jyldan Qazaqstan Respýblıkasynyń Saqtandyrý naryǵyna qatysýshylar qaýymdastyǵynyń prezıdenti. 1999 jyldan «Otan» partııasy saıası keńesiniń múshesi. 1998-1999 jyldary «Qazaqstan Respýblıkasy Prezıdenti N.Á. Nazarbaevtyń kandıdatýrasyn qoldaý jónindegi qoǵamdyq shtab» Qoǵamdyq Uıymynyń tóraǵasy. 1999-2002 jyldary «Otan» partııasy tóraǵasynyń mindetin atqarýshy. 2002-2006 jyldary Qazaqstan Halyqtary assambleıasy tóraǵasynyń orynbasary qyzmetterin atqarǵan. 2004 jyldan – Qazaqstandaǵy slavıan, orys jáne kazaktar qaýymdastyǵynyń tóraǵasy. 2008 jyldan «Nur Otan» HDP janyndaǵy «Abyroı» qoǵamdyq-keńes berý keńesiniń tóraǵasy.

2-shi dárejeli «Barys», 1-shi dárejeli «Dostyq», «Drýjba» (RF) ordenderimen, medaldarmen marapattalǵan, Prezıdent syılyǵynyń laýreaty, Ońtústik Qazaqstan oblysynyń qurmetti azamaty.

54 jyl buryn (1970-2015) memleket qaıratkeri Nurlan Jambyluly QAPPAROV dúnıege kelgen.

Almaty qalasynda týǵan. Qazaq memlekettik ýnıversıtetin, Almaty tehnologııalyq ınstıtýtyn jáne Garvard ýnıversıtetiniń Dj. Kennedı atyndaǵy Joǵarǵy memlekettik basqarý mektebin bitirgen.

Eńbek joly: 1991-1997 jyldary «Aktsept» Korporatsııasy JAQ prezıdenti; 1997-1998 jyldary «QazTransOıl» JAQ prezıdenti; 1998-1999 jyldary «Qazaqoıl» JAQ prezıdenti; 1999-2001 jyldary QR Energetıka jáne mıneraldyq resýrstar vıtse-mınıstri; 2003-2007 jyldary «Qazınvestbank» AQ Dırektorlar keńesiniń tóraǵasy; 2004-2012 jyldary «Lancaster Group Kazakhstan» AQ Dırektorlar keńesiniń tóraǵasy; 2012-2013 jyldary QR Qorshaǵan ortany qorǵaý mınıstri, 2013-2014 jyldary Qorshaǵan orta jáne sý resýrstary mınıstri, 2014 -2015 jyldary «Qazatomónerkásip» aktsıonerlik qoǵamynyń prezıdenti. 2015 jylǵy 26 naýryzda qaıtys boldy.